Тексеру

Сорғының кез келген ысыраптардан немесе сызаттардан амандығын көзбе көз тексеру керек. Қосылған жерлерге, әсіресе, сорғының сору және айдау құбырларына, ерекше назар аудару керек. Құбыр түйіспелерінде кез келген ысырап болған жағдайда, ең алдымен оларды тартуға тырысу керек. Егер ысырап жойылмаса, сорғыны бөлшектеп төсемдерін ауыстыру керек. Бөгде дыбыстарды анықтау үшін сорғы жұмысына құлақ салып тындау керек. Қажет болған жағдайда олардың болу себептерін жою керек. Егер жүйеде қысымның төмен белгілері байқалатын болса, жүйенің түйіндері мен агрегаттарындағы ысыраптарды тексеріп, олардың болу себептерін жою керек. Егер онда ысырап болмай, жүйедегі су деңгейі қалыпты болса, сорғының жұмысын тексеру керек. Су сорғысының бақылау тесігіне су немесе май ағып тұрған жоқпа, соны тексеру керек. Ысыраптарды анықтауға арналған тесік сорғының төменгі бөлігінде орналасқан. Егер тесіктен су ағатын болса, су тығыздаушы ақаулы, ал егер май ағып тұрса, май тығыздаушы ақаулы деген сөз. Кез келген жағдайда сорғыны ағытып алу керек.

2. Су сорғысын бөлшектеу

(1) Қозғалтқыш картерінен майды ағызып алу керек.

(2) Сумен салқындату жүйесіндегі суды жіберу керек.

(3) Су сорғысының беру құбырынан жалғастырғышты ағыту керек. Құбырды алу керек.

(4) Сорғының айдау жағындағы иіннің екі ұшынан да ернемекті қосылыстардың бұрандарын бұрап алып, одан кейін иінді босатып алу керек.

(5) Су сорғысының үстіне сәйкесті шығыран орнатып, сорғының жөндеу бұранына такелажды арқанды бекіту керек.

(6) Сорғының бөлшектеу бұрандарын ағытып алу керек. Көтергіштің көмегімен шпунтық қосылысты ақырын ажырату кезінде сақтық үшін осындай екі бұранды сорғы қанқасының ернемегіне орнату керек.сорғыны көтеріп,қозғалтқыштан алып қою керек.

3. Су сорғысын орнату

(1)Су сорғысын жаңа төсеммен орнату керек. Тісті жұп тістегеріштерінің дәл ілінісуін қамтамасыз ету керек. Тығырықты бөлшектеу бұрандарын қолмен бұрау керек.

(2) Сорғының айдау жағындағы иінді жаңа төсемдермен орнату керек. Иінің ернемекті қосылыстарының бұрандарын орнату керек,түйіндескен ернемектерді дәл беттестіріу керек, сорғының бөлшектеу бұрандарының жай-күйін түзеп, барлық бұрандарды мықтап тарту керек.

(3)Сору құбыры мен май салқындатқыш жағындағы сорғы жалғастырғышын жаңа төсемдермен орнату керек.

(4)Сумен салқындату жүйесін қажет болган жағдайда су дайындау секциасындағы жаңа судан үстемелеу керек.

(5) Қажет деңгейге дейін картерге май үстемелеу керек.

Май салқындатқыш.

Date: 2015-07-01; view: 688; Нарушение авторских прав