Ші тақырып. Қазақстан Республикасы тәуелсіздігінің жариялануы. ҚР сыртқы саясатының қалыптасуының негізгі факторлары.

Сұрақнама:

1.Қазақ КСР сыртқы істер министрлігі (1944-1990 жж).

2. Қазақ КСР сыртқы істер министрлігі (1991-2010 жж).

3. Тәуелсіз Қазақстанның сыртқы саяси қызметіні қалыптасуы.

Тапсырма:

1. ҚарМУ-дың кітапханасындағы каталогпен танысыңыз.

2. Тақырыпқа байланысты соңғы бес жылдағы кітапхана қорындағы әдебиеттер шифрымен танысып, библиографиялық тізімін құрыңыз.

Әдістемелік нұсқау:

Семинарлық сабақтың тапсырмасы курстың әрбір тақырыбымен сәйкестендіріліп құрылады. Семинар сабаққа кіріспес бұрын, тапсырманың барлық түрін дұрыс ойланып алу қажет. Каталогпен жұмыс істеу кезінде Қазақстан тарихы бойынша, оның ішінде белгілі бір кезең бойынша, жалпы деректер мен әдебиеттер бойынша мәліметтерді анықтап алу қажет. Библиографиялық сипаттама бір-бірімен қатаң анықталған бірнеше элементтерден тұруы, құралуы қажет.

Курс бойынша жазба жұмысын жазудың әдіснамасы және рәсімдеу талаптары. Жазба жұмысын орындаудың міндетті шарттары болып: сыртқы беттің болуы, жұмысты тарауларға бөлу, тараудың атымен және параграфтың сәйкестенуі; кіріспе және қорытынды; берілген тақырып бойынша қолданылған әдебиеттерді қосқанда 10-12-ден аз болмауы қажет. Баяндаманың көлемі 8 беттен аз болмауы қажет. Ал реферат-12, курстық жұмыс-35 беттен артық болмауы керек. Қаріп өлшемі 14, жоларалық бос орын 1,5. Қолмен жазылған нұсқасы жазуға қарамай 3-4 бетке артық болуы қажет.

Қолданылған әдебиеттер тізімінің ішінде келесі элементтер тізімі болуы қажет: автордың аты жөні, тегі: кітаптың аты; тарау алды мәлімет; оның жанрын нақтылайтын (қос нүктеден кейін); томдардың, бөлімдердің, басылымдардың санын көрсету (араб цифрымен); басылған жері (қала), басылған жылы. Шығарылған жылын көрсеткен кезде «жыл» деген сөз жазылмайды, мысалы, 2010-ж. деп жазылады.

Журнал, газеттердегі материалдарда барлық аталғандар бір-бірінен сызықша арқылы ажыратылады. Мысалы:

1. Қазақстан тарихы. 5 томдық. 1, 2, 3 ТТ. – Алматы, 1996, 1998, 2002.

2. Қазақстан тарихы ежелгі дүниеден бастап бүгінгі күнге дейін. Оқу құралы. – Алматы, 1993.

3. Қазақстан тарихы очерктер. – Алматы, 1994.

Негізгі әдебиеттер: 1, 3, 8, 9, 10, 14, 15.

Қосымша әдебиеттер: 16, 17, 21, 29, 31.