Метяшкин Аким Гаврилович. Аким Гаврилович Метяшкин Ставропольск губерньд Эстохагинка (ода Яшалта) гидг селінд 1897-ч љилд мґчн сарин 24-д угатя кўўні ґрк-бўлд тґрсмн

(1897-1944 љљ.)

Аким Гаврилович Метяшкин Ставропольск губерньд Эстохагинка (ода Яшалта) гидг селінд 1897-ч љилд мґчн сарин 24-д угатя кўўні ґрк-бўлд тґрсмн.

1935-ч љиліс авн «Путь социализма» селіні эдл-ахун артельд кґдлмшт орв. Метяшкина бригад тўрўн ґдрмўдіс авн производственн даалєврмудан кўціљ йовла. Шунмєа кўч-кґлсніннь ашмудар Метяшкин партин Ставропольск крайкомин болн крайисполкомин Кўндллєні єашгар ачлгдсмн.

1942-ч љилин хаврар Метяшкин цергт мордсмн Сталинградын эргнд харслтын мељі бірљісн полкд эн тусв. Энд дііч тўрўн шўўвр дааљ єарад, шавтсмн. Эрўл-мендін батрулсна хґґн эгл салдс Метяшкин дікн фронтур ирід, Курск дуєуд болсн ик чинрті кўчті дііллдінд орлцсмн. Советск цергчнр хортна тавн єалзу діврлєиг даав. Тедн дунд Метяшкин йовла, хґґннь эн шавтв. Госпитальд ирљ энд серл орв.

1943-ч љилин хулєн сарин эклцір Метяшкин дікн фронтын нўўрт йовна. Эн саамд Днепр єол деер эн дііллдв. Энд немшнрин ик тоота зер-зев баглрсмн.

1943-ч љилин хулєн сарин 10-д мана єазрин кўн церглљісн дивизь діврлєнд орв. Метяшкин дііллдљ йовсн участкд нег ўлў чањє ноолдан болв. Чидлін геесн салдсмуд хооран цухрхдан ґґрхн біісн цагла: «Ўўрмўд, уралан!» гиљ хіікрсн эгл салдс Аким Метяшкина дун омган геесн салдсмудт серл орулсн кевті діврлєнд босхв. Болв тедні діврлєнд дґњнлт уга болв. Гитлеровцнр дарани діврлєнд орхла, дікн Метяшкин тедні ґмніс бууєан зґрўлљ тўрўн болљ діврв. Ротын ханьд дамшллта салдсмуд бає билі, тегід Метяшкин шинкін эклљ дііллдљісн цергчнриг эврі ўлгўрір урмдулв. Днеприн кґвід 1281-ч йовлєн цергин полк хулєн сарин 16-д ґдрин чилгчір кўрв. Єолын цаадк амнд подразделениг болн дііч зер-зевиг єатлљ кўрглєиг теткх даалєвр Метяшкинд ґггдв. Дарунь Бывалка селін шидр цус асхрулгч дііллдін болв. Эн дііллдінд бає наста шин ирсн олн цергчнр орлцв. Урдк дііллдінд мет, эвріннь ўлгўрір эдниг урмдулхар Метяшкин «Тґрскні тґлі» гиљ хіікрљ уралан зўткв. Автоматас хаєад, єурвн фашистиг эн алв. Эн ґдрин бийднь фашистнр дікід діврв.

Дікн Метяшкин діічнриг дахулљ хортна ґмніс нег мґслљ босв. Эгл салдс Метяшкин немшнрин траншейд тўрўн орљ ирід, єар бірлдід хортнла ноолдад хойр фашист алв.

Днепр єатллєна цагт командованя дііч даалєврмудыг ўлгўр ўзўлж кўцісн болн эн туст йилєін залу-зґрмг ўзўлсн тґліднь А. Г. Метяшкинд СССР-ин Деед Президиумин Зірлгір 1943-ч љилин хулєн сарин 30-д Советск Союзин Герой гисн нерн зўўлєлгдлі.

Тґрскн єазрасн немш фашистк деермчнриг кўццднь кґґљ єарєхин тґлі хґґннь шин дііллдін болв. Тиим дііллдінд, дііч операц болєнд орлцад, Метяшкин Диилврин кергт эврі тівцін орулљасмн. Болв Диилврин ґдр ўзх хґв энўнд учрсн уга.

1944-д љилин мґрн сарин 5-д Метяшкин хортна сумнла харєљ імнісн хаєцв. Тернопольск областин Боршевск района Германувка селінд эн оршагдв. Аким Гаврилович Метяшкині нерн тууљд мґњкрв. Терўні тґрскн селінд энўнд нерідсн бумб тосхгдв. Яшалтан нег уульнц геройин нер зўўні.