Питомниктің өндірістік қуатын есептеу

Питомник жобалаудың жоспарлы тапсырмасындағы өндірісітік қуатында жыл сайын өсірілетін көшет материалының барлық түрлерінің саны беріледі. Бұл сан жобалау кезінде нақтыланып, питомник ауданын есептеу жүргізіледі.

Питомниктің жалпы ауданы пайдалы (көшет материалын өсіруге арналған) және қосымша (питомниктің жұмыстарын ыңғайлы атқаруға және ортаның қолайсыз жағдайларынан қорғау үшін арналған) ауданнан тұрады.

Пайдалы аудан питомниктің барлық өндірістік бөлімдерінен, яғни көшет материалы өсірілетін өндіруші аудан, және парлар.

Келесі тапсырма негізінде 1,2,3 кестелерді толтыруды қарастырайық. Тапсырма бойынша питомникті жобалауда қарастырылған келесі өсірілетін өнімдер:

Сеппелер Кәдімгі қарағай – 800 мың дана

Қайың – 450 мың дана

Үшқат – 400 мың дана

Долана – 350 мың дана

№ 3 ағаш түрінің 3 жылдық тікпе көшеттері – 7,0 мың дана.

№5 ағаш түрінің тамырланған кесінділері – 72 мың дана

№5 а ағаш түрінің тамырланбаған кесінділер – 4,6 мың дана.

№6 ағаш түрінің 2 жылдық кесінділер – 7,5 мың дана.

Курстық жобада ағаш түрлері толық қазақша атауымен – кәдімгі қарағай, ақ үлпек қайың, ж.б. келтіріліп, кесте толтырылады. Кестелер түсініктемесіз және есептеусіз келтіріледі. Қабылданған себу схемаларын, тікпе бөлімінде, аналық плантациясында отырғызу орындарын орналастыруды 1.4 «Көшет материалын өсіру технологиясы» тараушасында негізделеді. Егер тікпе бөлім қарастырылса, кесте 2 толтырылады.

Кесте 1. Жеке тапсырма бойынша кестенің 1-4 бағандары толтырылады. 1 га-дан сеппелердің есептік шығарылуы белгілі жағдайлар үшін бекітілген шығу нормасынан алынады (5 баған). Жылдық себудің ауданын анықтау үшін (6 баған) питомниктегі сеппелердің жылдық шығарылу санын (4баған) сеппелердің есептік шығарылу санын бөлеміз (5 баған). Мысалы: 800: 1200=0,66 га. Сеппелердің 1 га-дан есептік шығарылу саны мен өсіру жыл саны (7 баған) қосымша 1-2 көрсетілген, өндіруші аудан (8 баған) табу үшін жылдық себудің ауданын (6 баған) өсіру жыл санына (7 баған) көбейтеміз Мысалы: кәдімгі қарағай өсіру үшін қажет өндіруші аудан 0,66 га · 2 жыл =1,32 га. Жыл сайын барлық ағаш түрін себу үшін жалпы және өндіруші аудан біздің мысалымызда 5,54 га-ды құрады.