Сурет 9.2-сурет. Хориокарцинома 3 page

Вульва және қыздық перденің даму ақаулары қандай болады?

Вульваның даму ақаулары арасында вульва деформациясы кездеседі, ол гипоспадиямен (қынапқа ашылатын зәр шығару каналының дұрыс дамымауы) немесе эписпадиямен (клитор және қасағаның тарамдалуы, зәр шығару каналының алдыңғы қабырғасының дамымауынан сыртқы жыныс мүшелерінің дұрыс дамымауы) және тік ішек қуысына қынаптың немесе оның кіреберісінің ашылуымен көрінеді.

Ең жиі кездесетін патология – қыздық перде атрезиясы. Қыздық перде атрезиясы 0,02 – 0,04 % қыздарда кедеседі. Клиникалық тұрғыдан ол жыныстық жетілу кезеңінде көрінеді, яғни менструация циклы басталмастан бұрын. Менструальды қан қынапқа жиналып, оның қабырғасын созады(гематокольпос). Оның жоғарғы полюсінде тығыз жатыр орналасады, ол кіші жамбас кіреберісі жазықтығынан жоғары болады. Бірте – бірте менсруальды қан жатыр қуысын (гематометра) және жатыр түтіктерін (гематосальпинкс) толтырып, созады. Қыздық перде атрезиясы бастапқыда еш байқалмайды. Менархе уақытынан бастап, қанның қынапқа, жатырға, жатыр түтіктеріне жиналуына байланысты симптомдар пайда болады. Мысалы: ішек пен қуықтың басылуына байланысты бел аймағындағы және толғақ тәрізді ауырсынулар. Менструальды қан іш қуысына түскенде перитеональды белгілер дамиды.

Қыздық перде атрезиясының емі және диагностикасы қандай?

Диагноз УДЗ негізінде, қарау арқылы қойылады (12.1-.сурет). тегіс, кішкене сыртқа шыға орналасқан, көгерген қыздық перде көрінеді. Ректоабдоминальды тексеруде ісік тәрізді эластикалық түзіліс анықталады. Дифференциальды диагностиканы дистопирленген (жамбастық) бүйрекпен, аналық без ісігімен жүргізу керек.

Қыздық перде атрезиясының емі крест немесе жарты ай тәрізді тілік салу және тілік шеттеріне тігіс салу. Операция гематокольпосты болдырмаумен асептикалық жағдайда жүргізіледі. Болжамы қолайлы.

Қынаптың даму ақауларының қандай түрі бар? Даму себептері?

Қынап даму аномалиясының жиілігі босануда 1: 5000 құрайды.

Қынап агенезиясы. Қынаптың біріншілік толық болмауы болып табылады. Жыныстық жетілу кезеңіне дейін немесе жыныстық қатынасқа дейін анықталуы мүмкін. Ондай науқастарды қарау кезінде жыныс ернеулерінің арасында аздаған 2 – 3 см саңылау болады.

Қынап аплазиясы. Мюллер өзегінің төменгі бөлігінің дұрыс жетілмеуі нәтижесінде дамиды. Жатыр және қынап аплазиясының жиілігі 1: 20мың құрайды. Қарау кезінде әйелдерде дене бітімі әйел типті, сыртқы жыныс мүшелері дұрыс дамыған, кариотип 46, ХХ.жатыр көбіне рудиментарлы болып келеді. Жатыр түтіктері және аналық бездер дамуының қалыс қалуымен көрінеді. Аналық без қызметі төмендеген. Кейбір әйелдерде жатыр қалыпты дамыған, ректальды температураның екіфазалы циклды өзгерістері және прогестерон\эстроген гормондарының экскрециясы байқалады. Басты шағымдары менструацияның болмауы(шынайы немесе жалған аменорея), жыныстық қатынастың мүмкін еместігі, жүктіліктің болмауы.

Қынап атрезиясы. Антенатальды немесе постнатальды кезеңде басынан өткізген қабыну процесінен кейінгі тыртық нәтижесінде қынаптың толық немесе толық емес бітісіп кетуі болады. Клиникалық тұрғыдан жыныстық жетілу кезеңінде менструацияның қынапта, жатыр қуысында, жатыр түтіктерінде жиналып қалуымен көрінеді. Диагноз ректо – абдоминальды, қынаптық тексеру, зондылау, вагиноскопия, УДЗ, айнамен қарау нәтижесінде қойылады.

Қынаптың даму ақауында қандай ем жүргізіледі?

Қынап агенезиясы мен аплазиясының емі тек қана хирургиялық жолмен, жасанды қынап жасау арқылы жүргізіледі. Бұл мақсатта кіші дамбас ішастары, тері лоскуті, сигматәрізді және тік ішектің резецирленген аймағы, аллопластикалық материал қолданылады. Жүргізілген пластикалық операциядан кейін әйедер жыныстық қатынаста өмір сүре алады.

Қынап атрезиясының емі хирургиялық, яғни өсен кеңістікті кесу арқылы жасалады. Кейде қынапта ұзына бойы немесе көлденең қалқан болады. Бұл аномалия түрі екі мүйізді жатырмен бірге кездеседі. Ұзына бойы орналасқан қалқан босану үйінде дәрігермен қаралғанда анықталуы мүмкін.

Жатыр дамуының ақауларына не жатады?

Жатыр даму ақауларының варианттары айқындылық дәрежесіне байланысты әр түрлі болып келеді және органогенез процесінде парамезонефральды өзектің толық немесе толық емес қосылуына тәуелді. Жатыр даму ақаулары құрсақішілік дамудың алғашқы 3 айында зақымдаушы факторлардың әсеріне және генетикалық фактормен байланысты. Жатыр ақаулары бар әйелдерде көбінесе тұқымқуалаушылық аурулар анықталады, арғы тектерінде аномалия даму жиілігі жоғары.

Рисунок 12.4-сурет.

Жатыр агенезиясы. Өмірге қабілеті жоқ ұрықта басқа да ауыр даму ақауларымен бірге кездеседі.

Жатыр мен қынаптың екі еселенуі (uterus didelphys). Сирек кездеседі және бөлек – бөлек екі мүшенің болуымен сипатталады: екі жатыр (әрбір жатырда бір түтік және біа аналық без), екі жатыр мойны және екі қынап. Жатыр және қынап бөлек орналасады, олардың арасында қуық және тік ішек орналасады. Мүшелердің екі жартысы да қанағаттанарлық немесе біркелкі емес дамуы мүмкін. Екі жатыр қызметі сақталған болуы мүмкін және екеуінде де кезекпен жүктілік дамуы мүмкін.

Uterus duplex және vagina duplex(septa) қандай ерекшеліктері бар?

Жиірек uterus duplex және vagina duplex(septa) кездеседі. Бұл аномалияда да екі жатыр, екі жатыр мойны және екі қынап кездеседі, бірақ белгілі бір аймақта (жатыр мойны аймағында) жыныс жүйесінің екі бөлігі фиброзды – бұлшықетті қалқанмен байланысады. Жиірек бір жатырдың дамымауы, қыздық перде және ішкі ернеу атрезиясы, бір жақ қынаптың аплазиясы немесе толық емес атрезиясы байқалады, нәтижесінде бір жақты гематокольпос дамиды.

Екі мүйізді жатырдың қандай ерекшеліктері бар?

Екі мүйізді жатыр: uterus bicornis bicollis, бұл түрінде бір қынап және жатыр мойны мен денесінің екі еселенуі болады, ал uterus bicornis unicollis түрінде тек қана жатыр денесінің екі еселенуі болады. Жатырдың екі мүйізділігі аздап айқын болуы мүмкін. Егер мюллер өзегінің қосылуы жатыр түбінде болмаса, бұл тоқым тәрізді қуысқа әкеледі - uterus arcuatus. Парамезонефральды өзектердің дамуында біреуінің аздаған қалыс қалуы нәтижесінде uterus bicornis рудиментарлы мүйізбен дамиды. Жатыр даму ақауының сирек түрі - uterus unicornis (uterus pseudounicornis).

Майер – Рокитанский – Кюстнер синдормы дегеніміз не?

Бұл синдром ішкі жыныс мүшелері – мюллер өзегінің туындыларының даму бұзылыстарымен сипатталады, оның қынап және жатыр аплазиясы синдромы деген атауы да бар. Бұндай пациенттерде сыртқы жыныс мүшелері қарағанда қалыпты дамыған, жатыр түтіктері және қынаптың төменгі бөлігі аздап қалыптаспаған, аналық без дұрыс қалыптасқан және қызметі сақталған. Даму аномалиясы менархе кезінде анықталады, яғни 15 жасқа келген қыздарда менструацияның болмауы(біріншілік аменорея) немесе жыныстық қатынасқа түсу кезінде нәтижесіз болуы, бұл дәрігерге қаралуға себеп болады.

Жатыр даму ақауларының клиникалық көрінісі қандай?

Жатыр мен қынаптың екі еселенуі симптомсыз жүруі мүмкін. Менструальды, жыныстық және репродуктивті қызметтері қалыпты болады. Бұл ақау түрі сирегірек жатыр мен аналық без дамуының қалыс қалуымен жүретіндіктен, менструация қызметінің бұзылысы, өздігінен түсік, босану қызметінің әлсіздігі, босанғаннан кейінгі кезеңде қан кетулер және т.б. байқалады. Рудиментарлы мүйізде дамыған жүктілік эктопиялық болып табылады, егер жүктілік үзілсе (рудиментарлы мүйіз жарылуы) ауыр клиникалық қан кетумен сипатталады.

Жатыр даму ақауларының диагностикасы қандай?

Жатыр даму ақаулары әдетте еш қиындықсыз қарапайым тексеру әдістерінің көмегімен диагностикаланады: айнамен қарау, бимануальды тексеру, зондылау, УДЗ. Зәр шығару жүйесін тексеру зәр шығару мүшелері ақауларының түрін ажыратуға көмектеседі. Олардың болуы жатыр даму ақауларының симметриялы түріне тән, ол зақымдалған жақта анықталады.

Жатыр даму ақауларының емі қандай?

Жатыр ақауларының кейбір түрлері, яғни симптомсыз жүретін ешбір емдеуді қажет етпейді. Мысалы, тоқым тәрізді жатыр, бір мүйізді жатыр, т.б. Егер де жатыр ақаулары жүктілікті көтере алмаушылықпен жүрсе, пластикалық операция жасау барлығына көрсеткіш болып табылады.

Рисунок 12.5-сурет.

Жатырдың рудиментарлы мүйізін (жүктіліктен тыс немесе жүктілік кезінде) операция кезінде алып тастайды. Болжамы көпшілік жағдайда қолайлы.

Аналық без даму ақауларының қандай түрі бар?

Аналық без аплазиясы сирек кездеседі және өмірге қабілеті жоқ ұрықта басқа да ауыр даму ақауларымен бірге кездеседі.

Аналық бездің бір жақты болмауы кейде бірмүйізді жатырда байқалады. Бірақ бірмүйізді жатырда жиірек екі аналық без дамыған.

Аналық бездің анатомиялық немесе функциональды даму жеткіліксіздігі жыныс жүйесінің басқа бөлімдерінің дамымауымен бірге жүреді.

Даму ақауларының сирек түріне аналық бездің болмауы (гонада дисгензиясы) жатады. Аналық бездер қыртысты және милы қабат клеткалары бар дәнекертінді тартпадан тұрады. Бұл ақауда сыртқы жыныс мүшелері дамымаған, жатыр рудиментарлы. Гонада дисгенезиясы хромомды бұзылыстар нәтижесінде дамиды. Гонада дисгензиясының бірнеше түрі бар:

1)ГД типтік түрі(Шерешевский – Тернер синдромы)

2)ГД таза түрі

3)ГД аралас түрі

Гонада дисгенезиясының типтік түріне (Шерешевский – Тернер синдромы) не тән?

Бұл түріне айқын соматикалық аномалиялар тән: бойының қысқа болуы(150 см дейін), кең жауырын, тар жамбас, қанат тәрізді қатпармен және шашының баяу өсуімен қысқа мойын, шынтақ және тізе буындарында вальгустық девиация, бүйрек, жүрек – қан тамыр жүйесінің даму ақаулары, микрогнатия және жоғары таңдай, төмен орналасқан құлақ қалқандары, көптеген пигментті дақтар және т.б. Жыныстық дамудың қалыс қалу белгілері тән: сүт бездері дамымаған, емшек ұшы және ондағы түктену жоқ, аналық без орнына жыныс мүшелерінің дәнекертінді тартпамен гипоплазиясы, біріншілік аменорея. Интеллектуальды дамуы қалыпты, тексергенде хромосомды бұзылыстар (45, ХО) анықталады. Жыныстық хроматин төмендеген немесе жоқ, эстроген синтезі төмендеген, қан плазмасында ФСГ және ЛГ жоғарылаған. ГД типтік түрі туылғанда анықталады. Нәрестелер дене салмағының аз болуымен, аяқ – қолдарының жіңішкелігімен ерекшеленеді.

Гонада дисгенезиясы жасырын түрінің себептері және клиникалық көрінісі қандай?

Клиникасы және диагностикалау қиындығына байланысты ГД жасырын түріне үлкен мән беріледі. Негізгі себебі – науқас кариотипіндегі хромосомды аномалиялар. Клиникалық көрінісі аздаған вариабельділікпен сипатталады. Көбінесе кариотиптің мозаикалық сипаты – 45,ХО/46,ХХ анықталады. 45,ХО клоны бар науқастар сыртқы келбетімен Шерешевский – Тернер синдромының клиникалық көрінісіне жақын болады. Қалыпты клетка клонының 46,ХХ басып түсуі ГД типтік түрінің белгілеріне сәйкес келеді. Науқастарда бойының қысқалығы, біріншілік аменореяда екіншілі жыныс мүшелерінің спонтанды дамуы байқалады. Менструацияның уақытымен келуі – 20 % науқастарда, ал 10 % - менархеден кейін 10 жыл бойы менструацияның ретті келіп, олигоменорея және екіншілік аменореяға өтуі. Қарау кезінде сыртқы жыныс мүшелері гипопластикалық. УДЗ және лапароскопияда гипопластикалық аналық бездер анықталады, ал гистологиялық зерттеуде олардың құрамынан строма элементтерін, бірен – саран примордиальды фолликуламен дәнекер тінді тартпаны көруге болады.

Гонада дисгенезиясының таза түрі немен сипаталады?

Бұл клиникалық вариантта соматикалық аномалия жоқ. Бойы қалыпты немесе орташадан сәл төмен, сүт бездері дамымаған, жыныстық түктену аз немесе жоқ. Тексергенде сыртқы жыныс мүшелері, қынап және жатыр дамымаған, аналық без рудиментарлы, біріншілік аменорея тән. Жыныстық хроматин теріс мәнді, кариотип 46,ХУ немесе 46,ХХ. Эстроген секрециясы төмендеген.

Гонада дисгенезиясының аралас түрі немен сипаталады?

Дисгенезияның бұл түріне дисгенезияның таза және типтік түрлеріне тән аномалиялар тән. Науқастарға бойының қалыпты болуы, интерсексуальды дене бітімі, соматикалық ауытқулардың болмауы және вирилизация көрінісі тән. Тексеру кезінде сүт бездері дамуының қалыс қалуы, вирилизация белгілері, жыныс мүшелерінің гипоплазичсы фонында клитордың үлкеюі анықталады. Кариотип 45,Х/46,ХУ. Лапароскопия және гистологиялық тексеруде бір жағынан фиброзды тартпа, екінші жағынан тестикулярлы тіннің дамымаған элементтері анықталады.

Гонада дисгенезиясында қандай ем қолданылады?

ГД емі оның түріне және науқас кариотипіне байланысты. ГД аралас және таза түрлерінде 46,ХУ кариотиппен емдеуді вирилизация белгілерін күтпей, гонадалрды алып тастаудан бастау керек, себебі малигнизацияланудың жоғары қаупі бар. ГД типтік және таза түрі бар 46,ХХ кариотиппен науқастарда жыныс гормондарымен орын толтырушы гомональды терапия жүргізіледі, бұл пішін феминизациясына, сүт бездері, сыртқы және ішкі жыныс мүшелерінің дамуына, циклды менструация тәрізді бөліністер болуына әкеледі.

«Гермафродитизм» термині қандай жағдайға сәйкес келеді?

Бұл термин индивидуумда анатомиялық және функциональды дамыған екі жыныс безі анықталатын жыныс бездерінің аномалиясын білдіреді. Гермафродитизмнің екі түрін ажыратады: шынайы және жалған. Шынайы гермафродитизм, немесе екіжынысты – бір индивидуумда екі жыныс гонадасының болуы: аналық жыныс клеткасы және аталық жыныс клеткасы немесе аралас құрылымды гонадалар(овотестис). Жалған гермафродитизм, немесе псевдогермафродитизм – сыртқы жыныс мүшелерінің құрылымы жыныс безі сипатына сәйкес келмеуі. Жалған псевдогермафродитизм ер және әйел жынысты болып бөлінеді.

Жалған әйел жынысты гермафродитизм дегеніміз не?

Жалған әйел жынысты гермафродитизм өте сирек кездеседі. Гермафродитизмнің бұл түрінің себептері - андроген немесе прогестерон қабылдау, анасында андрогенсекреттеуші ісіктің болуы, баласында генетикалық негізделген андроген гиперпродукциясы, адреногенитальды синдромныңбасталған құрсақішілік дамудың туа пайда болған түрі. Қарау кезінде ішкі жыныс мүшелері(қынап, жатыр, жатыр түтіктері және аналық бездер) әйелдік тип бойынша дамыған, бірақ соған қарамастан ер жыныс элементтерінің редуцирленбеген ұрықтары сақталады. Сыртқы жыныс мүшелері ер жынысқа тән тип бойынша дамыған: клитор ұлғайған, орталық сызық бойымен қосыла өскен үлкен жыныс ернеулері ұманы еске түсіреді, қынап және уретра төменгі үштен бір бөлігінде бөлінбеген және ұлғайған клитор астынан ашылатын урогенитальды синусты қалыптастырады.

Ер жынысты псевдогермафродитизм немен сипатталады?

Ер жынысты псевдогермафродитизм қарама- – қарсы белгілермен сипатталады: ер жыныс бездерінің болуына қарамастан сыртқы жыныс мүшелері әйелдің сыртқы жыныс мүшелеріне ұқсайды. Қарау кезінде үлкейген клиторды еске түсіретін кішкентай ер жыныс мүшесі, гипоспадия анықталады. Жиірек ұма орталық сызық бойымен екі қатпарға бөлінген, ол екі үлкен жыныс ернеуін еске түсіреді.

Ер жынысты псевдогермафродитизмнің емі және диагностикасы қандай?

Бұл ақаулардың диагностикасы жиірек қиындық туғызады, әсіресе балалық шақта. Сондықтан ондай балаларды тәрбиелеуде қателіктер болып жатады: қыз жынысты балалар ер бала сияқты тәрбиеленеді немесе керісінше. Толық дамымаған аталық жыныс безін малигнизация қауіптілігіне байланысты хирургиялық жолмен алып тастайды. Андрогенсекреттеуші ісікті де алып тастайды. Оперативті ем жайындағы сұрақ әрбір жағдайда индивидуальды және гермафродитизм түріне байланысты шешіледі. Сонымен қатар сыртқы жыныс мүшелерін коррекциялау үшін пластикалық операциялар, гормонотерапия қолданылады.

Қыз балаларда жыныстық даму бұзылысы дегеніміз не?

Жыныстық даму процесі қыз организмінде оны репродуктивті қызметке дайындайтын көптеген сандық және сапалық өзегерістер дамуымен сипатталады. Жыныстық жетілудің екі фазасын ажыратады: біріншісі – предпубертатты, бойының «өсуімен», екіншілік жыныс белгілерінің пайда болуымен, одан кейін жыныс мүшелерінің дамуымен сипатталады және алғашқы менструация келуімен аяқталады. Екінші фаза менархе кезеңінен басталады және жыныстық және соматикалық дамудың бітуімен аяқталады. Қыз балаларда келесідей жыныстық даму бұзылыстарын ажыратады:

· Мерзімінен бұрын жыныстық даму

· Жыныстық дамудың қалыс қалуы

· Жыныстық дамудың болмауы(гонада дисгенезиясы, аналық без аплазиясы)

Қыз балаларда жыныстық даму бұзылысының себептері қандай?

Жыныстық даму бұзылысының дамуында басты рольді құрсақішілік, босану кезеңінде және нәрестелік кезеңде (гестоздар, жүктіліңтің үзілу қаупі, босану күшінің аномалиясы, ұрық асфиксиясы, ОЖЖ жарақаттары, шала туылу, ұрық гипотрофиясы, инфекциялық аурулар және ана алкоголизмі, т.б.) әсер ететің патологиялық процестер алады. Балалық шақта және пубертатты кезеңде басынан өткізген инфекциялық ауруларға үлкен мән беріледі. Сирек жағдайда даму аномалиясының себебіне гипоталамо – гипофизарлы жүйенің, аналық бездің, бүйрекүсті бездің кисталары және жаңа түзілістері жатады. Бұзылу сипаты органикалық жәнне функциялық болуы мүмкін.

Изосексуальды формалы мерзімінен бұрын жыныстық даму дегеніміз не?

Мерзімінен бұрын жыныстық даму(МЖД) дегеніміз менструация(менструация тәрізді бөліністер) және екіншілік жыныс белгілерінің қыз бала өмірінің алғашқы 10 жылында пайда болуы (8 жасқа дейін). Белгілерінің айқындылығына байланысты мерзімінен бұрын жыныстық дамудың толық және толық емес түрін ажыратады. Толық түріне қыз балаларда менструациямен бірге салдарлықекіншілік жыныс белгілерінің дамуы жатады. МЖД бұл түрі сүйек жүйесінің өсу темпінің жоғарылауы және жетілуімен сипатталады, сүйектің жетілуі оның өсу темпіне әсер етіп, бой өсуінің ерте тоқтауын алып келеді. Бұл қыздарда диспластикалық дене бітімі белгілерімен бойы қысқа болады: кең жауырын, аяқ – қолдарының қысқа болуы. Толық емес түрінде екіншілік жыныс белгілері дамиды, бірақ менструация жоқ. Толық түрімен салыстырғанда, бұл патологияда сүйектің өсуі және жетілуі бір уақытта жүреді, сондықтан бой өсуінің қалыс қалуы және дене бітімінде өзгерістер байқалмайды.

Қыз балаларда мерзімінен бұрын жыныстық дамудың қандай формаларын ажыратады?

Этиология, патогенез және клиникалық көрінісіне байланысты мерзімінен бұрын жыныстық дамудың келесі формаларын ажыратады:

1)церебральды формасы

2)аналық бездік формасы

3)конституциальды формасы

Церебральды формасына МЖД белгілерінен басқа, орталық жүйке жүйесінің зақымдалуы тән. Осыған қарамастан процесске гипоталамустың гипофизотропты құрылымдары араласады, ФСГ және ЛГ – нің түзілуін және бөлінуін гипофиз арқылы реттейтін мерзімінен бұрын ЛГ секрециясы басталады. Бұл өз кезегінде фолликулалардың өсуі және жетілуін, аналық безде эстроген секрециясын тудырады. Кейбір жағдайларда интеллектуальды дамудың қалыс қалуымен ОЖЖ органикалық зақымдану белгілері, ал кейде диэнцефальды құрылымның функциональды бұзылыстарын көрсететін неврологиялық симптомдар(аздаған семіздік, гипергидроз, вазомоторлы реакцияның лабильділігі, т.б.) байқалады.

МЖД аналық бездік формасы(жалған МЖД) фолликулярлы киста немесе аналық бездің гормональды – активті ісіктері нәтижесінде дамиды. Балалардың бойы және санасы жасына сәйкес келеді.

МЖД конституциальды формасында қандай да бір неврологиялық, церебральды немесе басқа патологияны анықтау мүмкін емес. Мерзімінен бұрын – тек қана жыныстық даму басталатын уақыт. Гипоталамустың нейросекреторлы құрылымдары жетілуінің генетикалық жүзеге асуының бұзылыстары болады. ЛГ секрециясының цирхоральды типпен қалыптасу процесі өмірінің екінші декасында емес, алғашқысында жүреді.

Мерзімінен бұрын жыныстық дамудың диагностикасы қандай?

МЖД диагностикасы ешқандай қиындық туғызбайды. Тексерулер арнайы стационарларда жүргізілуі тиіс. Диагноз қыз баланы обьективті қарау негізінде қойылады. МЖД себебін анықтау қиынға түседі. Міндетті түрде жүргізілетін тексеру әдістері: кіші жамбас мүшелерінің УДЗ, УДЗ күмәнді нәтижесінде лапароскопия, ЭЭГ және РЭГ қолдану арқылы неврологиялық тексеру, гормональды тексеру(гонадотропиндер), сүйек жасын анықтау. Функциональды диагностика тесттері де кең қолданылады.

Мерзімінен бұрын жыныстық дамудың емдеу принциптері қандай?

МЖД емі оның дамуына әкелетін патология және тежелу процесіне байланысты. Аналық без ісіктері опереативті жолмен емделеді. МЖД дамуына әкелетін фолликулярлы кистаны хиургиялық жолмен алып тастаудың қажеті жоқ, себебі кері дамуы мүмкін. МЖД тежелу процесі нысана мүшелер деңгейінде жүреді. Гипоталамустың нейроэндкринді құрылымдары мен гипофиздің гонадотропты клеткаларының мерзімінен бұрын белсенділігін басу мақсатында гонадотропин – рилизинг – гормон(гонадолиберин) қолданылады. Бұл перпараттардың әсері ЛГ және ФСГ рецепторларының блокадасына негізделген, осының нәтижесінде олардың гипофиздің алдыңғы бөлімінен шығарылуы төмендейді де, бұл аналық бездің мерзімінен бұрын белсенділігінің тоқтауына алып келеді.

МЖД алдын алуы болашақ нәрестенің ата – анасының денсаулығын қорғау, жүктілік және босану кезіндегі асқынуларды болдыртпау(асфиксия, жарақаттар) және балалық шақта инфекциялық ауруларды рациональды емдеу арқылы жүргізіледі.

Гетеросексуальды мерзімінен бұрын жыныстық даму немен сипатталады?

МЖД бұл түрі қыз балаларда өмірінің алғашқы 10 жылында қарама- – қарсы жынысты (ер жыныс) жетілу белгілерінің пайда болуымен сипатталады. Гетеросексуальды МЖД ең негізгі клиникалық түрі адреногенитальды сидром болып табылады, ол клиницисттер арасында бүйрекүсті безі қыртысының туа пайда болған гиперплазиясының классикалық формасы, жалған әйел жынысты гермафродитизм ретінде танымал.

Date: 2016-06-06; view: 1856; Нарушение авторских прав