Paginad

hökkähtuz – согласие

Ka! Да!

Hüvä om. – Хорошо.

Tetpas. – Конечно.

Poikestamata. – Обязательно.

Hökkähtad-ik? – (Ты) согласен (соглашаешься)?

Hökkähtaižit-ik? – (Вы) согласились бы?

Hüvä om, hökkähtan.

Ka midä-k... pidab hökkähtada.

Ladimoiš-ik? – Договорились (мы)?

Ladimoiš. – Договорились.

А если мы не согласны:

En voi hökkähtada.

En hökkähta!

Ei!

Ajak maksab? – сколько стоит?

Äjak maksab nece kirj? – Сколько стоит эта книга?

Mitte om necen antikvarižen kuvan arv? – Какова цена этой антикварной картины?

Äjak maksab kilogramm kartohkad?

(Kassirale) Äjak (minei) pidab maksta?

Polekat arvod... – Сбавьте цену…

Pidab lattäs arvol. – Надо договориться о цене.

Lujas kalliž veneh. – Очень дорогая лодка.

Nene(d) kirjutimed oma odvad. – Эти ручки дешёвые.

Kut kalliž om! Arvod kazdas kaikuččel nedalil.

- Äjak pakičed?

- Kaks’sadad rubläd.

- Sadas kahesaskümnes andat-ik?

- En. Odvamba mön...

Harjoituz.

Tö olet torguindsijas. Pakikat arvoiš, torguigatoiš, mögat erazviuččud söndtavaroid.

Tekst

VOZ’AIGAD

Vodes om nell’ voz’aigad: tal’v, keväz’, keza da sügüz’. Kaikuččes voz’aigas om koume kud. Kaikiš lühüdamb ku om uhoku: siš om tobjimalaz 28 päiväd. Oleskeleb erasti, miše uhokus om 29 päiväd; siloi voz’ tegese pidembaks i se kuctas ližapäivvodeks.

Tal’v – kaikiš vilumb da pimedamb voz’aig. Öd oma pidembad, mi päiväd; paneb lunt, erasti uhoičeb. Vepsän mal oleskeleb lujas viluid päivid, konz il’man lämuz’ alenzub 35 vai eskai 40 vilun gradusihesai. Vezištod: järved, joged, uitod, ojad oma jän al. Tal’vaigal om vähä maižanduzradod.

Keväz’ om čoma voz’aig. Irdil’m tegese lämembaks. Londuz heraštub, kaikjal voib nägištada norid heinid i vihandoid lehtesid. Zavodiše uz’ maižanduzradoiden cikl. Kezalindud pördase mijale lämiš maišpäi.

Keza – kaikiš lämemb voz’aig. Tuldas räkad päiväid; meiden tahoiš lämänmäričijad ozutadas erasti 35 lämän gradusihesai! Kaikjal kehub elo; äjiš kazvmusiš om čomid erazmujuižid änikoid. Keza om pästusiden aig – ristitud lebaidase, ajadas erazvuiččihe kurortoihe. Kazaaigal päiväd oma pidembad, mi öd. Nece voz’aig om intensivižiden maižanduzradoiden pord.

Sügüz’ om satusekaz voz’aig: küpstas fruktad da maplodud. Niiden obrädind om kezan pämaižanduzrad. Päiväd tegese lühüdambikš, a öd – pidembikš. Kezalindud töndudas suvimaihe. Lapsed asttas školha, üläopenikad mugažo tarttas opendushe.

alenzuda – снижаться

lämänmäričii – термометр

ližapäivvoz’ – високосный год

maižanduz – сельское хозяйство

obrädind – уборка

oleskeleb – бывает

pord – период (времени), некоторое время

vezišt – водоём

Harjoitused.

1. Löukat tekstaspäi kaik luguil kirjutadud numeralid. Pangat ned kaikiden kändoiden formihe.

2. Löukat tekstaspäi kaik komparativan da superlativan formad i ozutagat, kut ned saudas.

3. Ümbristarinoikat tekst.

4. Starinoikat enamban kaikuččen voz’aigan polhe.

kahtenz’kümnenz’kahesanz’ urok