Мазмұны. Бүйрек ауруларын зерттеу әдістері

Бүйрек ауруларын зерттеу әдістері

(ЖОО-ға арналған оқу нұсқаулығы)

Алматы, 2009ж.

Әдістемелік нұсқаулар С.Ж Аспендияров атындағы Қазақ ұлттық медицина университетінде профессор Ә. Б. Қанатбаева, асс. м.ғ.к. Қ. А. Кабулбаев, асс. м.ғ.к. Ә. Е. Наушабаевамен құрастырылған

Қазақ тіліне аударғандар: профессор Ә. Б. Қанатбаева, асс. Карибаев Е. А, асс. Бәміш М..

Рецензенттер: Профессор Ш. Г. Исаева, ҚазҰМУ жанұялық медицина

кафедрасының меңгерушісі.

Профессор А. Ш. Ибраева, Б.У. Жарбосынов атындағы Урология ҒО

директор орынбасары.

Бүйрек ауруларын диагностикалау мен емдеуде зерттеу әдістерін мақсатты қолдану орасан зор маңызға ие. Арнайы нефрология мен гемодиализ бөлімшелерінің сәтті жұмыс істеуі дәлелдемелі медицинаға негізделген, науқастарға жаңа заманғы диагностикалық зерттеу әдістерін қолдану мүмкіндігіне байланысты. Соңғы 20 жыл ішінде нефрологияның зерттеу әдістері елеулі өзгерістерге ұшыраған. Ескі әдістер қарапайымдалып, стандартталған. Көбінесе қолжетімді жаңа технологиялар енгізілуде. Жаңа зерттеу әдістерін қолданысқа енгізу үшін білікті дәрігер олардың принциптері мен көрсетілімдерін ғана біліп қоймай, сонымен қатар зерттеу нәтижелерін де бағалай білуі тиіс. Зерттеу әдісін таңдау кезінде оның ақпараттылығы, қауіпсіздігі және бағасы зор маңызға ие..

Оқу нұсқаулығы ЖОО студенттеріне, интерндерге, нефрологтар мен урологтарға арналған. Сонымен қатар нұсқаулықта бүйрек ауруы бар науқасты кездестіретін терапевт, педиатр, жанұялық және басқа мамандықтағы дәрігерлерге қызықты әрі қолайлы жаңа ақпарат бар.

Мазмұны

1. Бүйрек ауруларының клиникалық симптоматикасы …………………………………… 3

1. Зертханалық зерттеу әдістері:

· Зәр талдауы……………………..............…………………………..………......……… 6

· Қан талдауы……………………………..............…………………..………….....….. 12

• Функционалды зерттеу әдістері …………………….................……………………..…. 14
• Құрал-саймандармен зерттеу әдістері …………………………...........…………….….. 18
• Бүйрек биопсиясы мен биоптатты морфологиялық зерттеу әдістері …………….........21
• Дәрілік заттар мониторингі ………………………………………….........................…....25
• Медициналық биология …………………………………………………….....................26
• Молекулярлық генетика ……………………………………………………......................27
• Қосымшалар ………………………………………………………………………............ 28
• Қолданылған әдебиет тізімі ………………………………………...............…............… 32
• Білімді тесттік бақылау …………………………………………………….......….....…..33

Бүйрек ауруларын уақтылы әрі нақты анықтау үшін қарапайым зәр және қан талдауларымен қатар, арнайы биохимиялық, иммунологиялық, морфологиялық, генетикалық зерттеу әдістері қажет. Бірқатар зерттеу түрі (ангиография, радионуклидті әдістер т.б.) арнайы құрал-жабдықты қажет етеді. Нақты диагноз қою үшін біренше зерттеудің тізбегін өткізіп, нәтижелерін тіркеп қана қоймай, әр науқасқа арналған диагностикалық концепция құрастыру қажет. Зерттеу әдісін таңдауда жаңалығын, ақпараттылығын, қауіпсіздігі мен бағасын ескеру қажет. әрбір жеке жағдайда зерттеу әдістерін сатылы жүзеге асыру мен алгоритмдерді қолдану сырқат аныталуын едәір тездетіп, жеңілдетеді.

Нефрологиялық науқасты зерттеу жоспары диагностиканың синдромалды-нозологиялық принципіне негізделген. Осы орайда қолданылатын сызбанұсқа::

· Басты синдромды анықтау

· Ажырату диагностикасын өткізу арқылы нозологиялық негізін анықтау

· Бүйрек қызметін бағалау (ауру басында және динамикалық бақылау кезінде)

Date: 2016-02-19; view: 1525; Нарушение авторских прав