Ева убо недугом преслушания клятву вселила есть: Ты же Дево Богородице, прозябением чревоношения мирови благословение процвела еси: тем Тя вси величаем

Подавают исцеления капли требующим, яко от источника преславныя Софие и Ирино, утоляют страсти болезненныя, и бесов прогоняют полки: сердца же боголюбивых напояют на благоплодие Божиих дел.

Вознесостеся, крепость на враги приимше, и ангелом уподобистеся, древа животнаго наслаждаетеся невозбранно, в раи богоневестныя, источника добрых приясте, о мире молящеся.

Память ваша жены Софие и Ирино, божественными сияющи световидными благодатьми, помышление просвещает, похваляющих вас.

Богородичен: Премудрости селение, паче ума лучши показалася еси, Дево Непорочная, одушевлен же престол и дверь: темже яко Царицу Тя жены возлюбиша, во след Тебе приведошася.

Светилен:

Видети желающе доброту Жениха всем образом, манием к Нему богоноснии Софие и Ирино, безсмертию поучистеся в мертвеннем телеси: тем достойно ублажаетеся.

Слава, и ныне: праздника.

На хвалитех стихиры праздника 3 и мучениц самогласны 3, глас 3:

Страдальческое торжество вернии, богомудренне совершаемо видяще, чудному в советех Богу нашему благодарственное песнопение воспоим:

Невидимую бо державу противныя силы в женстем естестве победи, и Божественную Свою силу в немощи совершив добромучениц: тех молитвами спасает души наша.

Истины чашу от своих кровей страдальческих, всехвальнии мученицы Христовы, София и Ирина растворивши, и сию всегда предлагающи Церкви, в нейже церковныя питомцы, мудрости гласом созывают, глаголющи: почерпите пиво Воскресения свидетельное, неверных прогонительное, и страстей чистительное, благочестивым же душам хранительно, Спасу зовуще: напоивый нас потоком сладости Духа, спаси души наша.

Иже Кровию Христовою души запечатавше в день избавления, кровь святую от мученическаго источника востекающую нам, с веселием духовным пророчески почерпем, животочных страстей Спасовых, и присносущныя славы образовательну. Темже Ему возопиим: прославляйся во святых Твоих Господи, преславных Твоих страстотерпиц молитвами спаси души наша.

Слава, глас 6:

Страдальческим шествовавши путем, всечестныя жены Софие и Ирино, мучительскаго избежали есте совета, яко евангельстии девы убо мудры, свещи носящи вошли есте во дворы Господа своего: яко мученицы мужеством, благодать прияли есте исцелити плотския страсти: но и воспевающих вас душевных болезней избавите, яже к Богу молитвами вашеми.

И ныне: праздника.

Славословие великое, тропарь мучениц слава, и ныне; праздника.

На часах тропарь праздника, слава; мучениц.

Кондаки праздника и мучениц глаголем попеременно.

На литургии Блаженна от канона праздника, песнь 5 на 4 и мучениц, песнь 6 на 4.

Прокимен, глас 7: Возносите Господа Бога нашего и покланяйтеся подножию ногу Его, яко свято есть. Стих: Господь воцарися, да гневаются людие. Прокимен, глас 4: Дивен Бог во святых Своих, Бог Израилев. Апостол дня и мучениц Апостол к Коринфянфяном, зачало 181. Аллилуиа, глас 1: Помяни сонм Твой, егоже стяжал еси исперва. Стих: Бог же Царь наш прежде века, содела спасение посреде земли. И мучениц аллилуиа, глас той же: Терпя потерпех Господа, и внят ми, и услыша молитву мою. Евангелие дня и мучениц Евангелие Марка, зачало 21. Причастен: Знаменася на нас свет Лица Твоего, Господи.

И святых: Радуйтеся праведнии о Господе, правым подабает похвала.

Аще суббота на вечерни догматик гласа. На Литургии Апостол и Евангелие субботы по Воздвижении, дня под зачало и мучениц.

Аще Неделя по Воздвижении. На Господи воззвах стихиры на 10: воскресные 3, праздника 3 и мучениц 4. Слава: мучениц. И ныне догматик гласа.

Чтения три, мученическая. На литии стихиры праздника и мучениц писаные на стиховне вечерни. Слава: мучениц. И ныне: праздника.

На стиховне стихиры воскресные. Слава: мучениц. И ныне: праздника.

По Трисвятом тропарь Богородице Дево: дважды и праздника единожды.

На Бог Господь, тропарь воскресный дважды, слава; мучениц, и ныне; праздника. Седальны по кафизмах воскресные. Полиелей. Величание мучениц. Тропари Ангельский собор. Ипакои гласа. Седальны мучениц. Степенны и прокимен гласа. Евангелие воскресное.

Канон: воскресный со ирмосом на 4, праздника на 4 и мучениц на 6. Катавасия праздника. По 3-й песни: кондак и икос праздника, кондак и икос мучениц; седален праздника. По 6-й песни: кондак и икос воскресные. По 9-й песни: ексапостиларий воскресный, слава; мучениц, и ныне; праздника.

На хвалитех стихиры на 8: воскресные 4, мучениц со славным 4. Слава; стихира евангельская. И ныне; Преблагословенная еси:

На 1-м часе тропарь воскресный. Слава; праздника. Кондак праздника.

На 3-м часе тропарь воскресный. Слава; мучениц. Кондак воскресный.

На 6-м часе тропарь воскресный. Слава; праздника. Кондак мучениц.

На 9-м часе тропарь воскресный. Слава; мучениц. Кондак праздника.

На Литургии Блаженна гласа на 4, праздника песнь 5 на 4 и мучениц песнь 6 на 4. Прокимен и аллилуиарий праздника и мучениц.

Апостол и Евангелие Недели по Воздвижении, дня под зачало и мучениц.

Причастен воскресный и мучениц.

Житие.

Святые мученицы София и Ирина пострадали в III веке в Египте. За исповедание Христа они были обезглавлены. Мощи святой Ирины были перенесены в Константинополь при императоре Константине Великом, который в честь неё устроил храм.

При составлении службы использовалась Минея общая.

Глава 20, служба общая мученице единой.

Глава 21, служба общая мученицам, двум и многим.