Бап. Республикалық бағалаушылар палатасының функциялары

Республикалық бағалаушылар палатасының функциялары:

1) бағалау қызметі саласындағы мемлекеттік саясатты жетілдіру жөнінде ұсыныстар әзірлеу;

2) мемлекеттік органдарда, жергілікті өзін-өзі басқару органдарында, сондай-ақ халықаралық кәсіптік бағалаушылар ұйымдарында аумақтық бағалаушылар палаталарының мүдделерін білдіру;

3) бағалаушылар палаталарының құқықтары мен заңды мүдделерін қорғау;

4) бағалау қызметі саласындағы мамандарды кәсіптік қайта даярлау бағдарламаларын әзірлеу және бекіту;

5) біліктілікті арттыру курсынан өткені туралы сертификаттар (куәліктер) беру тәртібін бекіту;

6) тағылымдамадан өту тәртібі туралы ұсынымдар әзірлеу;

7) бағалаушылар палатасына бағалаушылар палаталарының, бағалау қызметі саласында көрсетілетін қызметті тұтынушылардың өтініштерін, өтінішхаттарын, шағымдарын қарау;

8) Республикалық бағалаушылар палатасы мүшелерінің тізілімін жүргізу және осы тізілімде қамтылған ақпаратты уәкілетті орган белгілеген тәртіппен уәкілетті органға, мүдделі тұлғаларға беру;

9) Біліктілік комиссиясын құру;

10) мүдделі адамдардың аумақтық бағалаушылар палатасының сарапшылары жүргізген бағалау туралы есептік сараптама нәтижелерімен келіспеген жағдайда бағалау туралы есепке сараптама жүргізу;

11) бағалау қызметінің дамуына, оның тиімділігін арттыруға, бағалаушылардың, бағалау ұйымдарының, аумақтық бағалаушылар палатасының қызметін ұйымдастыруға және үйлестіруге септігін тигізу;

12) «бағалаушы» біліктілік сертификатының, бағалау ұйымдарының лицензияларын беру, тоқтата тұру, тоқтату, айыру және қолданысын тоқтату туралы деректерді өзінің интернет-ресурсында мемлекеттік және орыс тілдерінде орналастыру және (немесе) мерзімдік баспа басылымдарында жариялау;

13) бағалаушыға кандидаттарды сертификаттауды өткізу тәртібін белгілеу;

14) Біліктілік комиссияның қызметін қалыптастыру және жүзеге асыру қағидаларын әзірлеу;

15) бағалау стандарттарын, оларды қолдану бойынша әдістемелік нұсқамаларды тарату үшін жағдай қамтамасыз ету болып табылады.

Date: 2015-05-09; view: 700; Нарушение авторских прав