Родоплеменные ценности в Древней Руси

Документ Повесть временных лет. XI—XII вв.

(Извлечение)

Поляне же живше особе и володеюще родом своими... и живяху кождо со своим родом и на своих местех, володеюще кождо родом своим. И быша 3 братья, единому имя Кий, а другому Щек, а третьему Хорив, и сестра их Лыбедь. Седяше Кий на горе, идеже ныне увоз Бори-чев, а Щек седяше на горе, идеже ныне зовется Щековица, а Хорив на третьей горе, от него же прозвася Хоривица; и сотвориша град во имя брата своего старейшего, и нарекоша имя ему Киев. И бяше около гра­да лес и бор велик, и бяху ловища зверь, бяху мужи мудры и смыслени, и нарицахуся поляне, от ни же суть поляне в Киеве и до сего дне...

Поляне бо своих отец обычай имут кроток, и тих, и стыденье к сно­хам своим и к сестрам, и к матерям и к родителем своим, к свекро-вем и к деверем велико стыденье имеху; брачный обычай имеху: не хожаще зять по невесту, но привожаху вечерь, а заутра приношаху по ней что вдадуче. А древляне живяху зверинским образом, живуще скотски: убиваху друг друга, ядяху все нечисто, и брака у них не бы-ваше, но умыкаваху у воды девица. И радимичи, и вятичи, и север один обычай имяху: живяху в лесех, якоже и всякий зверь, ядуще все нечисто, и срамословье в них пред отцы и перед снохами, и браци не бываху в них, но игрища межю селы, схожуся на плясанье и на всякие бесовские игрища, и ту умыкаху жены себе, с нею же съвещашеся; имяху же по две и по три жены. И аще кто умряше, творяху тризну по нем, и посем творяху кладу велику, и възложаху и на кладу, мертве­ца сожжаху, и посем собравше кости вложаху в судину малу, и постав-ляху на столпе на путях, еже творять вятичи и ныне. Си же творяху обы­чая кривичи и прочий погании, не ведуще закона Божья, но творяще са­ми себе закон... Яко же и при нас ныне половци закон держат отец своих.

Цивилизационная

Альтернатива— 1.

Date: 2015-07-23; view: 536; Нарушение авторских прав