Полезное:
Как сделать разговор полезным и приятным
Как сделать объемную звезду своими руками
Как сделать то, что делать не хочется?
Как сделать погремушку
Как сделать так чтобы женщины сами знакомились с вами
Как сделать идею коммерческой
Как сделать хорошую растяжку ног?
Как сделать наш разум здоровым?
Как сделать, чтобы люди обманывали меньше
Вопрос 4. Как сделать так, чтобы вас уважали и ценили?
Как сделать лучше себе и другим людям
Как сделать свидание интересным?
Категории:
АрхитектураАстрономияБиологияГеографияГеологияИнформатикаИскусствоИсторияКулинарияКультураМаркетингМатематикаМедицинаМенеджментОхрана трудаПравоПроизводствоПсихологияРелигияСоциологияСпортТехникаФизикаФилософияХимияЭкологияЭкономикаЭлектроника
|
Тэма № 6. Ахвяра Каіна і Абэля
Дыдактычная мэта: Пазнаёміць вучня з біблійнай гісторыяй пра братоў Каіна і Абэля. Вучань разумее, што грэх разбурае адносіны паміж людзьмі. Выхаваўчая мэта: Фарміруем у вучняў імкненне прызнаваць свае памылкі, прасіць прабачэнне за ўчыненае зло і будаваць сяброўскія адносіны з бліжнімі. Матэрыялы: Біблія: Быццё 4, 2-11; 4 6,7 ілюстрацыя і фільм, якія паказваюць падзеі біблійнага тэкста. Прыгатаваць літары «УСЕ ВАЖНЫЯ ДЛЯ БОГА». Дапаможнік: «Супраць каго накіраваны грэх» Метады катэхэзы: Аналіз біблійнага тэксту, медытацыя вобраза, праца з дапаможнікам, дыскусія, сцэнка. Ход заняткаў Малітва: Мой Пане і мой Божа, вазьмі ўсё, што мяне ад Цябе аддаляе. Мой Пане і мой Божа, дай усё, што мяне да Цябе набліжае. Мой Пане і мой Божа, вазьмі мяне ў поўную ўласнасць сваю. Малітва «Адданне сябе Богу» К. правярае хатняе заданне, паўтарае пройдзены матэрыял: - Як мы называем грэх першых людзей? - Што дрэннага зрабілі Адам і Ева? - Якое было наступства граху? К. уводзіць вучняў у новую тэму. Чалавек пытае: К. пытае: - Назавіце крыніцу зла на зямлі? /грэх/ К. паказвае дапаможнік з папярэдняга ўрока: «Супраць каго накіраваны грэх». Канцэнтруе ўвагу на тым, што: «Людзі не могуць зразумець адзін аднаго, зло ўваходзіць паміж людзей». К. пытае: - Што нам не падабаецца ў адносінах паміж людзьмі? /Народы, сям’я, школа, сябры/ К. адказы запісвае на дошцы і асабліва акцэнтуе ўвагу на граху зайздрасці. К. просіць вучняў намаляваць твар чалавека, якога мучыць пачуццё зайздрасці, і твар чалавека вольнага ад пачуцця зайздрасці. Пад намаляванымі тварамі людзей вучні адпаведна пішуць 5 галоўных рысаў, якія характарызуюць зайздроснага і незайздроснага чалавека. Вучні прадстаўляюць сваю творчасць на абмеркаванне, і ўсе разам вызначаюць тыя рысы, якія сустракаюцца часцей за ўсё. Бог адказвае: На прыкладзе двух братоў Каіна і Абэля, мы з вамі ўбачым, да чаго можа давесці чалавека грэх, у прыватнасці грэх зайздрасці. Каіна і Абэля натхнёны Богам аўтар называе дзецьмі Адама і Евы, гаворка ідзе не пра родных дзяцей, не пра першых людзей. У Бібліі не гаворыцца пра першабытных людзей, пра якіх вы даведваліся на ўроку гісторыі ў школе. Каін і Абэль з’яўляюцца патомкамі Адама і Евы. Выраз «сын, дачка Адама і Евы», азначае проста - чалавек. Мы з вамі таксама з’яўляемся сынамі і дачкамі Адама і Евы. К. запальвае свечку, вучні ўстаюць … зачытывае тэкст з Бібліі Быццё 4, 2б-11. (можна паказаць фрагмент з фільма), на дошцы пакінуць ілюстрацыю: «Ахвяра Абэля і Каіна» або «Каін забівае Абэля».К. падрабязна тлумачыць дзецям сэнс прачытанага тэксту – экзэгеза тэксту. Пасля экзегезы задае пытанні: - Кім былі Каін і Абэль? - Што было прычынай смутку Каіна? - Чаму паводзіны Каіна не спадабаліся Богу? - Што павінен быў змяніць Каін у сваіх паводзінах? - Да чаго можа давесці чалавека грэх, а ў прыватнасці грэх зайздрасці? Пан Бог ніколі не пакідае чалавека, Ён заўсёды шукае розныя спосабы, каб дапамагчы яму, задае пытанні, засцерагае, хоча, каб чалавек быў шчаслівы. І ў гэтай гісторыі, Пан хоча дапамагчы Каіну, і таму кажа яму: К. чытае Быццё 4 6,7 «І сказаў Пан Каіну: Чаму засмуціўся ты, і чаму спахмурнеў твар твой? Калі ты робіш добра, ці не павінна быць узнята аблічча тваё? А калі не робіш добра, грэх затойваецца пры дзвярах. Ён цягне цябе да сябе, але ты можаш панаваць над ім». К. просіць вучняў самастойна папрацаваць з тэкстам з Бібліі, знайсці і ўпісаць у дапаможнік для вучня словы Пана Бога, у якіх Ён засцерагае Каіна ад граху. - Ад чаго Пан Бог засцерагаў Каіна? - Што павінен быў змяніць Каін у сваіх паводзінах? - Што б мы параілі Каіну, для таго, каб ён жыў у згодзе са сваім братам? Чалавек адказвае Богу: Уявім сабе, што наш лепшы сябар пакутуе ад зайздрасці. Ён пастаянна паўтарае: «Да іншых ставяцца лепш, чым да мяне. Ім больш шанцуе, у іх усё атрымліваецца. Я не такая прыгожая, як …» Што ты параіш свайму сябру? Дыскусія на тэму: «Як можна пазбавіцца зайздрасці?» Можна зрабіць плакат «Таблеткі ад зайздрасці», на якім вучні напішуць свае адказы. Пан Бог любіць кожнага з нас асаблівым чынам. Кожны чалавек каштоўны для Бога. Кожны з нас для Пана Бога асаблівы, незаменны і кожнага з нас Пан шчодра адарыў дарамі. Кожны чалавек вельмі важны для Бога, таму, што ён адзіны і непаўторны. Зараз мы з вамі пакажам пра гэта сцэнку: К. ставіць з дзецьмі сцэнку «Усе важныя для Бога»: ЛІТАРЫ ДЗЕЮЧЫЯ АСОБЫ: Вядучы і 16 чалавек з літарамі на грудзях: У, В, А- 2 чалавекі, С, Е, Ж, Н, Ы, Д, Л, Я - 2 чалавекі, Б, О, Г. ВЯДУЧЫ: У друкарні, дзе звычайна шумна бывае толькі з-за працуючых станкоў, на гэты раз гаманілі літары. Яны спрачаліся паміж сабой. ЛІТАРА Н: Сярод людзей заўсёды знойдзецца хтосьці больш просты, а хтосьці больш важны, але сярод літар важней за ўсё літара Н. ЛІТАРА Ы: Гэта яшчэ чаму? ЛІТАРА Н: Н – часта ўжывальная літара, не тое, што нейкая Ы. З мяне пачынаецца Біблія: На пачатку стварыў Бог неба і зямлю… Нават у адным наборы нас дзве. Вось! ЛІТАРА А: Гэта Н – самая ўжывальная? А па-мойму - А. А нас туту дзве. Як бы людзі абышліся без літары? Усё пачынаецца з А. А – першая літара алфавіта, А – гэта першы гук дзіцяці ЛІТАРА Д: А першае слова – ДАЙ. Д – больш галоўная. ЛІТАРА Б: Б! З мяне пачынаюцца такія важныя словы, як Бог і Біблія. ЛІТАРА Е: А з мяне Евангелле! Ды і ўвогуле, вы – зычныя без нас зусім бы не гучалі. Не было б галосных, людзі не маглі б пець. ЛІТАРА О: Сябры, перастанце спрачацца. Вы ўсе не правыя. Няўжо не зразумела, што самая дасканалая – гэта літара О. Вы паглядзіце на мяне. Якая я круглая, сіметрычная, правільная. Паглядзеўшы на мяне, усе кажуць: о-о-о! ЛІТАРЫ Я: Я! Я! Вы забыліся пра нас! ЛІТАРА Ы: Я – апошняя літара алфавіта! Усе літары пачныаюць разам шумець: кожны вымаўляе сваю літару. ВЯДУЧЫ: Але тут у друкарню зайшоў наборшчык. Літары заціхлі. Яны чакалі, каго ж чалавечыя рукі скарыстаюць для працы. Кожнай хацелася атрымаць месца. Аказалася, што патрэбныя ўсе. Наборшчык набраў патрэбны загаловак і, паглядзіце, што ў яго атрымалася. Літары строяцца ў рад, спіной да гледачоў, пасля слоў “паглядзіце, што ў яго атрымалася” яны адначасова паварочваюцца, і атрымліваеца наступны сказ: Усе важныя для Бога. Літары разам: Усе важныя для Бога! К. пытае ў вучняў: - Як вы разумееце выраз «Усе важныя для Бога»? - Што вы зразумелі з гэтай сцэнкі? Разважанне: Кожны чалавек вельмі важны, каштоўны і незаменны для Пана Бога: - Ці радуюся я дасягненням бліжніх? - Ці я не сапернічаю з бліжнімі? - Што я найбольш цаню ў іншых людзях? - Што я найбольш цаню ў сабе? - Што я раблю, калі ўва мне ўзнікае пачуццё зайздрасці? Пастанова. Хатняе заданне: 1. Раскажы сваёй сям’і і сябрам біблійную гісторыю пра Каіна і Абэля, запытай у сябра, што ён найбольш цэніць у табе, а ты ў сваю чаргу скажы яму тое, што ты цэніш у ім. 2. На працягу гэтага тыдня пастарайся гаварыць шчырыя кампліменты сваім бліжнім. 3. Намалюй малюнак на тэму «Усе людзі важныя для Бога»
Заключная малітва: Напісаць малітву, у якой мы хочам: - выразіць сваю ўдзячнасць Богу за тое, што Ён нас стварыў і адарыў шматлікімі дарамі - просім прабачэння за нашыя грахі, у прыватнасці за грэх зайздрасці, за ўсе формы яе праяўлення - просім аб аздараўленні ад нашых грахоў Вучні чытаюць свае малітвы.
|