SQL-сұраныстар тілі. Тілдің негізгі өрнектерін сұраныстар құруға қолдану

SQL (Structure Query Language) – сұранымдардың құрылымдық тілі. Осы тіл кестеде сақталынатын байланысқан ақпараттар жиыны болатын мәліметтердің реляциялық қорын құруға және жұмыс жасауға мүмкіндік береді.

Компьютерлік технологияға тәуелсіз болғандықтан және реляциялық МҚ-ң технологиясынын аумағындағы көшбасшыларының қолдауымен SQL тілі негізгі стандартты тілі болады. Сондықтан, кезкелген мәліметтер қорымен жұмыс істегісі келген адам SQL тілін білуі қажет. SQL стандарты ANSIмен анықталынған және қазіргі уақытта ISO (стандарттау бойынша халықаралық ұйым) қабылданған.

SQL тілінің құрамы. SQL тілі реляциялық мәліметтер қорында мәліметтермен қүрделі әрекеттер орындауға, мәліметтер қорының құрылымын анықтауға және көпшілік қолданатын ортадағы мәліметтерге кіру құқығымен басқаруға арналған.

Сондықтан, SQL тіліне құрамдық бөлімі ретінде:

1) мәліметтермен күрделі әрекеттер тілі (Data Manipulation Language, DML)-мәліметтер қорында мәліметтермен күрделі әрекеттер орындауға қолданылады. Ол 4 негізгі бұйрықтардан тұрады: SELECT(таңдау), INSERT(енгізу), UPDATE(жаңарту), DELETE (жою).

2) мәліметтерді анықтау тілі (Data Definition Language, DDL). Негізгі бұйрықтары: CREAT DATABASE(мәліметтер қорын құру), CREAT TABLE(кестені құру), ALTER DATABASE(мәліметтер қорын өзгерту), ALTER TABLE(кестені өзгерту), DROP DATABASE(мәліметтер қорын жою), DROP TABLE(кестені жою),т.б.

3) мәліметтерді басқару тілі (Data Control Language, DCL) қарастырылған.Ол негізгі екі бұйрықтан тұрады: GRANT(құқық беру), REVOKE(құқықты қайтарып алу).

SQL де операциялар көбінесе WHERE кілттік сөздің өрнектерінде қолданылады. SQL операторларында операциялар белгісі шарттарды беру және бірнеше шарттарды бір бірімен байланастыру үшін қолданылады.

Операциялардың келесі типтерін қарастырамыз:

· салыстыру операциялар

· логикалық операциялар

· терістеу операция

· арифметикалық операциялар

Салыстыру операциялары Салыстыру операциялар SQL операторларында жеке мәндерді салыстыру үшін қолданылады және =, <>, < және> белгілермен көрсетіледі.