Главная Случайная страница


Полезное:

Как сделать разговор полезным и приятным Как сделать объемную звезду своими руками Как сделать то, что делать не хочется? Как сделать погремушку Как сделать так чтобы женщины сами знакомились с вами Как сделать идею коммерческой Как сделать хорошую растяжку ног? Как сделать наш разум здоровым? Как сделать, чтобы люди обманывали меньше Вопрос 4. Как сделать так, чтобы вас уважали и ценили? Как сделать лучше себе и другим людям Как сделать свидание интересным?


Категории:

АрхитектураАстрономияБиологияГеографияГеологияИнформатикаИскусствоИсторияКулинарияКультураМаркетингМатематикаМедицинаМенеджментОхрана трудаПравоПроизводствоПсихологияРелигияСоциологияСпортТехникаФизикаФилософияХимияЭкологияЭкономикаЭлектроника






Глава 2. Сiйö лунъясö Римын ыджыдалысь Август кесар тшöктiс гижавны ас мусьыс став йöзсö





Сiйö лунъясö Римын ыджыдалысь Август кесар тшöктiс гижавны ас мусьыс став йöзсö. 2 Тайö медводдза гижалöмыс вöлi Сирияын Квириний ыджыдалан кадö. 3 Быдöн мунiс гижасьны аслас чужан карö. 4 Öсип вöлi Давид чужанвужйысь. Та вöсна аслас Мария гöтырпукöд, кодi вöлi нöбасьö, сiйö мунiс гижасьнысö Галилеяса Назарет карысь Юдея муö, Виплием нима Давид карö. 6 Виплиемö воöм мысти Мариялы воис кад чужтыны. 7 Сiйö чужтiс Пи, ассьыс медводдза кагасö. Рузумö гартыштöмöн Мария пуктiс кагасö лясниö, öд туйморт керкаын налы узянiныс эз сюр. 8 Сэнi матiгöгöрас вöлiны ыж видзысьяс. Войнас найö видзисны ыжъяснысö видз вылын. 9 Виччысьтöг на водзö сувтiс Господьлöн андел. Господьлöн дзирдлуныс югзьöдiс ыж видзысьясöс, да найö ёна повзисны. 10 Андел шуис налы: «Энö полöй! Ме висьтала тiянлы нимкодьсьыс-нимкодь юöр, тайö ваяс ыджыд долыдлун став войтырлы. 11 Талун Давид карын тiянлы чужис Мездысь – Господь Кристос. 12 Лясниысь тi аддзанныд рузумö гартыштöм кагаöс – тайö лоö тiянлы пасöн». 13 Виччысьтöг анделкöд орччöн тыдовтчис лыдтöм-тшöттöм андел чукöр. Найö ошкисны Енмöс: 14 – Ошкöм Медвылысса Енлы! Му вылын лöнь олöм, йöз костын бур кöсйöм! 15 Анделъяслöн енэжö кайöм бöрын ыж видзысьяс шуисны öта-мöдныслы: «Мунамöй Виплиемö, видзöдлам Господьсянь миянлы юöртöм лоöмторсö». 16 Найö тэрмасьöмöн мунiсны сэтчö да аддзисны сэтысь Марияöс, Öсипöс да лясниын куйлысь кагаöс. 17 Сэсся висьталiсны кага йылысь кывлöмторсö. 18 Кывзысьясöс шензьöдiс ыж видзысьяслöн висьталöмыс. 19 Мария видзис тайö висьталöмсö сьöлöмас да мöвпалiс та йылысь. 20 Ыж видзысьяс бöр мунiсны Енмöс ошкöмöн да аттьöалöмöн ставсьыс, мый кывлiсны да аддзылiсны. Ставыс лои анделлöн висьталöм серти. 21 Кöкъямыс лун мысти воис кад вундыштны кагаöс. Сылы сетiсны Исус ним, öд Мариялöн нöбасьтöдз на тадзи нимтiс Сiйöс андел. 22 Мöисей Индöд серти сöстöммöдчан лунö Исусöс вайисны Ерусалимö Господь водзö. 23 Öд Господьлöн Индöд серти медводдза чужысьöс, пи кагаöс, колö вöлi сины Господьлы. 24 Господьлöн Индöд серти нöшта колö вöлi вайны вись: кык гулюöс, абу кö, кык гулюпиöс. 25 Сэки Ерусалимын вöлi Симеон нима вежавидзысь морт. Сiйö олiс веськыда да виччысис Израильöс мездöм. Вежа Лов вöлi сы вылын. 26 Вежа Лов водзвыв висьтавлiс сылы, Господьлысь Кристосöс аддзывтöдз пö он кув. 27 Вежа Лов нуöдöмöн Симеон локтiс крамö. Кор Исуслöн бать-мамыс пыртiсны сэтчö кагасö, медым ставсö вöчны Индöд серти, 28 Симеон босьтiс Сiйöс киас да Енмöс ошкигтырйи шуис: 29 – Ыджыдöй, Аслад шуöмыд серти öнi лэдзан Ассьыд кесйöгтö лöня мунны. 30 Аслам синмöн аддзылi став йöзлы Тэнсьыд дасьтöм мездöмтö: 32 ентöдтöмъяслы вайöм югыдтö, Тэнад Израиль войтырлы восьтöм дзирдлунтö. 33 Кага йылысь висьталöмыс шензьöдiс Сылысь мамсö да Öсипöс. 34 Симеон бурсиис найöс да шуис Мариялы, Исус мамлы: «Тайö кагаыс понда Израильын унаöн усясны да унаöн сувтасны. Сiйö – Енсянь индысьпас. Унаöн кутасны мунны Сылы паныд, 35 и тадзи воссясны налöн гуся мöвпъясыс. Тэнсьыд сьöлöмтö шогыс шыпуртöн моз бытшкас». 36 Сэнi вöлi Анна нима пророк, Фануил ныв, Асир чужанкотырысь. Тайö пöрысь аньыс ныв кадсяньыс сизим во олöма верöсыскöд, 37 сэсся кöкъямысдас нёль арöсöдз олöма дöваöн. Сiйö эз петавлы крамысь, видзалöмöн-кевмысьöмöн кесъялiс Енлы лун и вой. 38 Буретш тайö кадö Анна матыстчис, пондiс ошкыны Енмöс да висьтавлыны кага йылысь ставныслы, Ерусалимын мездмöмсö виччысьысьяслы. 39 Господьлöн Индöд серти ставсö вöчöм бöрын Öсип да Мария бöр мунiсны Галилеяö, асланыс Назарет карö. 40 Кага быдмис, ловнас вынсялiс, Сылöн мывкыдлуныс содiс. Енлöн бурсиöмыс вöлi Сы вылын. 41 Быд во Ыджыд лун кежлö Исуслöн бать-мамыс ветлiсны Ерусалимö. 42 Исуслы дас кык арöс тырöм бöрын найö мукöд воясö моз бара мунiсны сэтчö. 43 Ыджыд лун бöрын Öсип да Исуслöн мамыс бöр мöдöдчисны гортаныс. Зонка кольччис Ерусалимö. Та йылысь найö эз тöдны, 44 чайтiсны, мый Сiйö мунö мукöдыскöд. Лунтыр мунöм бöрын пондiсны корсьны Исусöс рöдвуж да тöдсаяс пöвстысь, 45 но эз аддзыны. Сэки бöр косiсны Ерусалимö корсьны Сiйöс. 46 Куим лун мысти найö аддзисны Исусöс крамысь. Сiйö пукалiс велöдысьяс пöвстын, кывзiс-юасис найöс. 47 Сылöн мывкыдлуныс да вочавидзöмъясыс шензьöдiсны кывзысьясöс. 48 Исусöс аддзöм бöрын бать-мамыс чуймисны. Мамыс шуис Сылы: «Пиöй, мыйла нö Тэ тадзи вöчин? Ми батьыдкöд сьöлöм потмöн корсим Тэнö». 49 Сiйö шуис налы: «Мыйла тi корсинныд Менö? Энö öмöй тöдöй, мый Меным колö лоны Бать керкаын?» 50 Но Сылысь кывъяссö найö эз гöгöрвоны. 51 Исус бöр локтiс бать-мамыскöд Назаретö да быдторйын кывзысис налысь. Сылöн мамыс ставсö тайöс видзис сьöлöмас. 52 Исус сöвмис, мывкыдлуныс содiс. Сiйö вöлi муса Енмыслы, и йöзыс бурö пуктiсны

Date: 2015-12-13; view: 377; Нарушение авторских прав; Помощь в написании работы --> СЮДА...



mydocx.ru - 2015-2024 year. (0.005 sec.) Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав - Пожаловаться на публикацию