Мати Милосерда

Мати Милосерда, Ты еси ограда
от лютого врага злаго
храниши мя всегда.

Он лютый рыкает, бедна мя хищает,
скоро, скоро Твоя помошь
от того избавляет.

На всякий час зову, в немощи воззову,
воплем крепким Тебе Тебе,
Чиста Дево молю.

Не вем аз кончины дня того годины
к Тебе к Тебе, всех Царице,
Очи мои выну.

Прошу Тя всещедре Мати Милосерде
глас услыши, плач мой внуши,
молю Тя Прещедре.

Руце да воздену ко Твоему Сыну,
Мати, Мати Преблагая,
Ходатайствуй к Нему.

Тебе Дево молю, воплем крепким зову
душу сердцем в воздыханьи
преклоняю главу.

Тебе поют горы, архангел соборы
херувими, серафими,
господства с престольми.

Тебе властей лики, горнейших сил полки
и начала со ангелы
хвалят Тя во веки.

О коль есть их сильна, песнь Ты их умильна
всех Цариц Владычице,
слава их премирна.

О Царице Вечна, о Слава Превечна
Тебе хвалят Тебе славят,
Хвальна буди вечно.

Вси небеснии дуси, превышних сил крузи
гласно поют сладко зовут,
поклон вечный дают.

И от земных Тебе буди поклон в небе
в скорбех, бедах и напастех
утекают к Тебе.

Моли о нас Слова, Мати бо Христова
о, Царице, Владычице
в помощь нам готова.

В горнем царьстве живешь,
вечны дары даешь
бедных скорбных,
обидимых во утеху ведешь.

Аз скорбный молю, главу к Тебе клоню
всегда, всегда, Госпоже всех
благость Твою хвалю.

В слезном часе моем
покрый кровом Твоим
Щит помощи и ограда
Верным рабом Твоим.

Егда ми кончина будет ми причина
еще лета и годины
проси ми у Сына.

Приклони ми уши, болезнь мою внуши
скорбный слезный глас плачевный
скоро ми услыши.

Где ся аз подену, кто поможет бедну
зельно зельно сердцем болю
от грехов ми вредну.

Несть вечнаго в свете аки в полном цвете
лишезграда и ограда,
ох прелестный свете.

Подобно есть горю, бурнейшему морю
корабль носит и преносит
волнами по нему.

Ни глубинам того, а ни пескам сего
мои мои грехи мнози
в бездну влекут всего.

Горько в сием свете,
пристанища несть зде
Волны злобны житейстии
Погружают везде.

Зело враг прельщает, злобный он хищает
не даждь не даждь мене тому
да мя не прелщает.

Злобы лук напряже ыда стрелу разже
в мое сердце и утробу
жало греха вонзе.

От челюсти того, из гортани его
исхити мя и спаси мя,
ей раба Твоего.

Моли о мне Сына, о, Мати Предивна
украшена вечно в солнце
и во святых дивна.

Вечный поклон Тебе от всех святых в небе
аз земный непотребный
прошу Тебе в помощь.

Призри Своим оком в небеси широком
Вечно живешь и царствуешь
Во веки веком. Аминь.

НЕ УНЫВАЙ, НЕ УНЫВАЙ, ДУШЕ МОЯ
Уповай, уповай на Господа
Я твоя овча заблудшая
От твоего стада отставшая
Ты кого пошлешь хоронить меня
Или Ангела-Хранителя
Или сам сойдешь, Владыко мой?
Ангеле-Хранителю,
Научи меня в любви твоей
Сохрани меня в любви твоей

Date: 2015-05-22; view: 735; Нарушение авторских прав