Бап. Тапсырыс берушінiң мiндеттерi

Тапсырыс берушi:

1) бағалаушыға шартқа сәйкес бағалауды уақытылы және сапалы жүргiзу үшiн жағдай жасауға;

2) бағалаушыға бағалауды жүргізу үшін қажет құжаттаманы, толық және дұрыс ақпарат табыс етуге, сондай-ақ қажетті түсініктемелер беруге, бағалаушының бағалау объектісіне қол жеткізуін қамтамасыз етуге;

3) егер бағалаудың дұрыстығына терiс ықпал ететiн болса, бағалаушының қызметiне араласпауға;

4) бағалаушының талабы бойынша бағалауды жүргiзу үшiн қажеттi ақпарат алуға өз атынан үшiншi тұлғалардың атына жазбаша сауал жiберуге мiндеттi.

Бап. Дауларды қарау

Бағалау қызметін жүзеге асыру кезінде бағалау ұйымының, тапсырыс беруші мен үшінші тұлғалар арасында туындайтын даулар сот тәртібінде(link is external) шешіледі

Тарау. Бағалау қызметін мемлекеттік реттеу

Бап. Бағалаушылар палаталарының қызметін бақылау

1. Уәкілетті орган осы Заңңның талаптарын Республикалық бағалаушылар палатасының орындауына бақылауды жүзеге асырады.

2. Осы Заңның 24-бабында белгіленген функциялардан туындайтын талаптарды аумақтық бағалаушылар палаталарының орындауына бақылауды аумақтық әділет органдары жүзеге асырады.

3. Бақылау тексеру нысанында және бақылаудың өзге де нысандарында жүзеге асырылады.

Тексеру «Қазақстан Республикасындағы мемлекеттік бақылау және қадағалау туралы» Қазақстан Республикасының Заңында(link is external) белгіленген тәртіппен жүзеге асырылады.

Бақылаудың өзге де нысандары осы Заңда белгіленген тәртіппен жүзеге асырылады.

4. Қазақстан Республикасының заңнамасын бұзу анықталған жағдайда аумақтық әділет органы аумақтық бағалаушылар палатасына бұзушылықтарды жою туралы ұсыныс жібереді. Белгіленген мерзімде бұзышылықтар жойылмаған кезде аумақтық әділет органы Қазақстан Республикасы заңнамасының анықталған бұзушылықтарын жоюды мәжбүрлеу туралы қуыныммен сотқа жүгінуге құқылы.

Date: 2015-05-09; view: 998; Нарушение авторских прав