Полезное:
Как сделать разговор полезным и приятным
Как сделать объемную звезду своими руками
Как сделать то, что делать не хочется?
Как сделать погремушку
Как сделать так чтобы женщины сами знакомились с вами
Как сделать идею коммерческой
Как сделать хорошую растяжку ног?
Как сделать наш разум здоровым?
Как сделать, чтобы люди обманывали меньше
Вопрос 4. Как сделать так, чтобы вас уважали и ценили?
Как сделать лучше себе и другим людям
Как сделать свидание интересным?
Категории:
АрхитектураАстрономияБиологияГеографияГеологияИнформатикаИскусствоИсторияКулинарияКультураМаркетингМатематикаМедицинаМенеджментОхрана трудаПравоПроизводствоПсихологияРелигияСоциологияСпортТехникаФизикаФилософияХимияЭкологияЭкономикаЭлектроника
|
Тэма 20. Мука Езуса ХрыстаДыдактычная мэта: пазнаёміць вучняў з біблійнай гісторыяй пра муку Езуса Хрыста; дапамагчы вучням зразумець, што Езус Хрыстус дзеля нас і нашага збаўлення цярпеў пакуты і смерць на крыжы. Выхаваўчая мэта: фарміраваць у вучняў пачуццё ўдзячнасці Езусу за дар збаўлення, за тое, што Ён пакутаваў і памёр дзеля нашага збаўлення; дапамагчы вучням прыняць Езуса як Збаўцу.
Матэрыялы: Біблія: Мц 26, 36–56; Мц 26, 57–75; Мц 27, 11–26; Мк 15, 16–47. Ілюстрацыя: «Мука Хрыста», надпісы да ілюстрацыі: «Ойча Мой, калі гэта магчыма, няхай абміне гэты келіх Мяне. Аднак, не як Я хачу, але як Ты» (Мц 26, 39); «Тады пачалі пляваць Яму ў твар і біць кулакамі, а іншыя білі па шчоках» (Мц 26, 67); «Божа Мой, Божа Мой, чаму Ты Мяне пакінуў?» (Мк 15, 34); «Праўдзіва, Чалавек гэты быў Сынам Божым» (Мк 15, 39). Фрагмент з фільма пра муку Хрыста. Карткі з назвамі стацый Крыжовага шляху (пажадана з ілюстрацыямі). Касцюмы і музыка. Метады катэхезы: малітва, аналіз біблійнага тэксту, медытацыя над абразом, завучванне ключавога верша на памяць, слуханне аўдыёзапісу Бібліі, прагляд фрагмента з фільма, дыялог, праца з біблійным тэкстам (вылучэнне фрагментаў тэксту рознымі колерамі), праца ў групах, пісьмовая праца на аснове тэксту, творчая майстэрня — пантаміма стацый Крыжовага шляху, спеў. Ход занятку Малітва Спеў: Ты за нас цярпеў ад ранаў, Езу Хрыстэ, змілуйся над намі! Маці Божая Балесная, заступіся за нас! Праверка хатняга задання Катэхет прапаноўвае вучням падзяліцца інтэнцыямі, у якіх яны прынялі ў нядзелю святую Камунію. Пры паўтарэнні хатняга задання можна карыстацца крыжаванкамі, змешчанымі ў канцы сшытка (крыжаванка № 19). Катэхет уводзіць вучняў у новую тэму. Чалавек пытаецца Катэхет дае вучням магчымасць праглядзець урывак з фільма, у якім хтосьці ахвяруе сваім жыццём за іншага (напрыклад, фрагмент з «Тытаніка»: хлопец — у халодным акіяне, яго каханая — на ільдзіне, і ён кажа ёй: «Пакляніся мне, што будзеш жыць…»). Катэхет задае вучням пытанне: — Чаму … (імя персанажа з фільма, які ахвяраваў сваім жыццём дзеля іншага) выратаваў … (імя выратаванага персанажа)? Бог адказвае Бог любіць нас мацней, чым...... (імя персанажа з фільма, які ахвяраваў сваім жыццём дзеля іншага, а таксама выратаванага персанажа). Бог паслаў свайго Сына, каб збавіць нас ад нашых грахоў. Для многіх гэтая праўда застаецца вялікаю таямніцаю, у якую мы верым. Кожную нядзелю, вызнаючы нашу веру, мы кажам: «Веру … ў Езуса Хрыста, Пана нашага, які быў зачаты ад Духа Святога, нарадзіўся з Дзевы Марыі, укрыжаваны, памёр і быў пахаваны...». Смерць Езуса мае падвойнае значэнне: 1. Яна паказвае вялікую любоў Бога да чалавека. 2. Яна была ахвяраю за нашыя грахі. Сёння мы з вамі паглыбімся ў таямніцу мукі Хрыста. Катэхет вешае на дошку ілюстрацыю: «Мука Хрыста», а таксама надпісы да ілюстрацыі: «Ойча Мой, калі гэта магчыма, няхай абміне гэты келіх Мяне. Аднак, не як Я хачу, але як Ты» (Мц 26, 39); «Тады пачалі пляваць Яму ў твар і біць кулакамі, а іншыя білі па шчоках» (Мц 26, 67); «Божа Мой, Божа Мой, чаму Ты Мяне пакінуў?» (Мк 15, 34); «Праўдзіва, Чалавек гэты быў Сынам Божым» (Мк 15, 39). Катэхет прапаноўвае вучням паслухаць фрагменты з аўдыёзапісу Бібліі: Мц 26, 36–56; Мц 26, 57–75; Мц 27, 11–26; Мк 15, 16–47. Затым вучням даецца магчымасць прагледзець фрагмент з фільма пра муку Хрыста. Катэхет дзеліць вучняў на 3 групы.
І група Вучні атрымліваюць карткі з фрагментам Святога Евангелля паводле Мацвея (26, 36–56). Чырвоным колерам падкрэсліце словы і дзеянні Езуса, сінім колерам падкрэсліце тое, што гаварылі людзі і як яны паводзілі сябе з Езусам (у сшытку заданне № 1). Адкажыце на пытанні: ¾ Дзе Езус маліўся? ¾ Чаго Езус баяўся? ¾ Як Езус пераадольваў свой страх? ¾ Што Ён казаў свайму Айцу? ¾ Што ў гэты час рабілі вучні? ¾ Хто чуваў разам з Езусам? ¾ Што мы павінны рабіць для таго, каб стойка і годна пераносіць пакуты? ¾ Якім знакам Юда выдаў Езуса жаўнерам? ¾ Што Езус сказаў Юдзе? ¾ Які цуд зрабіў Езус у Аліўным садзе? ¾ Што Езус сказаў Пятру, калі той узяў у рукі меч? ¾ Чаму вас навучыў Езус у Аліўным садзе?
ІІ група: Вучні атрымліваюць карткі з фрагментам Святога Евангелля паводле Мацвея (26, 57–75; 27, 11–26). Чырвоным колерам падкрэсліце словы і дзеянні Езуса, сінім колерам падкрэсліце тое, што гаварылі людзі і як яны паводзілі сябе з Езусам. Адкажыце на пытанні: ¾ Якое абвінавачанне ілжэсведкі прад’явілі супраць Езуса? ¾ Якая была рэакцыя Езуса на абвінавачванні? ¾ Якое пытанне задаў першасвятар Езусу? ¾ Што Езус яму адказаў? ¾ Чаму першасвятар разадраў вопратку на сабе? ¾ Які прысуд вынеслі Езусу? ¾ Чаму Пётр адрокся ад Езуса? ¾ Ці пакаяўся Пётр? У чым гэта выявілася? ¾ Як Езус паводзіў сябе на судзе ў Пілата? ¾ Хто падбухторваў народ адпусціць Барабу? ¾ Што з Езусам зрабілі перад тым, як укрыжавалі Яго? ¾ Чаму вы навучыліся ад Езуса, даведаўшыся пра тое, што адбывалася з Ім на судзе Сінэдрыёну і на судзе Пілата?
ІІІ група: Вучні атрымліваюць карткі з фрагментам Святога Евангелля паводле Марка (15, 16–47). Чырвоным колерам падкрэсліце словы і дзеянні Езуса, сінім колерам падкрэсліце тое, што гаварылі людзі і як яны паводзілі сябе з Езусам. Адкажыце на пытанні: ¾ Як воіны ў прэторыі адносіліся да Езуса? ¾ Якая была рэакцыя Езуса? ¾ Чаму Езус пакутаваў? ¾ Каго Езус сустрэў на Крыжовым шляху? ¾ У якім надпісе была акрэслена віна Езуса? ¾ Хто стаяў пад крыжам Езуса? ¾ У які дзень Езус памёр на крыжы? ¾ Якія прыродныя з’явы суправаджалі смерць Езуса? ¾ Што сказаў сотнік, калі ўбачыў смерць Езуса? ¾ Ад чаго Езус нас збавіў? ¾ Хто заняўся пахаваннем Езуса? ¾ Што Езус паказаў нам сваёй смерцю на крыжы?
Катэхет прапаноўвае вучням зрабіць пісьмовае заданне ў сшытку: Карыстаючыся біблійнымі тэкстамі (Мц 26, 36–56; Мц 26, 57–75; Мц 27, 11–26; Мк 15, 16–47) выпішы ў храналагічным парадку падзеі, звязаныя з мукаю і смерцю Езуса Хрыста (у сшытку заданне № 2).
|