Руақтың заттық әлемге келгендегі негізгі мақсаты

Інжілде мынадай сөз бар: «Ар ұятыңа қарай жаза немесе силық аласың. Өлшеміңе қарай сыбаға аласың». Пайғамбарымыз Мұхаммед (с.ғ.с.)

Әруақ заттық әлемге келгенде оның негізгі мақсаты, кейбіреулердің ойлағанындай, бұл фәни әлемде бақыт іздеу емес. Әруақ тән алардан бұрын бұл әлемдегі өмірді, қандай жағдайларға кездесетінін біліп, кейде өзі таңдайды. Жоғары әлемдерде жанның еркін шектеп, басып тұратын заттық тән болмағандықтан, ондағы жан иелері болмыс сырларын бұл әлемдегілерден жақсы түсінеді. Сондықтан, оларға өмір мақсаты ашылып, енді соған жету үшін қандай сынақтан өту керегін өздері таңдап, соған байланысты өмір түрін қабылдайды. Нәзік әлемдегі әруақтар фәни әлемдегі өмірдің мақсаты табиғат көріністерін пайдалану арқылы Жаратушыны тануға ұмтылу екенін жақсы біледі. Шын мәнінде, адам күнделікті өмірден, өткен тарихтан тағлым ала білуі керек. Бұл өмірде тіпті әрбір басқан қадам жоғары мақсатқа қарай жетелейтін сабақ тәрізді. Сабақ алу барысында біз өзімізге берілген мүмкіншіліктерді дұрыс пайдалана аламыз. Бірақ, фәни әлемге шырылдап келген сәтінен бастап кейбір адам бұл мақсатты ұмытады. Сөйтіп, көкірек көзі жабылған имансыздар қатарына қосылып, даладағы сауық қуып шырылдаған шегіртке тәрізді уақытты босқа өткізіп, өлім келгенде өкініште қалады.

Руақтар заттық әлемге қалай әсер етеді?

Жан құмары – істемек, біліп алмақ,

Бөгет бола береді дене, салмақ.

Асыл іздеп асылды аласұрар,

Амал бар ма, денесіз қайда бармақ? Шәкәрім

Әруақтар нәзік денеде болғандықтан, оларға тұрпайы заттық әлемнің кедергісі жоқ. Олар барлық заттар арқылы өтіп кете берді. Сондықтан олардың жылдамдығы өте үлкен, ойдың жылдамдығындай. Және әлемнің қай түкпірінен болса да тез жетіп келе береді.

Заттың өздігімен қозғалуы үшін үш нәрсе керек. Ол әлемдік тоқ, медиум (сұңқар мен аққу) тоғы және әруақтың тоғы. Әруақ әлемдік тоқты жинап, медиумның тоғымен қосып затты жандандырады. Әлемдік тоқ өте нәзік болғандықтан, оны затқа енгізу мүмкін емес. Ол үшін соған сәйкес затталған нәзік дене керек. Бұл нәзік дене тек тәндегі рухта, яғни адамдарда ғана бар. Сондықтан, әруақ әлемдік тоқты затпен байланыстыратын нәзік денені тек адамдардан ғана алады. Сонан кейін ғана әруақ әлемдік тоқ пен аққу не сұңқардың (медиум) тоғын қосып затқа енгізіп, өзінің нәзік денесімен жанданған затты қозғалтып, оның қозғалысын басқара алады.