Сабақтың типі: Дәстүрлі

Сабақ жоспары:

І Ұйымдастыру бөлімі.(1-2мин)

А) Амандасу.

Ә) Психологиялық даярлық.

Б)Сабаққа даярлау.

ІІ Негізгі бөлім.

1.Білім, дағды, іскерлік тексеру.(12 мин)

А) Сұрақ- жауап.

2.Жаңа білім негіздерін игерту, іскерлік пен дағдыны қалыптастыру.(23мин)

А)Кіріспе әңгіме

Ә)Түсіндірме әңгіме

Б)Көрнекіліктермен жұмыс

В)Оқулықпен жұмыс

3.Дәптермен жұмыс, сұрақ-жауап

ІІІ Қорытындылау кезеңі.(4мин)

А) Бағалау.

Ә) Үйге тапсырма беру.

Сабақтың барысы:

Сәлеметсіңдер ме балалар! Менің аты-жөнім Қалиева Еркежан Ерланқызы. Мен бүгін сендерге дүниетану пәнінен сабақ беремін.

Психологиялық дайындық

Пайдамыз тиіп Отанға,

Риза болсын халқымыз.

«5» болсын алар бағамыз,

Біліммен бақыт табамыз. (өлеңді жатқа айту)

Ал енді балалар жаңа тақырыпты бастамас бұрын үй жұмысын тексеріп алайық. Үйге не берілді? Бәріміз дайындалып келдік пе? Олай болса мына сұрақтарға жауап беріп көрейік

v Суықты, ыстықты біз қандай сезім мүшесі арқылы ажыратамыз?

v Жұмсақ пен қаттыны біз қандай сезім мүшесі арқылы ажыратамыз?

v Тері дегеніміз не?

v Терінің маңызы қандай?

Балалар, сендер үй жұмысына жақсы дайындалып келіпсіңдер. Енді балалар бүгін өтетін тақырыбымыз Табиғат. Табиғат құбыластары. Ауа райы

Аспан, ай, күн, жұлдыз, тау, тас, өзен, көл, өсімдік, аң, құс, адам- осылардың барлығы табиғатты құрайды. Бұлар табиғи денелер. Оларды қолдан жасамаған. Өсімдік, жануар және адам- табиғаттағы тірі денелері. Қалғандары тас, құм, су, топырақ және тағыда басқалары – табиғаттағы өлі денелер.

v Балалар табиғатта қанша жыл мезгілі бар? Қандай?

v Әр жыл мезгілінің өзіне тән қандай құбылыстары бар?

Ал жел, жауын-шашын(қар, жаңбыр, бұршақ, шық, қырау), боран,қардың еруі,судың тасуы – табиғат құбылыстары.

Ал кітап, глобус, көлік, киім-табиғаттікі емес, адам қолымен жасалған. Сондықтан ондай заттарды жасанды денелер дейді.

Айналадағы дүниеде адам қолымен жасалатын құбылыстар да көп. Мысалы,пешке от жақсақ үй жылынады, электр шамы жанса,жарық болады. Трамвай, машина сияқты көліктер орын ауыстырып қозғалады. Оның барлығы адам еңбегімен жасалатындықтан, оларды жасанды құбылыстар дейді.

Табиғатта ауа райы үздіксіз өзгеріп тұрады. Ауа райы ыстық, жылы, суық болуы мүмкін. Ауа райының мұндай жай-күйін ауаның температурасы дейді. Ауа температурасын термометрмен өлшейді. Бұл құралдың түтікшесінің ішінде сынап бар. Сынап (суретте қызыл түспен берілген) жылылық пен суықтықты анықтайды. Күн суық (аяз) болса түтікшедегі сынап бағанасы нөлден төмен түседі. Күн жылынса, сынап бағанасы нөлден жоғары көтеріледі. Сынап бағанасы қай жерге тоқтаса, сонша градус жылы не суық болғаны.

Жылы мен суықтың аралығы - 0°. Кішкентай дөңгелекше "° -градус" дегенді білдіреді.

Жылылықты көрсететін санның алдына "+" суыққа "—" таңбаларын қояды. Ауа райы төмендегі шартты белгілермен беріледі:

Аспан ашық - О

Аспан ала бұлтты - О

Аспан тұтас бұлтты - О

Жаңбыр -::

Қар аралас жаңбыр -::/*

Қар - *

Тұман - ==

Су бетіндегі қабыршақ мұз -

Қалың мұз - ^