Босанатын әйелді босану залына ауыстыру

Мақсаты- студентке босанатын әйелді босану алды палатасынан босану залына тасуды үйрету.

Көрсетулері –босанудың 2-ші кезеңінің басталуы.

Қарсы көрсетулері – жоқ.

Мүмкін болатын асқынулары - жоқ.

Ресурстары –қоларба (каталка), ақжайма, клеенка, стерилді астына салғыш, көрпе немесе ақжайма, көпшік (жастық).

Іс-әрекет алгоритмі:

1. Өзіңізді таныстырыңыз, босанатын әйелге босану залына ауыстыру мақсатын түсіндіріңіз және оның ризашылығын алыңыз.

2. Қоларбаға салыңыз: ақжайманы, көпшікті, клеенканы, стерилді төсегішті.

3. Босанатын әйелді қоларбаға ауыстырып салыңыз.

4. Әйелді ақжаймамен немесе көрпемен жабыңыз.

5. Босанатын әйелді босану залына санитарбикенің көмегімен ауыстырыңыз.

Ескерту. Егерде қағанақ сулары кетпеген болса, онда босанатын әйелді өзін босану залына медбикенің немесе акушербикенің алып баруына болады. Егерде қағанақ сулары ағып кеткен жағдайда босанатын әйелді қоларбаға салып ауыстыру қажет.

Босанғаннан кейінгі кезеңде сүт бездерін күту.

Мақсаты- студентке босанған әйелге сүт бездерін баптап жүргізуді үйрету.

Көрсетулері –босанған әйелге күтім жасау.

Қарсы көрсетулері – жоқ.

Мүмкін болатын асқынулары - жоқ.

Ресурстары –жылы су,жеке кішкентай кесек сабын, стерилді корнцанг, стерилді шариктер, стерилді сүлгі, көкірекше, бір рет киетін стерилді резеңке қолғаптар, кереует,сабын, орамал.

Іс-әрекет алгоритмі:

1. Өзіңізді таныстырыңыз, босанатын әйелге босанғаннан кейінгі кезеңде емшараның орындалу мақсатын, қажеттілігін және барысын түсіндіріңіз және оның ризашылығын алыңыз.

2. Жүріп жүрген босанған әйелдер өздері сүт бездерін жеке кішкентай кесек сабынмен шүмек астында жылы сумен жуады.

3. Қолдарыңызды гигиеналық деңгейде жуыңыз.

Бір рет киетін стерилді резеңке қолғаптарды киіңіз, сосын төсекте жататын босанған әйелдерге жылы суға малынған шаригі бар корнцангтің көмегімен, сүт бездерін келесе тәртіпте: емізік ұшын, сосын барлық безді жуыңыз.

5. Сүт бездерін стерилді сүлгімен немесе орамалмен құрғатыңыз.

6. Оған стерилді көкірекшені кигізіңіз.

7. Бір рет киетін резеңке қолғаптарды шешіңіз және ҚҚҚ салыңыз.

8. Қолдарыңызды сабынмен жуыңыз және орамалмен құрғатыңыз.