Орналасуы. Май сүзгісінің ыдысы қозғалтқыштың қорғаныш қаптамасының ұзартылған

Май сүзгісінің ыдысы қозғалтқыштың қорғаныш қаптамасының ұзартылған бөлігінің шетінде орналасқан. Сүзгі элементтеріне тепловоздың «В» жағындағы сүзгі ыдысының басты қақпағын ашқаннан кейін ғана қол жеткізу мүмкін болады.

Ағымды техникалық қызмет көрсету

1. Май сүзгілерін ауыстыру

Май сүзгілерін ауыстыру екі кестенің біріне сәйкес жүзеге асырылады (Сіздердің т.ж. қай кестенің қолданылатынын анықтап алу керек).

1. Егер сүзгідегі қысымның төмендеуі 25 фунт/ кв.дюймнан (172 кПа) артық болса, әрбір 92 күн сайын, немесе

2. Майдағы ерімейтін пентандардың құрамы 4% - ға жетсе немесе одан асып кетсе, әрбір 184 күн сайын.

Сүзгілерді ауыстыру үшін төмендегідей әрекет жасалу керек:

Ескерту: Май сүзгілерін майдың ыстық кезінде [яғни температурасы 160⁰Ғ (71⁰С) жоғары болғанда] ауыстырған жақсы.

(1) Дизельді қозғалтқышты сөндіру керек.

(2) Май сүзгісінің ағызу клапанын ашу керек.

(3) Желдеткіш клапанын ашып, ыстық майдың 15 минут ішінде ағып кетуіне мүмкіндік беру керек. Салқын май ұзақ ағатын болады.

Сақтаныңыз! Майлау жүйесіне су немесе өзге де ласаушы заттардың түсіп кетуі мүмкін болғандықтан, сүзгі қаңқасын сығылған ауамен үрлеуге болмайды.

(4) Сүзгі қаңқасындағы (корпус) люк қақпағының 8 бекіту гайкіні босату керек және төсемді қаңқадан бөліп алу керек. Егер май қаңқадан тиісінше ағызылған болса, ондағы май қалдығы мүлде аз болады. Май ағындарын шүберекпен сүртіп алу керек. Люктің қақпағын ашу керек.

(5) Сүзгі элементтерінің қыспақтары мен сүзгі элементтерінің өздерін ағытып алу керек. Элементтердің сыртқы бетінде металл бөлшектерінің бар – жоғын тексеру керек. Егер ондай бөлшектер бар болса, олардың пайда болу себептерін анықтау керек және жою керек. Өңделген сүзгі элементтерін лақтырып тастау керек.

(6) Айрықша маңызды ескерту: Сүзгі қаңқасының ішін тазалап сүрту керек. Қаңқадағы ескі майдың қалдықтары – жаңа майдың ластануының көзі.

Сақтаныңыз! Мақтадан жасалған шүберекті қолдануға болмайды.

(7) GE компаниясының аттестаттаудан өткізілген жаңа сүзгілеу элементтерін орнату керек.

(8) Сүзгі элементтерінің қыспақтарын қондыру керек.

(9) Қаңқаның люгіндегі төсемнің жай – күйін тексеру керек, егер ол зақымдалған болса, ауыстыру керек. Сүзгінің қаңқасындағы люкті жабу керек және бекіту тегірлерін «айқастырып» сұлбасы бойынша тарту керек.

(10) Сүзгінің желдеткіш және ағызу клапандарын жабу керек.

(11) Қозғалтқышты іске қосу керек. Бос жүріс кезінде картердегі майдың деңгейін өлшеу сұққышымен тексеру керек. Өлшеу сұққышындағы FULL белгісіне дейін майды үстемелеу керек.

Майлау жүйесінің құбырлары