Тақырыбы: Міндетті Техникалық қарап – тексеруді өткізу тәртібі.

Көлік құралдарын қарап тексеру бақылау диагностикалық жабдығын қолданумен жүзеге асырылады, оның құрамында:

1. жол сынақтары әдісімен тежегіш жүйелерін тексеруге арналған аспап;

2. люфтометр;

3. газталдағыш және түтінөлшегіш;

4. жарық фараларын тексеретін электрондық аспап кіреді.

Ақаулы және (немесе) белгіленген мерзімде тексеруден өтпеген бақылау – диагностикалау жабдығын пайдалануға жол берілмейді.

Қарап – тексеру екі кезеңде өткізіледі: дайындық және негізгі.

Қарап – тексеруді өткізудің дайындық кезеңі барысында:

1. көлік құралдарының маркасы, модельі және модификациясы белгіленеді;

2. көлік құралдарының түсі белгіленеді;

3. МТБН-ның болуы тексеріледі;

4. көлік құралдарының құрылымына енгізілген өзгерістердің болуы белгіленеді;

5. алынған нәтижелер көлік құралдарын мемлекеттік тіркеу туралы куәліктің деректерімен салыстырылады.

Қарап – тексеруді өткізудің негізгі кезеңі – көлік құралының техникалық жай күйін диагностикалау көлік құралының жиынтықтығын, пайдалану қауіпсіздігінің жекелеген қасиеттерінсипаттайтын параметрлердің шекті мәндерін, жұмыс істеу қабілеті көрсеткіштерінің шекті ықтимал нашарлауын сипаттайтын пайдалануға жол берілетін жекелеген құрамдастардың тозуларына (бүлінуіне) шектеулерді, көлік құралы конструкциясын өзгертудің жол берілетін шектерін шектеуді тексеруді қамтиды, оның ішінде:

1. Тежегіш басқаруда:

· Жұмыс тежегіш жүйесін пайдалану сипаттамасын және жұмыс істеу тиімділігін;

· Қосалқы тежегіш жүйесін пайдалану сипаттамасын және жұмыс істеу тиімділігін;

· Тұрақты тежегіш жүйесінің пайдалану сипаттамасын және жұмыс істеу тиімділігін;

· Бұғаттауға қарсы тежеу жүйесінің жұмыс істеуін;

2. рульді басқаруда:

· руль тетігінің және оны бекітетін картердің, руль жетегінің, руль дөңгелегінің және руль колонкасының механикалық жай күйі мен жұмыс істеуін;

· жалпы люфті;

· дөңгелектерді орнату бұрыштарын реттеу.

3. көру:

· көру аясы;

· әйнектердің жай күйі;

· артқы көру айнасы және аспаптар;

· әйнек тазалағыштар;

· әйнек жуғыштар.

4. сыртқы жарық аспаптарының, көзді шағыстырғыштар мен электр жабдығының саны, орналасуы, түстері, көру бұрыштары, жай-күйі, жұмыс істеуі және сипаттамалары:

· фаралар

· алдыңғы және артқы габариттік (бүйір) оттары, бүйір сигналдық шамдары;

· тежеу сигналдары;

· бұрылу көрсеткіштері;

· алдыңғы және артқы тұманға қарсы фаралары;

· арқы жүріс шамдары;

· артқы нөмірлік белгінің жарық беру шамдары;

· бақылау сингалдары;

· электр сымдары;

· аккумулятор;

5. біліктер, дөңгелектер, шиналар мен аспалар;

6. өзгеде жабдықтың:

· қауіпсіздік белдіктерінің;

· өрт сөндіру құралдарының

· құлыптар мен айдап әкетуге қарсы құрылғы;

· авариялық тоқтау белгілері;

· алғашқы медициналық көмек көрсетуге арналған дәрі-дәрмек қобдишасы;

· спидометрдің;

· жылдамдықты шектеуге арналған құрылғының болуы, жай-күйі және жұмыс істеуі;

Қарап – тексеруді өткізудің негізгі кезеңі көлік құралының қандай да бір бөлігін бөлшектеусіз немесе алып тастаусыз орындалады.

Белгіленген мерзімде техникалық қарап тескруге ұсынылмаған көлік құралдары қарап тексеруден өтпеген болып саналады және оларды пайдалануға тыйым салынады.

ТБК А.Давлетбаева