Глава VIII. Выканаўчы Камітэт Саюза з’яўляецца пастаянна дзеючым выканаўчым органам Саюза

ВЫКАНАЎЧЫ КАМІТЭТ САЮЗА

Артыкул 27

Выканаўчы Камітэт Саюза з’яўляецца пастаянна дзеючым выканаўчым органам Саюза.

Старшыня Выканаўчага Камітэта Саюза і яго намеснікі назначаюцца на пасаду і вызваляюцца ад пасады Вышэйшым Саветам Саюза.

Выканаўчы Камітэт Саюза фарміруецца Вышэйшым Саветам Саюза. У склад Выканаўчага Камітэта ўваходзіць роўная колькасць прадстаўнікоў дзяржаў-удзельніц. Персанальны склад прадстаўнікоў дзяржаў-удзельніц у Выканаўчым Камітэце зацвярджаецца кіраўніком адпаведнай дзяржавы.

Артыкул 28

Функцыі і паўнамоцтвы Выканаўчага Камітэта Саюза, а таксама парадак яго дзейнасці вызначаюцца палажэннем аб ім, якое зацвярджаецца Вышэйшым Саветам Саюза па прапанове Выканаўчага Камітэта Саюза.

Рашэнні Выканаўчага Камітэта прымаюцца на аснове аднагалоснасці па прынцыпу «адна дзяржава – адзін голас».

Выканаўчы Камітэт Саюза штогод прадстаўляе справаздачу Вышэйшаму Савету Саюза і інфармацыю Парламенцкаму Сходу Саюза аб ходзе выканання праектаў і праграм Саюза.

Рашэнне Выканаўчага Камітэта Саюза можа быць прыпынена ці адменена Вышэйшым Саветам Саюза.

Выканаўчы Камітэт Саюза мае апарат, колькасць якога ўстанаўліваецца Вышэйшым Саветам Саюза. Кіраўніком апарату з’яўляецца кіраўнік спраў Выканаўчага Камітэта Саюза, які прызначаецца на пасаду і вызваляецца ад пасады Вышэйшым Саветам Саюза.

Артыкул 29

Для выканання функцый, прадугледжаных гэтым Статутам, рашэннямі Вышэйшага Савета Саюза на падставе прапаноў Выканаўчага Камітэта Саюза могуць засноўвацца на парытэтнай аснове органы Саюза галіновага і іншага характару, а таксама арганізацыі. Кожны з гэтых органаў (арганізацый) дзейнічае на падставе адпаведнага палажэння аб ім, якое зацвярджаецца Вышэйшым Саветам Саюза або, па яго даручэнню, Выканаўчым Камітэтам Саюза.

Date: 2015-10-21; view: 344; Нарушение авторских прав