Тақырыбы: «Резервтің автоматты қосылуы (АВР)»

Тау-кен өндірісінің кейбір тұтынушылары 1-категорияға жатады, ал оларды электр энергиясымен қамтамасыз етуді үзуге болмайды. Сондықтан да тау-кен өндірістерінің қосалқы станцияларында міндетті түрде «Резервтің автоматты қосылуы (АВР )» орналастырылады. Бұл схема бойынша электрмен үздіксіз қамтамасыз ету екі дербес энергия көзінен қоректендіру арқылы қамтамасыз етіледі.

АВР схемасының жұмысы: АВР схемасы 4-суретте бейнеленген. Мұндағы екі линия да энергия көзіне қосылған, Т1 және Т2 күштік трансформаторлардың екеуі де жұмыста. 1-ші және 2-ші шиналар секциясы аралығындағы СВ (секциондық) ажыратқыш сөніп тұр, кернеуі 6кВ тұтынушылардың барлығы өз трансформаторларынан қоректеніп тұр. KV1, KV2, және KV3 кернеу релелері НТМИ-6 өлшеуіш трансформаторларынан қоректеніп жұмыс істеп тұр, осыған байланысты КТ уақыт релесі тізбегіндегі KV1, KV2 түйіспелері ажырап, ал KV3 жабылып тұр.

Мысалы, Т1 күштік трансформаторы зақымданып 1-секция шиналарында кернеу жоғалғанда келесі өзгерістер болады:

KV1, KV2 кернеу релелері сөніп олардың КТ тізбегіндегі түйіспелері жабылады да КТ уақыт релесі тоқ көзіне қосылады. Оның түйіспесі уақытты тежей отырып жабылады да Q1ажыратқышын КО катушкасы (электромагниті) жәрдемімен сөндіреді. Осы кезде Q1 ажыратқышының КВ тізбегіндегі блок-контактыс жабылады. Тоқ көзіне қосылған КВ электромагниті (катушкасы) СВ (секциондық) ажыратқышын іске қосады. Сол жақтағы тұтынушылар СВ аралық 2-ші шиналар секциясынан (резервтік линиядан) қорек алып өз жұмыстарын ары қарай жалғастырады. АВР схемасы осымен өз жұмысын аяқтайды.

Лекция №25.

Тақырыбы: Дәстүрлі емес және жаңғыртылатын энергия көздері.

Date: 2015-05-23; view: 3567; Нарушение авторских прав