Лшеуіш құралдар және олармен жұмыс істеу

Химиялық зертханаларда болатын таразылар техникалық, дәріханалаық және аналитикалық болып бөлінеді. Көпшілік жағдайда зертханада техникалық және аналаитикалық таразылар қолданылады.

Техникалық таразы. Техникалық таразыда зат 0,01 грамға дейін дәлдікте өлшенеді. Таразы реакцияға дейінгі және реакция нәтижесінде түзілетін заттарды өлшеу үшін пайдаланылады. Техникалық таразы препаратор бөліміне таразы құжатында көрсетілген ереже бойынша орналастырылады. Таразы тастарының (гирьлері) арнайы қорапқа белгілі ретпен орналастырылады. Таразы тастарының салмақ дәлдіктері бұзылмау үшін оларды тек қысқышпен ұстайды. Ірі тастардың 500 мг-нан 1 г-ға дейінгілері қораптың шұқырында, ал қалғандары қораптың астаушасында сақталады да, үстіне полиэтилен немесе шыны пластинка жауып қояды. Ұсақ тастардың пішіндері әртүрлі: 500 және 50 мг-ы алты бұрышты, 200 және 20 мг-ы төрт бұрышты, ал 100 және 10 мг-ы үш бұрышты болады.

Заттың салмағын таразы табақшасындағы ұсақ тастардың салмағын қосу арқылы есептейді. Затты техникалық таразыда өлшегенде мына ережелерді есте ұстаған жөн: а) таразының дұрыстығын байқау; ә) таразы табақшасында ылғалды, былғаныш, ыстық, ұнтақ заттарды бос салуға болмайды; б) өлшейтін зат таразының сол жақтағы табақшасына, тастар оң жақтағы табақшаның ортасына салынады; в) тастарды қолмен ұстауға болмайды, жұмыстан кейін тек қораптағы ұяшықтарына салып қояды; г) өлшеп біткеннен кейін таразыда бөгде заттарды қалдыруға болмайды; ғ) жұмыс орнын сулы шүберекпен сүртіп, таразыны дұрыстап қояды.

Дәріханалық таразы. Дәріханалық таразы штативтің стерженіне бекітіледі. Оның дәлдігін техникалық таразыдағыдай тексереді.

Аналаитикалық таразы – талдау (аналаиз) өнімдерін өлшегенде қолданылады. Өлшеу дәлдігі 0,0002 г. Аналитикалық таразының тастары техникалық таразының тастарынан өзгешелеу болады. Аналаитикалық таразы аса дәлдікті қажет ететін сыныптан тыс жұмыстарда көбірек пайдаланылады. Таразыны ереже бойынша аса маман зертхана қызметкері орналастырады.