сет Ризаұлы Мұқашбеков

Әсет Ризаұлы Мұқашбеков – 1951 жылы тамыз айының 21 жұлдызында Бұрынғы Семей облысы Ұржар ауданы, Науалы ауылында дүниеге келген.

1970 жылы Алматы қаласындағы Қазақ ауыл шаруашылық институтының агрономия бөлімшесіне түсіп, 1975 жылы ғалым – агроном мамандығын алып шығады. 1975...2004 жылдар аралығында, қаймағы бұзылмаған қазақ ауылдарында – бұрынғы Семей облысының Ұржар, Мақаншы аудандарында өз мамандығы бойынша әр түрлі дәрежедегі қызметтер атқарады.

2006 жылы Қазақстан Республикасы Ұлттық Ғылым академиясының академигі, биология ғылымының докторы, профессор, Рахым Алмабекұлы Оразалиев, философ-ғалым, теолог, техника ғылымдарының кандидаты Досым Қайырбекұлы Омаровтармен бірлесіп, өзінің 50 күндік ашығу тәжірибесінің негізінде жазған, екі қайтара басылыммен басылып шыққан 4000 дана «Жасару құпиясы», 2007 жылдың аралығында да, екі қайтара басылыммен басылып шыққан 4000 дана «Аштықты ұстау – денсаулықтың кепілі!», 2000 дана «Рух пен тәннің саулығы», бауыры Қамбар Ризаұлы екеуі жазған 2000 дана «Жүйке жүйесінің тылсымы», Шымкент қаласының «Базар» АҚ-ның президенті Серік Шалқарұлы Ұзақбаевпен бірігіп жазған 5000 дана «Ақыл есті билеп алған жоқшылық пен кедейшіліктен қалай құтылуға болады?» деген 5 кітабы жарыққа шықты. Алғашқы төртеуі адам өзінің денсаулығын ашығу мен дұрыс тамақ мәзірі арқылы қалай ауру-сырқаудан жазылуға болатыны, ал қалған кітаптары жоқшылық пен кедейшіліктен құтылудың және молшылық пен бақытқа жетудің құпияларын баяндайды.

2008 жылы өздерінің жалындаған жастық, студенттік шақтарын бірге өткізген досы Тілеуберді Құлиевпен бірігіп жазған 4000 дана «Желілі бизнестің көмегімен ақымақтық пен жоқшылықтан қалай құтылуға болады?» және 2000 дана «Тибет медицинасының өнімдерінің негізінде – желілі жеке бизнесті құрудың құпиясы» деген кітабы баспадан басылып шықты. Осы жалпы тиражы 23 000 дана: 7 кітаптарының барлығы да, оқырмандарын тауып, олардың сүйіспеншілігіне бөленіп – «күндіз қолдарына шам алып» іздеп жүріп оқитын, көпшіліктің таным-тағлымды кітаптарына айналды.