РЕЦЕНЗИЯ. дисциплиныБашкирский язык

Рабочая программа

дисциплины Башкирский язык

для специальности 050704 – Дошкольное образование

Сибай 2010

Автор: Каримова Г.И.,

преподаватель башкирского языка и литературы

Рецензенты: Шакирова Г.М.,

преподаватель башкирского языка и литературы

РЕЦЕНЗИЯ

Башҡорт теле буйынса төҙөлгән эш программаһы мәктәпкәсә йәштәге балалар тәрбиәләү уҡытыусылары әҙерләүсе төркөм студенттарына тәғәйенләнгән.

Программа түбәндәге документтарҙы күҙ уңында тотоп төҙөлгән:

- Башҡортостан Республикаһы халыҡтары телдәре тураһында Башҡортостан

закондары;

- Башҡортостан Республикаһының «Мәғариф тураһындағы закон»ы;

- Башҡортостан Республикаһы мәғарифын үҫтереү Программаһы.

Башҡорт теленән эш программаһында төп бүлектәрҙе өйрәнеүгә сәғәттәр һаны айырып күрһәтелгән тематик пландың бирелеүе календарь-тематик план төҙөү өсөн уңайлы методик ҡулланма булып тора, уҡытыусыға ижади эшләргә шарттар тыуҙыра.

Программа башҡорт теленән булған барлыҡ эштәрҙең йөкмәткеһен һәм уның йүнәлештәрен үҙ эсенә алған, студенттарға башҡорт теленә ҡыҙыҡһыныу, Ватанға тоғролоҡ, һөйөү, ата-әсәгә, башҡорт халҡының быуаттар буйына формалашҡан тормош ҡағиҙәләренә хөрмәт тәрбиәләүгә мөмкинселек бирә.

Аңлатма яҙыуҙа программаның маҡсат, бурыстары асыҡ билдәләнгән,

материалдың бирелеше дөйөм дидактик принциптарға яуап бирә, уҡытыуҙа уңышҡа өлгәшергә булышлыҡ итеүсе метод, алым, саралар күрһәтелгән.

Белем йөкмәткеһенең мотлаҡ минимумы кимәле күрһәтелгән, уларҙы

булдырыу өсөн практик эш төрҙәре һайланған, студенттарҙың ижади һәләттәрен үҫтерерҙәй эштәргә ҙур иғтибар бүленгән.

Буласаҡ мәктәпкәсә йәштәге балалар тәрбиәләү уҡытыусыларына лексика менән эш итеү күнекмәһе биреү, һүҙ байлығын арттырыу өсөн эш төрҙәре етерлек алынған, һәм улар квалификациялы белгес әҙерләүҙә булышлыҡ итә.

Эш программаһы Сибай педагогия колледжы уҡытыусыларының башҡорт теле һәм әҙәбиәте ПЦК-һы тарафынан раҫланды.

Рецензент: _____________ Әхмәтова Т.М.

БДУ Сибай институтының

башҡорт теле һәм әҙәбиәте уҡытыусыһы