Городовиков Ока Иванович

(1879 -1960 љљ.)

Сальск округин Платовск станцин Чиигті Эльмт күүтрт хальмгин өрк-бүлд 1879-ч җилин єаха сарин 30-д Ока Иванович Городовиков төрсмн. Бичкнәсн авн бәәрн байнд заргдад, кесг түрү-зүдү эн үзсмн.

1903-ч җилд Польшин Янов балһснд бәәршҗәсн Тенгә хазгудын 9-ч полкд Окаг церглүлсмн.Әәрмд церглһнә кем Городовиковин серлд темдгтә нег девсңгнь болснь лавта. Түрүн орс революц орлцсн әмтиг цань уга күнд цаагула харһулһсн баһ наста хальмг-хасгиг икәр үүмүлв. «Үнн гисн юмн альд бәәхмб?», «Көдлмшнчр юуһан некәд буцад бәәдв?». Эн болн талдан чигн зүсн сурврмуд Окаг амраҗасн уга, Платоновскд драгунск унтер-офицер Семен Буденнла таньлдһн, хөөнь терүнлә батар иньгллһн тер сурвурмудын хәрүг олҗ авхд туслсмн. Хаана даҗрлһна өмнәс көөгдҗәсн подпольн ноолданд орлцад, Городовиков листовкс тархана. Фронтас хәрҗ ирхләрн Семен Буденнла хамдан улан партизанмудын отрядмуд Тенгә областьд эн бүрдәв. Улан мөрн цергин дәәч дамшлтнь цаг ирвәс өөрдәд ирв. Терүнлә дегц Ока Иванович Городовиков дәәч билгнь чигн өдр ирвәс улм тодрхаһар медгдәд бәәв. Нер туурсн I-ч Мөрн цергә Әәрмин эскадрон, полк, бригад, дивизь эн һардҗ йовсмн. Мөрн церг 4-ч дивизин командир болхдан Ока Иванович Городовиков залу-зөрмгән, тактическ болвсртан болн дәәч өөдән Әәрмдән үзүлҗ чадв.

1920-1921-ч җилмүдт Чонгарск мөрн цергә 6-ч дивизиг толһалад О. И. Городовиков Украинд болн Ар Кавказд, Махнон, Джамтемиров зәәсңгин бандсин болн Советин йосна талдан чигн хортдын өмнәс зөртәһәр ноолдҗ йовла. Червонн казачествин корпусин командир Дунд Азин Цергә округин командующин дарук, Улан Әәрмин Мөрг цергин генерал-инспектор.

1930-ч җил М. В. Фрунзе нертә Цергтә Академин онц чинртә факультет эн төгсәв. 1935-ч җилин єаха сард итальянск әәрмин маневрмудт советск цергә делегац эн һардҗ одла. Дәәнә өмнк җилмүдт О. И. Городовиковин энүнә «Рождение Первой Конной», «В боях и походах», «Поход через страну смерти» дегтрмүд барас һарв. Ока Иванович Городовиковин дәәч-бүрдәмҗин билг-эрдмнь Төрскн харсгч Алдр дәәнә җилмүдт тодрха кевәр шинәс үзгдв. Эврәннь байн дамшлтан, военачальникин билгән мөрн цергтә корпусмуд болн дивизьмуд бүрдәлһнд болн сурһлһнд эн нерәдв, теднә дәәч күчинь өөдлүллһнд ик тәвцән орулсмн.

Советск правительствин даалһврар, 1942-ч җилд Ока Иванович орн цергә 30-д дивизь бурдәв. 1943-ч җилин туула сард Ока Иванович Улан Әәрмин Мөрн цергә командующин дарук болад, эн көдлмшиг 1947-д җилд отставкд һартлан көдллә.

Ока Иванович Городовиковин туурмҗта дәәч үүлдвринь советск правительств өөдәнәр үнлв. Ленинә һурвн орденар, Улан Тууҗн зурһан орденар, Төрскн харсгч дәәнә негдгч девсңгин орденар, кесг медальмудар ачлгдсмн.

1958-ч җилин моєа сарин 10-д генерал-полковник О. И. Городовиков Советск Союзин Геройин нер зүүсмн.

Ока Иванович Городовиков 1960-ч җил лу сарин 26-д өңгрсмн.

Энүнә цогц Москвад Новодевичье үкәрт оршагдла.