Практикалық сабақ 5

Тапсырма 1. Мәтінді оқып,танысыңыздар

Мамандық

Мамандықтың түрі өте көп. Оны таңдау жас кезден басталады. Таңдаған мамандықты кәсіптік-техникалық училищелерден, кәсіптік орта оқу орындары мен жоғары оқу орындарынан алуға болады. Қазіргі кезде аз уақыттық курстар да мамандық беріп келеді, Орта және жоғары оқу орындарында оқу семестрі екіге бөлінеді. Мұнда студенттер теориялық алған білімдерін сынақ, емтихан арқылы, семинар және курстық жұмыс арқылы көрсетеді. «Өте жақсыға» оқитындар әрі тәрбие жұмыстарының бар саласында үлгі атанғандар «Болашақ» бағдарламасына қатыса алады. Студенттер таңдаған мамандықтары бойынша әуелі оқу орны жанындағы шеберханаларда, кейін кесте бойынша өндіріс орындарында арнаулы тәрбиеден бірнеше рет өту арқылы кәсіпке үйреніп, төселеді. Студенттер еңбек семестрінде Қазақстанның жер-жерінде жалақыға еңбек етеді Өз араларынан ұйымдастыру қабілеті бар жастардан жетекші тағайындайды. Олар жоспарларын алдын-ала жасап жергілікті ұжымдармен келіседі. Студенттер кіші кәсіпорындарда, фирмаларда, т.б. мамандықтарына қатысы жоқ орындарда еңбек етеді. Еңбек семестрінде олар еңбекке төселеді. Олар қайнаған еңбек ортасында көп нәрселерді үйренеді, еңбек адамдарымен бірге болып, олардың ісін көзбен көріп, қолмен ұстайды.

Сөздік

Сынақ-зачет

Мамандық-специальность

Кесте бойынша-по расписанию

Еңбек семестрі-трудовой семестр

Қабілет-способность

Жалақы-зарплата

Тағайындау-назначить

Таңдау-выбирать

Тапсырма 2. Мәтіндегі жаңа сөздермен сөйлемдер құрастырыңыз.

Тапсырма 3. Мәтін бойыншы жоспар құрастырыңыз.

Тапсырма 4. Сұрақтарға жауап беріңіздер.

Сіз қайда оқисыз?

Сіздің факультетіңіз қалай аталады?

Сіз қандай мамандық бойынша оқисыз?

Қандай мамандықтардың атауын білесіз?

Тапсырма 5. Сөздерді дұрыс айтуға, қатесіз жазуға дағдыланыңыздар: маман, табыскер, мамандық, шебер, кәсіп, бастық, кәсіпкер, жұмысшы, кәсіби, хатшы, іс қызметкері, іскер.

Тапсырма 6. Осы сөздерге анықтауыш сөз жазып, сөз тіркестерін құраңыздар. Үлгі: сирек мамандық.

Тапсырма 7. Мына сөз тіркестерімен сөйлемдер құрап, етістіктердің қай шақта тұғанын түсіндіріңіз. Шебер маман, табысты кәсіпкер, кәсіби жұмысшы, қажет мамандық.

Тапсырма 8. Сөйлемдерді аяқтаңыздар:

Мүсіншінің жұмысы....

Жақсы маман барлық салада....

Мен күндізгі бөлімде....

Біздің факультетте... психолог мамандығы....

Мен жақсы маман....

Суретші салған сурет маған өте....

Тапсырма №9. Тест жұмысы.

1.«Тағайындау» деген сөз қандай сұраққа жауап береді?

а) нені?

ә) қандай?

б) не істеу?

2.«Қабілет» сөзінің аудармасы:

а) способность

ә) выбирать

б) зачет

3.Біріккен сөзді табыңыз.

а) жетекші

ә) жалақы

б) маңызды

4.«Оқу орындары» тіркесінің аудармасы:

а) учебная аудитория

ә) учебное заведение

б) учебный план