Русская Правда. Краткая редакция

м

/. Убьеть муж(ь) мужа, то мьстить брату брата, или сынови отца, любо отию сына, или братучаду, любо сестрину сынови; аще не будеть кто мьстя, то 40 гривен за голову; аще будеть русин, любо гридин, любо купчина, любо ябетник, любо меч­ник, аще изъгои будеть, любо словецин, то 40 гривен положи-ти за нь.

2. Или будеть кровав или синь надъражен, то не искати ему видока человеку тому; аще не будеть на нем знамений никото-раго же, то ли приидеть видок; аще ли не можеть, ту тому ко-нець; оже ли себе не можеть мьстити, то взяти ему за обиду 3 гривне, а летию мъзда.

3. Аще ли кто кого ударить батогом, любо жердью, любо пястью, или чашею, или рогом, или тылеснию, то 12 гривне; аще сего не постигнуть, то платити ему, то ту конець.

4. Аще утнеть мечем, а не вынем его, любо рукоятью, то 12 гривне за обиду.

5. Оже ли утнеть руку, и отпадеть рука любо усохнеть, то 40 гривен.

6. Аще будеть нога цела или начьнеть храмати, тогда ча­да^ смирять.

7. Аще ли перст утнеть который любо, 3 гривны за оби/

8. А во усе 12 гривне, а в бороде 12 гривне.

9. Оже ли кто вынезь мечь, а не тнеть, то тъи гривну полц-жить.

10. Аще ли ринеть мужь мужа любо от себе любо к собе,, •. " 3 гривне, а видока два выведеть; или будеть варяг или колбяг, ' то на роту.

11. Аще ли челядин съкрыется любо у варяга, любо у коль-бяга, а его за три дни не выведуть, а повнають и в третий день, то изымати ему свои челядиц,. а 3 гривне за обиду.

12. Аще кто поедеть на чюжем* коне, не прошав ег(о), то Ъо(ло)жити 3 гривне.

13. Аще поиметь кто чюжь конь, любо оружие, любо порт, а познаеть в своемь миру, то взяти ему свое, а 3 гривне за обиду.

14. Аще познаеть кто, не емлеть его, то не рци ему: мое, нъ рци ему тако: пойди на свод, где ecu взял; или не поидеть, то поручника за пять днии.

15. Аже где възыщеть на друзе проче, а он ся запирати почнеть, то ити ему на извод пред 12 человека; да аще будеть обидя не едал будеть, достойно ему свои скот, а за обиду 3 гривне.

16. Аще кто челядин пояти хощеть, познав свои, то к оному

Законодательство

Древней

Руси

вести, у кого то будеть купил, а той ся ведеть ко другому, да­же доидеть до третьего, то рци третьему: вдаи ты мне свои челядин, а ты своего скота ищи при видоце.

17. Или холоп ударить свободна мужа, а бежить в хором, а господин начнеть не дати его, то холопа пояти, да платить господин за нь 12 гривне; а за тым, где его налезуть у дареный той мужь, да бьють его.

18. А иже изломить копье, любо щит, любо порт, а начнеть хотети его деръжати у себе, то приати скота у него; а иже еСть изломил, аще ли начнеть приметати, то скотом ему заплатити, колько дал будеть на нем.

Правда уставлена руськои земли, егда ся съвокупил Изяс-лав, Всеволод, Святослав, Коснячко, Перенег, Микыфор Кыя-нин, Чюдин Микула.

19. Аще убьють огнищанина в обиду, то платити за нь 80 гривен убийцы, а людем не надобе; а в подъездном княжи 80 гривен.

20. А иж(е) убьють огнищанина в разбои, или убийца не ищуть, то вирное платити, в ней же вири голова начнеть ле-жати.

21. Аже убиють огнищанина у клети, или у коня, или у го-вяда, или у коровье татьбы, то убити в пса место; а то же по-кон и тивуницу.

22. А в княжи тивуне 80 гривен.

23. А конюх старый у стада 80 гривен, яко уставил Изяслав в своем конюсе, его ж(е) убиле Дорогобудьци.

24. А в сельском старосте княжи и в ра(та)'инем 12 гривне.

25. А в рядовници княже 5 гривен.

26. А в смерде и в хо(ло)пе¹⁹ 5 гривен.

27. Аще роба кормилица любо кормиличии, 12.

28. А за княжь конь, иже той с пятном, 3 гривне, а за смер-деи 2 гривне, за кобылу 60 резан, а за вол гривну, а за корову 40 резан, а третьякь 15 кун, а за лоньщину пол гривне, а за теля 5 резан, за яря ногата, за боран ногата.

29. А оже уведеть чюжь холоп любо робу, платити ему за обиду 12 гривне²⁰.

30. Аще же приидеть кровав мужь любо синь, то не искати ему послуха.

31. А иже крадеть любо кон(ь), любо волы, или клеть, да аще будеть един крал, то гривну и тридесят резан платити ему; или их будеть 18, то по три гривне и по 30 резан платити мужеви.

32. А в княже борти 3 гривне, любо пожгуть любо изуд-руть.

33. Или смерд умучать, а без княжа слова, за обиду 3 гривны; а в (о)гнищанине, и в тивунице, и в мечници 12 гривъне.

34. А иже межу переореть любо перетес, то за обиду 12 гривне.

35. А оже лодью украдеть, то за лодью платити 30 резан, а продажи 60 резан.

36. А в голубе и в куряти 9 кун, а в утке, и в гусе, и в же-раве, и в лебеди 30 резан; а продажи 60 резан.

37. А оже украдуть чюжь пес, любо ястреб, любо сокол, то за обиду 3 гривны.

38. Аще убьють татя на своем дворе, любо у клети, или у хлева, то той убит; аще ли до света держать, то вести его на княжь двор; а оже ли убьють, а люди будуть видели связан, то платити в немь.

39. Оже сено крадуть, то 9 кун; а в дровех 9 кун.

40. Аже украдуть овъиу, или козу, или свинью, а их будеть 10 одину овьцу украле, да положить по 60 резан' продажи; а хто изимал, тому 10 резан.

41. А от гривни мечнику куна, а в десятину 15 кун, а князю 3 гривны; а от 12 гривну емъцю 70 кун, а в десятину 2 грив­не, а князю 10 гривен.

42. А се поклон вирный: вирнику взяти 7 ведор солоду на неделю, тъж(е) овен любо полот, или две ногате; а в сред(у) резану въже сыры, в пятницу тако же; а хлеба по кольку мо-гуть ясти, и пилена; а кур по двое на день; коне 4 поставити и сути им на рот, колько могут зобати; а вирнику 60 гривен и 10 резан и 12 веверици, а переде гривна; или ся пригоди в говение р(ы)бами, то взяти за рыбы 7 резан; тъ всех кун 15 кун на неделю, а борошна колько могуть изъясти; до недели же виру (сберу)ть вирници; то ти урок Ярославль.

43. А се урок мостьников: аще помостивше мост, взяти от дела ногата, а от городници ногата; аще же будеть ветхаго моста подтвердити неколико доек, или 3, или 4, или 5, то тое же.

Русская Правда. Краткая редакция

РАЗНОЧТЕНИЯ

В Арх. списке — 2 гривне.

В Арх. списке — чадь. 19

В Арх. списке — А в смердь и в хо(ло)пе.

КОММЕНТАРИЙ Статья 1

Допущение кровной мести в Правде Ярослава говорит о влиянии на этот закон обычного права. Ко времени составле­ния Правды Ярослава кровная месть во многом потеряла свой первоначальный характер. Прежде всего это выражается в ог­раничении круга возможных мстителей, что связано с превра­щением родовой общины в соседскую, распадом кровно-родст­венных связей. Правда Ярослава, по-видимому, зафиксировала уже сложившуюся практику.

В литературе высказываются различные мнения по вопросу о том, был ли перечисленный в статье круг родственников ис­черпывающим или нет. В. И. Сергеевич отстаивал точку зрения о том, что в статье приводится примерный перечень мстителей.

Date: 2015-09-05; view: 407; Нарушение авторских прав