О чтении канонов 5 page

Когда Флор и Лавр завершили, наконец, свой труд, взору окружающих предстало вдохновенно созданное, прекрасное и гармоничное здание. Братья обладали духовным зрением и знали, что им помогал в работе Ангел Божий. Однако завершенному творению предстояло поругание: под его сводами должны были водвориться жрецы и зазвучать слова языческих действ. Допустить этого святые зодчие не могли. Они созвали людей из местной христианской общины и освятили новопостроенное здание во имя Христа Спасителя. Всю ночь христиане молились в этом прекрасном храме; во время молитвы его пространство наполнилось дивным светом, который просветил и утешил всех присутствующих. Наутро воины Христовы отправились к постройке, в которой хранились приготовленные для храма идолы, и разрубили языческих божков на куски.

Возмущенная толпа идолопоклонников схватила христиан и привела их на суд к правителю. Приговор вынесли быстро, и триста человек, в том числе и бывший языческий жрец Мамертин, были сожжены на кострах. Флора и Лавра как зачинщиков мятежа подвергли еще более жестокой казни: живыми бросили в глубокий колодец и засыпали землей.

Лишь через полтора столетия была явлена миру слава, которой увенчал Господь доблестных святых. Тела их были обретены нетленными и торжественно перенесены в тогдашнюю столицу христианского мира – Константинополь. Кровь страстотерпцев Флора и Лавра окропила и освятила ту землю, на которой впоследствии расцвела и прославилась великим мужеством Сербская Православная Церковь. К этим святым как к покровителям своего дела могут обращаться храмостроители, архитекторы и все, чья профессия так или иначе связана с зодчеством.

Составлено по источникам:

[Память] святых мучеников Флора и Лавра//Минея август. Ч. 2. М.: Издательский Совет Русской Православной Церкви, 2008. [Краткое житие].

Память святых мучеников Флора и Лавра// Димитрий Ростовский, свт. Жития святых: В 12 т. Т. 12. Месяц август. [Репринтное издание]. М.: Лествица, 2004.

Владимир (Иким), митр. Слово в день памяти святых мучеников Флора и Лавра// Владимир (Иким), митр. Слова в дни памяти особо чтимых святых: В 5 кн. Кн. 3. М.: Издво Московской Патриархии, 2000.

Троп а́ рь

П реудо́бренную и богому́друю дво́ицу пресве́тлую / восхва́лим, ве́рнии, по достоя́нию, / Фло́ра преблаже́ннаго и Ла́вра всечестна́го, / и́же усе́рдно Тро́ицу Несозда́нную я́сно пропове́дасте всем, / те́мже пострада́вше до кро́ве, / и венцы́ пресве́тлыми увязо́стеся*, / моли́теся Христу́ Бо́гу, да спасе́т ду́ши на́ша.

Канон [79]

глас 8

Песнь 1

Ирм о́ с: Колесницегони́теля фарао́ня погрузи́ чудотворя́й иногда́ Моисе́йский жезл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, песнь Бо́гови воспева́юща.

Прип е́ в: Святи́и му́ченицы Фло́ре и Ла́вре, моли́те Бо́га о нас.

С ветоза́рными блиста́нии Ду́ха просвеща́еми, мра́чныя о́блаки души́ моея́ разори́те, я́ко да воспою́, ра́дуяся, светоно́сную, святи́и, и честну́ю ва́шу па́мять, му́ченицы Христо́вы предо́блии*.

Припев: Святии мученицы Флоре и Лавре, молите Бога о нас.

Н а ка́мени непоро́чныя ве́ры созда́вше доброде́тельми Боже́ственными са́ми себе́, блаже́ннии, предо́бр показа́стеся и красе́н храм, в него́же Оте́ц всели́ся, и Сын, и Дух Святы́й.

С ла́ва: Из ко́рене посека́юще пре́лести те́рние, великоимени́тии, посека́тельным сло́вом Боже́ственныя ве́ры сердца́ обнови́ша, олядене́вшая* ле́стию, и плодоно́сна показа́ша, ве́ру процвета́юща непоро́чную.

И ны́не: От Деви́ческия утро́бы прозябла́* еси́ Ко́реня ненапое́ннаго, Сади́теля всем, Челове́ка бы́вша и стра́сти претерпе́вша, Его́же жела́юще, боже́ственнии ве́рно пострада́ша му́ченицы, Пречи́стая Де́во Всепе́тая.

Песнь 3

Ирмос: Небе́снаго кру́га Верхотво́рче, Го́споди, и Це́ркве Зижди́телю*, Ты мене́ утверди́ в любви́ Твое́й, жела́ний кра́ю, ве́рных утвержде́ние, Еди́не Человеколю́бче.

Припев: Святии мученицы Флоре и Лавре, молите Бога о нас.

З ако́н Боже́ственный исполня́юще, прехва́льнии му́ченицы, ни́щим бога́тно хлеб пода́сте и ко благоче́стию наста́висте боже́ственному, спасе́ния хода́таи сим бы́вше.

Припев: Святии мученицы Флоре и Лавре, молите Бога о нас.

Д во́ица светоно́сных страда́лец, возсия́вши чуде́сными заря́ми, тьму отгна́ пре́лести многобо́жныя, и прельще́нныя к сия́нию Боже́ственныя ве́ры вся наста́висте.

С лава: Младе́нствующий наро́д, благочести́вии му́ченицы, Боже́ственными уче́нии к стези́ Боже́ственнаго ра́зума наста́висте и тре́бища* де́монская моли́твою, блаже́ннии, низложи́сте.

И ныне: Неискусобра́чная Де́во, Ея́же ра́ди нам возсия́ Сло́во, е́же вы́ше вся́каго нача́ла разумева́емо, спаса́й ста́до Твое́ и всяк град и страну́ от вся́каго обстоя́ния, Богора́дованная.

Г о́споди, поми́луй. (Трижды.)

Сед а́ лен

глас 8

З о́дчии показа́стеся духо́внии, назда́сте* ве́рою благочести́вых ду́ши, Боже́ственною благода́тию на ка́мени ве́ры, и себе́ са́ми соверши́вше храм свяще́н Честны́я Тро́ицы, тве́рдо пострада́сте. Тем и исцеле́ния источа́ете ве́рою к вам притека́ющим, и стра́сти отгоня́ете, страстоно́сцы самобра́тнии[80]. Моли́те Христа́ Бо́га грехо́в оставле́ние пода́ти чту́щим любо́вию святу́ю па́мять ва́шу.

С лава, и ныне: Со́лнца о́блаче разу́мнаго, Боже́ственнаго Све́та свети́льниче златокова́нный, Нескве́рная, Небла́зная, Всенепоро́чная Влады́чице, омраче́нную ду́шу мою́ ослепле́нием страсте́й безстра́стия заре́ю просвети́, молю́ся, и оскверне́нное мое́ се́рдце омы́й пото́ки умиле́ния, покая́ния же слеза́ми и от тиме́ния* мя очи́сти дел мои́х, да любо́вию зову́ Ти: Богоро́дице Присноде́во, моли́ Христа́ Бо́га прегреше́ний оставле́ние пода́ти ми, Тебе́ бо име́ю наде́жду, раб Твой.

Песнь 4

Ирмос: Ты моя́ кре́пость, Го́споди, Ты моя́ и си́ла, Ты мой Бог, Ты мое́ ра́дование, не оста́вль не́дра! Отча и на́шу нищету́ посети́в. Тем с проро́ком Авваку́мом зову́ Ти: си́ле Твое́й сла́ва, Человеколю́бче.

Припев: Святии мученицы Флоре и Лавре, молите Бога о нас.

Ю́ношски со враго́м спле́тшеся, до́блии, сего́ низложи́сте кре́стным ору́жием тве́рдо и сокруше́нныя грехо́м сотвори́ша хра́мы Го́сподеви жи́вы, благоче́стно пою́щия: си́ле Твое́й сла́ва, Человеколю́бче.

Припев: Святии мученицы Флоре и Лавре, молите Бога о нас.

О т Христа́ – ка́мене усе́ченаго, я́коже пи́шет, от горы́ – Де́вы Богоотрокови́цы укре́пльшеся, всесла́внии святи́и, и́долом сокруше́ние соде́ласте, и взя́ти бы́сте к горе́ явле́нней муче́ния, и А́нгелом я́ве уподо́бистеся.

Припев: Святии мученицы Флоре и Лавре, молите Бога о нас.

Е ди́ну зарю́ Трисо́лнечнаго Божества́ безбо́жным ра́дующеся возвести́ дво́ица честна́я му́ченик, Флор же и Лавр, и муче́ния ча́шу испи́ша усе́рдно, Христу́ пою́ще: сла́ва си́ле Твое́й, Человеколю́бче.

С лава: Зако́ну Бо́жию покло́ньшеся, преклони́ша беззако́нныя сего́ еди́наго чести́ отверзе́нием оче́с, разу́мная их зре́ния просве́щше, му́ченицы боже́ственнии, свети́льника два, и́же концы́ вся просвети́вше.

И ныне: Я́ко Чи́стую от родо́в избра́, Богоро́дице, Тя Присноде́ву Зижди́тель всех и Бог, и Твою́ утро́бу пала́ту соде́ла нескве́рну еди́ный Царь веко́в, из Тебе́ челове́ком яви́ся.

Песнь 5

Ирмос: Вску́ю* мя отри́нул еси́ от лица́ Твоего́, Све́те Незаходи́мый, и покры́ла мя есть чужда́я тьма, окая́ннаго; но обрати́ мя и к све́ту за́поведей Твои́х пути́ моя́ напра́ви, молю́ся.

Припев: Святии мученицы Флоре и Лавре, молите Бога о нас.

Р азделе́ния не подъя́т боже́ственная дво́ица му́ченик самобра́тная: Неразде́льней бо Святе́й Тро́ице ве́ровавше еди́ною наде́ждою, разделе́нием пре́лести безме́стныя содержи́мыя совокупи́ благода́тию.

Припев: Святии мученицы Флоре и Лавре, молите Бога о нас.

И́стины ве́рвию[81], оско́рдом* же Боже́ственнаго ра́зума, окамене́нныя мы́сли благоче́стно, страда́льцы, истеса́вше, хра́мы Тро́ице пресла́вны Боже́ственною ве́рою соде́ласте, си́лою Ду́ха.

С лава: Кореносека́тели зло́бы вся́кия яви́стеся, му́ченицы сла́внии, сади́тели же вся́каго благоче́стия и словесы́ и вещьми́: изра́стший цвет Иессе́ев[82]от ко́рене Боже́ственнаго в непроходи́мых сердца́х насади́сте.

И ныне: Пре́жде всех век, Де́во, сокрове́нное вели́кое та́инство, е́же не уве́дено* бысть родо́м пе́рвым, Всенепоро́чная, Тобо́ю яви́ся Сло́во О́тчее Преве́чное, вопло́щся и быв Челове́к.

Песнь 6

Ирмос: Очи́сти мя, Спа́се, мно́га бо беззако́ния моя́, и из глубины́ зол возведи́, молю́ся: к Тебе́ бо возопи́х, и услы́ши мя, Бо́же спасе́ния моего́.

Припев: Святии мученицы Флоре и Лавре, молите Бога о нас.

Т ерпе́нием неукло́нным беззако́нныя побежда́юще, по зако́ну, страда́льцы, Христу́ достохва́льный коне́ц принесо́сте, не покры́вшеся нече́стия су́етством.

Припев: Святии мученицы Флоре и Лавре, молите Бога о нас.

О ру́жия си́льнаго явля́еми Ду́ха, победи́сте враги́ безпло́тныя, блаже́ннии, и страсть блаже́нную в ре́бра Прободе́ннаго благоче́стно вообрази́сте.

С лава: Я́коже два предобра́ сосца́, сла́внии, яви́стеся Це́ркви Христо́ве, не млеко́ пролива́юще, но дар незави́стен и спаси́телен исцеле́ний источа́юще.

И ныне: Неду́говавшую ду́шу мою́ грехо́м исцели́, Я́же Врача́ душ и теле́с ро́ждшая, Пречи́стая, Его́же боже́ственнии му́ченицы испове́дающе, вра́чеве страсте́й яви́стеся.

Г о́споди, поми́луй. (Трижды.)

С ла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.

Конд а́ к

глас 8

Я́ко благоче́стия му́ченики и страда́льцы Христо́вы богому́дрены, вселе́нная пресла́вно почита́ет Фло́ра и Ла́вра днесь, я́ко да улучи́м благода́ть и ми́лость моли́твами их и изба́вимся бед и напа́стей, гне́ва же и ско́рби в день Су́дный.

И́ кос

К ра́сная дво́ице, светоза́рнии и боже́ственнии свети́льницы, Све́ту Вели́кому предстоя́ще при́сно*, блаже́ннии му́ченицы, и отту́ду испуща́емыми невече́рняго Божества́ сия́нии всегда́ просвеща́еми и обожа́еми, ве́рою па́мять ва́шу боже́ственную соверша́ющих просвети́те от омраче́ния страсте́й и бед и зло́бы изба́вите, я́ко иму́ще ко Го́споду дерзнове́ние, моли́те непреста́нно о всех нас.

Песнь 7

Ирмос: Бо́жия снисхожде́ния огнь устыде́ся в Вавило́не иногда́, сего́ ра́ди о́троцы в пещи́ ра́дованною ного́ю, я́ко во цве́тнице, лику́юще, поя́ху: благослове́н еси́, Бо́же оте́ц на́ших.

Припев: Святии мученицы Флоре и Лавре, молите Бога о нас.

Д ревяны́я у́бо и ка́менныя бо́ги безбо́жных разори́ша, столпы́ богоразу́мныя, Флор и Лавр великоимени́тии, пою́щим себе́ возста́виша: благослове́н Бог оте́ц на́ших.

Припев: Святии мученицы Флоре и Лавре, молите Бога о нас.

С у́ще испо́лнени огня́ Боже́ственнаго, му́ченицы, Ду́ха, в пещь воврещи́ преподо́бныя мужи́ непра́ведно хотя́щия, ту́чами боже́ственных моли́тв ва́ших соблюдо́сте неврежде́ны, сла́внии.

С лава: Боля́щим исцеле́ние, оби́димым избавле́ние, бе́дствующим всем спасе́ние при́сно подаю́т Флор и Лавр, вопию́ще, му́ченицы: благослове́н Бог оте́ц на́ших.

И ныне: Я́ко ши́пок* удо́лия*, Тя в житии́, Отрокови́це, Христо́с избра́, и в Тя всели́вся, пло́тию про́йде, благово́нствуя нас богоразу́мия дохнове́нии, Всенепоро́чная, Богоро́дицу при́сно испове́дающих Тя.

Песнь 8

Ирмос: Седмери́цею пещь халде́йский мучи́тель богочести́вым неи́стовно разжже́, си́лою же лу́чшею спасе́ны, сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся ве́ки.

Припев: Святии мученицы Флоре и Лавре, молите Бога о нас.

Г лаго́лом живы́м пита́юще ду́ши, всеприснопа́мятнии, гла́дом та́ющим – спаси́тельное бра́шно*, убо́гим – промышле́ние и си́рым яви́стеся, всем дово́льствующе, и Христу́ пою́ще: о́троцы, благослови́те, свяще́нницы, воспо́йте, лю́дие, превозноси́те во вся ве́ки.

Припев: Святии мученицы Флоре и Лавре, молите Бога о нас.

О свяще́нно иму́ще житие́ и кончи́ну, вре́мя до́лго, му́дрии, скрыва́еми, от земли́ изда́стеся, па́че зари́ со́лнечныя нам возсия́вше лучи́ пресла́вных чуде́с, ве́рою пою́щим: о́троцы, благослови́те, свяще́нницы, воспо́йте, лю́дие, превозноси́те во вся ве́ки.

С лава: Два свети́льника яви́стеся мы́сленней тве́рди, Це́рковь свяще́нно украша́юще, и всю просвеща́ете све́тло тварь, при́сно чудотворе́нии страстоте́рпцы, вопию́ще: о́троцы, благослови́те, свяще́нницы, воспо́йте, лю́дие, превозноси́те во вся ве́ки.

И ныне: Святе́йши еси́ А́нгел, ро́ждши, Де́во Пресвята́я, святы́х Свята́го, за милосе́рдие бы́вша несме́сно Челове́ка, я́коже есмы́, спасти́ вопию́щия Ему́ непреста́нно: о́троцы, благослови́те, свяще́нницы, воспо́йте, лю́дие, превозноси́те во вся ве́ки.

Песнь 9

Ирмос: Ужасе́ся о сем Не́бо, и земли́ удиви́шася концы́, яко Бог яви́ся челове́ком пло́тски и чре́во Твое́ бысть простра́ннейшее Небе́с. Тем Тя, Богоро́дицу, А́нгелов и челове́к чинонача́лия велича́ют.

Припев: Святии мученицы Флоре и Лавре, молите Бога о нас.

С е у́бо, – вопия́ше дре́вле Дави́д, – что добро́, и красно́, и спаси́тельно? Но е́же я́ве боже́ственным бра́тиям вку́пе жи́ти в ду́се, подви́гшимся я́сно и побе́ду взе́мшим на диа́вола, и́хже по достоя́нию ублажа́ем.

Припев: Святии мученицы Флоре и Лавре, молите Бога о нас.

К расны́ яви́стеся о́чи честны́я Це́ркве благода́тию, и о́чи, дре́вле ослепле́ныя тьмо́ю лю́тою, и пре́жде сме́рти, святи́и, и по кончи́не свяще́нней отверзо́сте в сла́ву всех Благоде́телю, Ла́вре и Фло́ре достохва́льнии.

Припев: Святии мученицы Флоре и Лавре, молите Бога о нас.

З на́меньми явле́нными и стра́шными Христо́с гроб ваш, святи́и, и ра́ку, дре́вле я́коже прорече́, явля́ет, иде́же терпели́вая телеса́ лежа́ху свяще́нно, лучи́ исцеле́ний испуща́юще бога́тно и благово́ние достохва́льное.

С лава: Боже́ственная и светоно́сная вои́стину дво́ица, Ла́вре и Фло́ре, добропобе́днии му́ченицы, на Небесе́х всегда́ Тро́ице Вседе́тельней предстоя́ще, избавле́ние грехо́в лю́тых испроси́те ве́рою ва́шу боже́ственную па́мять на земли́ торжеству́ющим.

И ныне: Стра́шно Твое́ рождество́, Ма́ти Чи́стая, Небе́сныя бо Его́же трепе́щут чи́ни, Сло́ва Бо́жия, Челове́ка бы́вша на земли́, па́че естества́ родила́ еси́, пребы́вши Де́вою, я́коже пре́жде. Те́мже Тя, Богоро́дицу, и язы́ком, и се́рдцем испове́дающе, велича́ем.

Молитва [83]

П рехва́льнии му́ченицы Фло́ре и Ла́вре, вас не земля́ потаи́ла есть, но Не́бо прия́т вы, во е́же бы́ти вам моли́твенники и предста́тели о чту́щих с любо́вию честну́ю па́мять ва́шу. Моли́теся же за ны, трудолю́бцы незло́бивии, да подви́гнет Госпо́дь и нас, в труде́х и утесне́нии су́щих, к де́ланию за́поведей Его́, да не то́кмо о пи́щи и питии́, но и е́же ка́ко угоди́ти Го́сподеви попече́мся, споболи́те печа́лем и воздыха́нием на́шим, и да не озло́бятся до конца́ ду́ши на́ша, но да возгоря́тся любо́вию друг ко дру́гу, да пребу́дем в ми́ре и единомы́слии, я́коже и вы, самобра́тнии блаже́ннии. Наипа́че же утверди́те ны в ве́ре святе́й и пра́вей, ю́же иму́щи в сердца́х на́ших, не устраши́мся в поноше́нии и униже́нии и вся́ких обстоя́ниях, и́миже одержи́ми есмы́, но, я́ко испыта́ние си́лы ве́ры на́шея с благодаре́нием сие́ прии́мше, до́брое испове́дание соблюде́м, в не́мже и блюде́м, в не́мже и пре́йдем от юдо́ли[84]сей в ве́чное Ца́рствие Го́спода на́шего, Ему́же сла́ва и держа́ва во ве́ки веко́в. Ами́нь.

ПреподобныйАндрей Рублев [85]