Интернет. Электрондық пошта

Қазіргі уақытта маңызды байланыстың бірі - электрондық почта (Electronic mail, ағылш. Mail-почта, қысқаша e-mail). Электрондық почта қашықта орналасқан абоненттермен компьютер арқылы байланысудың ең ыңғайлы түрі болып саналады да, ол кәдімгі почтаның балама түрі болып есептеледі. Ақпаратты өте жылдам, әрі толық күйінде оны өзгертпей барар жеріне сенімді түрде жеткізетіндіктен (қызметінің салыстырмалы бағасы төменгі деңгейде) қазіргі почта болады деп күтілуде. Компьютерлер көмегімен кез-келген ортаны дайын болған әртүрлі құжаттармен, жаңа жобалармен жылдам таныстырып, олардың да осыларға деген пікірін тез жинап алуға болады. Электрондық почтаны пайдалану кезінде компьютерде әртүрлі арнаулы бағдарламалар қолданылады және олардың қажеттігіне қарай бірінен біріне жеңіл ауысып отыруға болады. Мұндай бағдарламалар мынадай жұмыстарды атқарады:

· Алынған хабарды талдау және жаңа хабарлар дайындау;

· Байланыс торабымен жылдам хабар алмасу.

Бірінші бағдарламаның жұмысы байланыс желісіндегі компьютердегі мәтіндік ақпаратпен жұмыс істеген сияқты болады. Бұл кезеңде белгілі бір редакторлық бағдарлама көмегімен мәтінді дайындап, оны артынан қарап шығуға тура келеді. Мәтінді оқу, толықтыру, талдау жұмыстары әдеттегі почтамен жұмыс істегенмен бірдей. Компьютерде әрқашанда жинақталған мәліметтер архиві болуы тиіс, соларды қарап отырып бұрынғыларын қайталап оқып шығып, керек еместерін «қоржынға» тастап, керектілеріне жауап жазып, кейбіреуін қайта архивке салып қоямыз. Ең соңында дайындалған хатты немесе хатқа келген жауапты «почта жәшігіне» салып, керекті адреске жөнелтеміз. Дайындалған корреспонденцияны жөнелту мен келген хаттарды қарап шығу ісін әркім өзіне ыңғайлы кезде арнаулы бағдарлама арқылы жүргізеді. Ол бағдарлама хаттарды дайындаумен қатар сол компьютерді бүкіл әлеммен қарым-қатынас жасату негізі болып саналатын тораптық компьютермен кез-келген сәтте байланыс сеансын жүргізуді қамтамасыз етеді.

GСтуденттің оқытушымен өзіндік жұмыс тапсырмасы