Поляризациясы

Жарық қосарланып сынған кезде пайда болатын сәулелер өзара перпендикуляр жазықтықтарда поляризацияланған, олардың тербелістері бір-біріне перпендикуляр. Тәжірибелерге қарағанда осындай өзара перпендикуляр жарық тербелістері қосылысқанда жарық сәулесінің қасиеттері өзгереді.

Егер пластинка жұқа болып, жарық оның оптикалық осіне параллель емес бағытта таралса, онда түскен монохромат жарық қосарланып сынады да, пайда болған кәдімгі сәуле мен өзгеше сәуле кристалл пластинка ішінде бір түзудің бойымен таралады, бірақ олардың жылдамдығы екі түрлі , тербеліс бағыттары өзара перпендикуляр болады. Олардың оптикалық жол айырмасы мынаған тең болады: (1)

Бұл сәулелер кристалдан шыққандағы фазаларының айырмасы (φ) мынаған тең: (2)

Талдап қорыта келгенде кристалл пластинкадан шыққан жарық толқындары электр векторының ұшы эллипс сызады, демек жарық тербелістерінің траекториясы эллипс болады. Осындай жарық толқындары эллипс бойымен поляризацияланған толқын деп аталады. Бұл құбылыс эллипстік поляризация делінеді.

Егер болса, онда бұл пластинкадан шыққан қорытқы жарық толқынының электр векторының ұшы шеңбер бойымен сол толқын таралатын бағыттан айналады. Мұндай жарық толқындары шеңбер бойымен поляризацияланған толқын деп аталады. Бұл құбылыс дөңгелек поляризация делінеді.

Date: 2015-05-08; view: 1141; Нарушение авторских прав