Воробьев Николай Тимофеевич

(1924-1945 љљ.)

Николай Воробьев 1924 җил Приютненск района Бислүрт гидг селәнд төрсмн.

Дән эклхлә эн эврә дурар фронтд одв. Түрүн дәәллдәнд эн күнд шав авад, кесг сардан госпитальд кевтв. Зуг эмнүлгдснәннь хөөн хәрү дәәнд одхар седҗәсн көвүг эмчнрин некврәр герүрнь йовулв. Болв эн гертән хару сууҗ чадлго, цергә комитетд көдлҗ, әмтнд дәәнә керг дасхад бәәв. Шаван эдгәснәннь дару Николай залһлдана батальонд тусв, эн батальон төрскн һазран немшнрәс сулдхҗ зөрмг кевәр дәәлдҗ йовла. Эн Украинә болн Молдовин һазр бас сулдхгдсмн билә.

1944 җилин бар сарин эклцәр советск салдсмуд Дунай һолын эклҗ һатлв. Николай Воробьевин әңгин залһлдачнр болхла киитн уснд орад, телефона суңһуг татдмн, эн саамд кедү километр кабелиг эдн эврә һарарн орасн болх. Минь эн һол һатллһна кемд Николайин әңг һолын төлтр көвүд күрч, залһлда теткх даалвр авв. Эн көвәг фашистнр эзлчсн билә. Тегәд чигн эн чинртә даалһвр авсн залһлдачнр яһдг-негдг болв чигн цуг арһан олзлҗ, мөстә һолыг һатлҗ, залһлда теткх зөвтә бәәсән медҗәлә. Әрә торсн оңһцар усчад, талдан көвәд күрчкхлә өмнәснь фашистнр пулеметар экләд хав. Тиигхлә Николай өөрән цөөкн әмтиг һатлҗ йовх эврә салдснриг әәмшгәс гетлхәр зүткв. Тиигәд, энүнә әңгин залһдачнр залу-зөргәр дәәллдснә ашт советск дәәчнр эн һолын эн-тер угаһар һатлҗ чадв, гиҗ келх кергтә. Эн һолын хаҗуд болсн ик дәәнд кесг дәкҗ кабель тасрад, залһлдан геедрв. Зуг Н. Воробьев эврән бийнь киитн уснд орад, тасрсн кабелиг залһад, немшнриг күүчҗ уга келһнд ик нилчән күргв.

Залһлдана салу батальона командир подполковник Уткин сержант Николай Воробьевин зөрмг йовдлын тускар «деерк һардврт» медүләд, энүнд Советск Союзин Баатр гидг нер зүүлһхиг некв. 1945-ч җилд Николай Воробьев Венгрин һазрт күрв. Немшнр хәрү Германьд туугдҗ йовсн цаг бәәсмн. Будапешт балһснд бүслврт авгдсн фашистнр һалзу чонмуд кевтә ноолдҗала. Тиигәд, февраль сарин 12-т сөөһәр бүслврәс алдрҗ һарсн цөөкн фашистнр һоллгч залһлдаг эдлврәснь һарһв. Тегәд урдкларн әдл сержант Николай Воробьев эврәннь үр көвүтәһән хамдан эн әәмшгтә даалвриг күцәхәр бийән белдв. Эн сөөһин бийднь эдн даалһвран күцәчкәд, хәрү эврә взвод талагшан мөлкҗ йовад генткн өөрән фашистнриг үзв. Бүслврәс алдрҗ һарсн зу шаху немш кесг часин туршарт татгдсн дәәлддә учрав. Минь эн саамд Николай Воробьев күндәр шавтв. Цөґкн советск салдс кесг немшнрлә ноолдҗ, баатр кевәр дәәлдв. Тиигәд баахн наста сержант Н. Воробьев хөр шаху фашистиг алв.

1945 жилин моєа сард церглҗ йовсн батальонд сән зәңг ирв Николай Воробьевд Советск Союзин Баатрин нер зүүлһгдснь. Төрскән Воробьевин нериг мөңкрүлхин төләд энүнә селәнд Баатрин нер өгв. Эн зөрмг көвүнә мөңкинд туурхнь лавта медгдҗәнә.