Самолетта осабыҙ.

Арналған байрам сценарийы

Мәктәпкә әҙерлек төркөмө өсөн.

Төрлө халыҡ кейемдәрендә кейенгән балалар залға керәләр,

теҙелеп баҫалар.

Бейеү «Дуҫлыҡ иле»

Тәрбиәсе 1: хәйерле көн, балалар!Хәйерле көн ҡунаҡтар!

Һеҙҙең барығыҙҙы ла 4-ноябрь Халыҡтар берҙәмлеге көнө уңайынан ихлас тәбрикләйбеҙ! Һәм инде бөгөн һеҙ, балалар, ниңә улай аталғанын беҙ һеҙҙең менән асыҡлап китербеҙ.

Тәрбиәсе 2: Әйтегеҙ әле балалар, беҙҙең Ватан нисек атала? -Рәсәй

Баш ҡалаһы? –Мәскәү

Тәрбиәсе 1: Һәр бер ил кеүек үк Рәсәйҙең дә үҙенең Дәүләт символдары бар. Нимәләр ул? Герб, флаг! Унан башҡа төп, иң мөһим музыка – гимн бар.Гимнды нисек тыңлайбыҙ?Баҫып. Тыңлайбыҙ!

Гимн Росии

Ололар һәм балалар баҫып тыңлайҙар, ултыралар.

Тәрбиәселәр дауам итә.

Тәрбиәсе 2: Электән урыҫ халҡыүҙенең илен бик яратҡан, бер-береһенә ярҙам итеп дуҫ йәшәгәндәр. Илгә ҡурҡыныс янағанда, илде дошмандарҙан бергәләшеп яҡлап алып ҡалғандар. Үҙ иленә бағышлап йырҙар, шиғырҙар, мәҡәлдәр яҙғандар.

Тәрбиәсе 2: Хәҙер һеҙҙең иғтибарығыҙға урыҫ халҡының үҙенсәлекле музыка ҡоралдарында сығыш яһарға рөхсәт итегеҙ.

Оркестр.

Тәрбиәсе 1: Рәсәй баштан уҡ тәүҙә көслө дәүләт булмаған. Уның кеүәте яйлап ҡына үҫә барған. Күп милләтле дәүләт булараҡ, ауыр һуғышта, ҡаты һынауҙарҙа ғына миләттең ихтияр көсө, берҙәмлеге нығынған.

Тәрбиәсе 2: Шулай булғас,йәгеҙ бөгөн, дуҫтар

Дуҫлыҡ, килешеү байрамын бергәләп үткәрәйек. Кәрәкмәй беҙгә һуғыш. Доньялар булһын тыныс!

Видео яҙма «Рәсәй»?

Тәрбиәсе 1: «…Рус түгелмен мин, ләкин россиян мин,
Россиян мин – ниндәй ғорурлыҡ!
Ун ғүмерең миңә кәрәк түгел,
Бер яҙмышым шуға торорлоҡ!...»
«Россиянмын», Мостай Кәрим.

Беҙҙең ил – донъялағы иң ҙур дәүләт. Илебеҙҙең Себер яҡтарының ҡырағай урмандары, Урал яғының ер аҫтында йымылдап ятҡан аҫылташтары һәм ҡиммәтле ер аҫты ҡаҙылмалары бөтмәҫ байлыҡ булып тора.
Беҙҙең Рәсәйҙә күккә ашҡан мәғрур тауҙар, донъялағы иң ҙур күл – Байкал да, вулкан-гейзерҙар ҙа, офоҡтан-офоҡҡа һуҙылған далалар ҙа бар. Урмандарҙа – кейек-януар, ҡош, төрлө-төрлө ағас, төрҙәрен һанап бөткөһөҙ үлән, хуш еҫле сәскәләр... Сылтырап аҡҡан зәңгәр һыулы йылғалары балыҡ менән тулы. Илебеҙҙең иң ҙур хазинаһы, һис шикһеҙ, уның эшһөйәр халҡы.

Тәрбиәсе2: Бөгөнгө байрам уңайынан бөгөн һеҙ,сәйәхәткә сығып, илебеҙҙең ҡайһы бер миләттәре менән яҡындан танышасаҡбыҙ. Әҙерһеҙме?тимәк юлға!

Самолетта осабыҙ.

М/ф өҙөк «Татарстан»

Тәрбиәсе1: Беҙ һеҙҙең менән илебеҙҙең уртаһында осоп барабыҙ.Бында татар халҡы йәшәй. Баш ҡалаһы ҙур һәм матур ҡала - Казань. Татарҙар күңелле һәм дәрт ле халыҡ.Күңелле бейеү көйҙәренә дәртле баҫырға яраталар. Әйҙәгеҙ беҙ ҙә татар халҡы йырына бейеп –йырлап алайыҡ.

«Әйлән – бәйлән йөрөйбез» түңәрәктә бейеү

Тәрбиәсе 2: Сәйәхәтебеҙҙе дауам итәбеҙ. Көньяҡҡа осабыҙ.Бында ханты, чукчи, якут халҡы йәшәй.