Нұра ауылдық округі әкімі аппараты» мемлекеттік мекемесінің құрылымы және қызметін ұйымдастыру

«Нұра ауылдық округі әкімінің аппараты» мемлекеттік мекемесіне басшылықты «Нұра ауылдық округі әкімінің аппараты» мемлекеттік мекемесіне жүктелген міндеттердің орындалуына және оның функцияларын жүзеге асыруға дербес жауапты болатын Нұра ауылдық округінің әкімі жүзеге асырады.

Нұра ауылдық округі ауданның солтүстік-шығысында орналасқан. Округтің елді мекендері: Нұра, Мамыр, Дүкен, Белшер. Жер көлемі 641500 га. Селолық округ солтүстігінде Ақтөбе облысының Әйтеке би ауданымен, оңтүстігінде Тәуіп селолық округімен, шығысында Қостанай облысымен, батысында Ырғыз селолық округімен шектеседі. Аудан орталығынан 90 км, Шалқар теміржол станциясынан 246 шақырым, Ақтөбе қаласынан 540 шақырым қашықтықта орналасқан. Халқы – 1353адам. Оның ішінде: Нұра ауылында - 812, Мамыр ауылында – 185, Дүкен ауылында – 131, Белшер ауылында 225 адам тұрады. Тұрғындар негізінен қазақтар. 2015 жылғы 12 ай ішінде 19 бала туылып, 8 адам қайтыс болып, 8 отбасы құрылды.

Дүкен – Ырғыз селосының солтүстік-шығысындағы елді мекен. Бұрынғы бөлімше орталығы. Халқы - 166 адам. Негізгі мектеп, фельдшерлік пункт жұмыс жасайды. Ырғыздан 70 км. Дүкен - патшалы Ресей кезінде Ырғыз бен Торғай арасындағы байланыс бекеті болған. Нұра ауылдық округіне қарайды.

Мамыр – Ырғыз селосынан солтүстік шығыстағы елді мекен. Бұрынғы бөлімше орталығы. Халқы – 175 адам. Ырғыздан 110 км. Елді мекенде негізгі мектеп, кітапхана, клуб үйі жұмыс жасайды. Елді мекеннің айналасын ірілі-уақты өзендер мен көлдер қоршап тұр. Нұра ауылдық округіне қарайды.

Белшер – Ырғыз ауданының шығысындағы елді мекен. Бұрынғы бөлімше орталығы. Халқы – 288 адам. Белшер негізгі мектебі, фельдшерлік пункт, кітапхана жұмыс жасайды. Ырғыздан 86 км. Нұра селолық округіне қарайды.

Нұра ауылдық округі әкімі Қазақстан Республикасының Президенті белгілейтін тәртіпте қызметке тағайындалады немесе сайланады.Нұра ауылдық округі әкімі Қазақстан Республикасының Президенті белгілейтін тәртіпте қызметінен босатылады және өз өкілеттігін тоқтатады.

Нұра ауылдық округі әкімінің өкілеттігі:

- «Нұра ауылдық округі әкімінің аппараты» мемлекеттік мекемесі қызметкерлерінің міндеттері мен өкілеттіктерін анықтайды;

- Заңнамаларға сәйкес «Нұра ауылдық округі әкімінің аппараты» мем лекеттік мекемесі қызметкерлерін қызметке тағайындайды және қызметтен босатады;

- Заңнамаларға сәйкес «Нұра ауылдық округі әкімінің аппараты» мемлекеттік мекемесі қызметкерлерін марапаттайды және тәртіптік жаза қолданады;

- Барлық мемлекеттік органдарда және басқа да ұйымдарда «Нұра ауылдық округі әкімінің аппараты» мемлекеттік мекемесі атынан өкілеттік етеді;

- Қызметкерлерге қызмет міндеттерін, штаттық кестесін қор шегінде бекітеді;

- Сыбайлас жемқорлыққа қарсы күрес жүргізуде дербес жауапкершілікте болады;

- Заңнамаға сәйкес басқа да өкілеттіктерді жүзеге асырады.

Нұра ауылдық округі әкімі болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға орындайды және ауылдық округі әкімінің аппаратын қызметке тағайындалатын немесе сайланатын әкім басқарады.

«Нұра ауылдық округі әкімінің аппараты» мемлекеттік мекемесін қайта ұйымдастыру және тарату Қазақстан Республикасының заңнамасына сәйкес жүзеге асырылады.

Date: 2016-05-16; view: 851; Нарушение авторских прав