Есептеу машинасының жіктелуі

Есептеу жүйесі немесе желісінің негізін есептеу машинасы құрайды. Сондықтан әрбір есептеу жүйесінің қызметі мен мүмкіндіктерін бірінші кезекте есептеу машинасы анықтайды.

Есептеу машиналарын мынадай түрлерге жіктеуге болады:

I. ЕМ-дағы сигналдар типтеріне байланысты:

- аналогты есептеу машинасы (АЕМ) –– ақпарат үздіксіз (аналогты) формада беріледі. Жылдамдығы жоғары, тар көлемді тапсырмалар кластарын шешуге арналған (әр тапсырманы шешу кезінде аппаратураны сол тапсырмаға бейімдеп отыру қажеттіліг жиі туындайды);

- электронды цифрлық есептеу машинасы (электронды есептеу машинасы) ЭЦЕМ (ЭЕМ) – ақпарат дискретті формада (екілік) өңделеді. АЕМ-мен салыстырғанда жылдамдығы едәуір төмен, аппаратураны жұмысқа қосымша бейімдеусіз, тапсырманың кең көлемін шешуге мүмкіндік береді.;

- гибридті есептеу машинасы (аралас есептеу машинасы) ГЕМ (АЕМ) – аналогты, сондай-ақ цифрлық блоктарды да қамтыйды.

II. Есептеу қуаты бойынша былайша жіктеледі:

- есептеу жүйелері – бір немесе бірнеше түрлі ЕМ-наың үлкен санынан тұрады – бірнеше тапсырманы, түрлі программалардың жұмыс нәтижелерін түзете алу мүмкіндіктерін қамтый отырып шешуге арналған;

- қуатты ЕМ (жоғары және өте жоғары қуатты ЕМ) –үлкен көлемді талап ететін, желілік құрылымдар жұмыстарын басқару үшін (провайдерлер және т.б.), ғылыми-техникалық есептерді шешу үшін белгіленген;

- орташа қуатты есептеу машиналары – шағын тапсырмаларды шешуге (ғылыми-өнеркәсіптік), басқару тапсырмаларын шешу үшін, жергілікті желі жұмысын (файл-сервер) басқару үшін белгіленген;

- дербес ЭЕМ (ДЭЕМ, компьютерлер) – бір мезгілде бір қолданушымен жұмысқа арналған;

- тіркелген ЭЕМ (шағынЭЕМ) – тапсырманың шектелген көлемін (бір ғана тапсырманы) шешуге арналған (автомобиль компьютері және т.б.).

III. Қызметі бойынша:

- әмбебап ЕМ – түрлі тапсырмалардың кең көлемін шешуге арналған;

- мамандандырылған ЕМ – тар көлемді тапсырманы шешуге арналған (мысалы, жасанды зердемен байланысты тапсырманы шешуге арналған, және т.б.).