Материялық нүктенiң механикасы

Жұбанов атындағы Ақтөбе өңірлік мемлекеттік университеті

Физика-математика факультеті

Эксперименттік және теориялық физика кафедрасы

Физика пәні бойынша

5В090100-Тасымалдау, жол қозғалысын ұйымдастыру және көлікті пайдалану,

5В072000- Бейорганикалық заттардың химиялық технологиясы,

5В071300-Транспорт, транспорттық техника және технология,

5В072000- Органикалық заттардың химиялық технологиясы,

5В070900-Металлургия,

5В070800-Мұнай-газ ісі,

5В070700-Тау-кен ісі

5В072900-Құрылыс

мамандықтарына

Глоссарий

Ақтөбе, 2014

Механика

Материялық нүктенiң механикасы

Дененiң таңдап алынған санақ жүйесiндегi жасайтын үздiксiз сызығын траектория деп атайды. Траекториясына байланысты қозғалыс түзу сызықты және қисық сызықты болып екіге бөлiнедi.

Дененiң траектория бойымен жүрiп өткен ара қашықтығын жол деп атайды.

Дененiң бастапқы және соңғы орындарын қосатын векторды орын ауыстыру деп атайды.

Кеңiстiк - материямен байланысты және шексiз, шетсiз. Кеңiстiктiң негiзгi қасиеттерi: объективтi бар болуы, материямен бiртұтастығы, шексiздiгi, ұзындығы, үш өлшемдiлiгi (барлық физикалық объектiлердiң ұзындығы, енi және биiктiгi болады).

Дене қозғалады, яғни өз орнын тек кеңiстiкте өзгертiп қана қоймай, уақыт бойынша да өзгертедi.

Уақыттың негiзгi қасиеттерi: объективтi бар болуы, үздiксiздiгi, бiр қалыптылығы, бiр ырғақтылығы (уақыт тек алға өткеннен болашаққа қарай жылжиды).

Уақыт материямен, қозғалыспен және кеңiстiкпен тығыз байланысты.

Санақ жүйесi деп - санақ денесiмен байланысқан координаттар жүйесiн және уақытты айтады.