Restoranas

D Oficiant: Hüväd päiväd, ižandad.

Ižand Pul’kin: Hüväd päiväd!

Ižand Rebojev: Ištutagat meid kuna-ni, olgat hüväd.

Oficiant: Naku om lujas tün’ tahoine. Otkat menü.

Ižand Pul’kin: Kitän. (lugeb)

Ižand Rebojev: Midä pakitoitam?

Ižand Pul’kin: Tahtoin lihad. Ozuta-ške menü... Aha. Minä otan guläšad.

Ižand Rebojev: A minä navedin kalad. Naku taritas maimkalan filed da räkištadud torpad...

Oficiant: Midä pakitoitat, ižandad?

Ižand Pul’kin: Togat minei tomatkeitost i guläšad vihandan salatanke.

Oficiant: Mittušt garnirad tahtoižit?

Ižand Pul’kin: Pašttud kartohkad... Ka, i togat minei völ stokan olut.

Oficiant: Mittušt olut?

Ižand Pul’kin: Togat minei polen litrad „Heinekenad“.

Oficiant: Hüvä om.

Ižand Rebojev: A minei togat räkištadud torpad risanke.

Oficiant: Tahtoižit mittušt-ni keitost, salatad?

Ižand Rebojev: En. Togat minei mugomad-žo olut. Kaik.

Oficiant: Kitän.

(Hän tuleb tagaze i tob kaks’ stokanad olut) Minä ton keitost päliči minutas!

Ižand Pul’kin: Hüvä om. Nu, kollega, tervhudes!

Ižand Rebojev: Tervhudes! (Hö jodas)

Ižand Pul’kin: Minei om mel’he vauvaz olud. No navedin muzad-ki.

Ižand Rebojev: En navedi muzad olut...

Oficiant: Naku om anduz tomatkeitost. Hüväd litud!

***

Ižand Rebojev: Oficiant! Sab-ik jo maksta?

Oficiant: Oliba-k teile mel’he meiden blödad?

Ižand Pul’kin: Kitäm, kaik oli lujas magukaz.

Oficiant: Maksat-ik ühtes?

Ižand Rebojev: Em...

Ižand Pul’kin: Mö maksam eriži.

Oficiant: Teiden pakitoituz maksab koumesadad rubläd.

Ižand Pul’kin: Naku om koumesadad vižkümne rubläd.

Oficiant: Kitän! A teiden pakitoituz maksab mugažo koumesadad rubläd.

Ižand Pul’kin: Minai om vaiše tuhanik.

Oficiant: Otkat seičemensadad tagaze. Naku om arvik. Nägemižhesai!

Ižand Rebojev: Nägemižhesai.

anduz – порция

arvik – счёт

blöd – здесь: блюдо (кушанье)

eriži – отдельно

hüväd litud! – приятного аппетита!

liha – мясо

lit – аппетит

magukaz – вкусный

maimkala – сом

pakitoitta – заказывать

pakitoituz – заказ

pašttud – печёный, запечённый

pol’ litrad – пол-литра

räkištadud – жареный

tahtoižin – я хотел бы (эти формы проходятся в III части учебника)

tarita – предлагать

tervhudes! – за здоро-вье!

tomatkeitoz – томатный суп

torp – форель

tuhanik – тысячная банкнота

tün’ tahoine – тихое местечко

Küzundad da harjoitused.

1. Käkat dialogtekst venäkel’he.

2. Tehkat pojav dialog (сочините похожий диалог): „Mö olem (minä olen) restoranas“.

3. Antkat vastust küzundoihe:

Mikš ižand Rebojev pakitioti torpad? Mittušt kalad taritas restoranas? Midä pakitoiti ižand Pul’kin? Midä jodas restoranan adivod? Mittušt olut navedib ižand Pul’kin? Äjak maksoi pakitoittud söm?

4. Tehkat menü restoranan täht. Mülütagat sihe (включите в него): surusid, ezmäižid blödid (keitosid), päblödid, garniroid, desertoid, hulid i viluid jomid.

5. Käkat vepsän kel’he:

Я хочу есть. Пойдём в кафе или бар. – Хорошо, но я не голодный. Выпью с тобой кофе. – А я не хотел идти в кафе без тебя. Куда они идут? Они идут обедать в ресторан. Мы едем в гости, будем обедать там.