Русская Правда в Пространной редакции

Текст приводится в «неадаптированной редакции», с минимальным переводом на современный русский язык.

Суд Ярославль Володимеричь Правда Русъская

1. Аже убиеть муж мужа, то мьстити брату брата, любо отцю, ли сыну, любо брату чадо, ли братию сынови, аще не будеть, кто его мьстя, то положити за голову 80 гривен, аче будеть княжь муж или тиуна княжа; аще ли будеть русин, или гридь, любо купець, либо тивун бояреск, любо мечник, любо изгой, ли словенин, то 40 гривен положити и за нь.

2. По Ярославе же паки совокупишася сынове его: Изяслав, Святослав, Всеволод и мужи их: Коснячько, Перенег, Никифор и отложиша убиение за голову, но кунами ся выкупати, а ино все якоже Ярослав судил, такоже и сынове его уставиша.

О убистве.

3. Аже кто убиеть княжя мужа в разбои, а головника не ищуть, то виревную платити, в чьей же верве голова лежить, то 80 гривен; паки же людин, то 40 гривен.

4. Которая ли вервь начнеть платити дикую виру, колико лет заплатить ту виру, зане же без головника им платити. Будеть ли головник их в верви, то зань к ним прикладываеть, того же деля им помагати головнику, любо ей дикую виру, но сплати им во обчи 40 гривен, а головничьство самому головнику; а в 40 гривен ему заплатити ис дружины ево часть. Но оже будеть убил или в сваде или в пиру явлено, то тако ему платити по вервине, иже ся прикладывають вирою.

Оже станешь без вины на разбои.

5. Будеть ли стал на разбои без всякой свады, то за разбойни­ка люди не платять, но выдадять и всего с женою и с детми на поток и на разграбление.

6. Аже кто не вложиться в дикую виру, тому люди не помогають, но сам платить.

7. Асе покони вирнии были при Ярославе: вирнику взяти 7 ведер солоду на неделю, же овен, любо полоть, либо 2 ногате; а в середу куна же сыр, а в пятницю тако же; а кур по двою ему на день; а хлевов 7 на неделю, а пшена 7 уборков, а гороху 7 уборков ков, а соли 7 голважен; то ти вирнику со отроком; а кони 4, ко­нем на рот сути овес; вирнику 8 гривен; а 10 кун перекладная, а метелнику 12 векшии, а съсадная гривна.

8. Аже будеть вира во 80 гривен, то вирнику 16 гривен и 10
кун и 12 векши, а переди съсадная гривна, а за голову 3 гривны.

О княжи муже.

9. Аже в княжи отроци, или в конюсе, или в поваре, то 40 гривен.

10. А за тивун за огнишный, и за конюший, то 80 гривен.

11. А в сельскомь тивуне княже или в ратаинемь, то 12 гри­вен. А за рядовича 5 гривен. Тако же и за бояреск.

О ремественике и ремественице.

12. А за ремественика и ремественицю, то 12 гривен.

13. А за смерди и холоп 5 гривен, а за робу 6 гривен.

14.А за кормилця 12, такоже и за кормилицю, хотя ся буди холоп, хотя си роба.

О поклепней вире.

15. Аще будеть на кого поклепная вира, то же будеть послу­хов 7, то ти выведуть виру; паки ли варяг или кто ин, то два. А по кстех и по мертвеци не платить верви, аще имене не ведають, ни знають его.

Аже свержетъ виру.

16. И иже свержеть виру, то гривна кун сметная отроку, акто и клепал, а тому дати и другую гривну; а от виры помочного.

17. Искавше ли послуха, не налезуть, а истця начнеть голо­вою клепати, то им правду железо, тако же и во всех тяжах, в татбе и в поклепе, оже не будеть лиця, то тогда дати ему железо из неволи до полугривны золота; оже ли мне, то на воду, оли то до дву гривен; аже мене, то роте ему ити по свои куны.

18. Аже кто ударить мечемь, не вынез его, или рукоятию, то 12 гривен продажи за обиду.

19. Аже ли вынез мечь, а не утнеть, то гривна кун.

20. Аже кто кого ударить батогом, любо чашею, любо рогомь, любо тылеснию, то 12 гривен. Не терпя ли противу тому уда­рить мечемь, то вины ему в том нетуть.

21. Аче ли утнеть руку и отпадеть рука или усохнеть, или нога, или око, или нос утнеть, то полувирье 20 гривен, а тому за век 10 гривен.

22. Аже перст утнеть кии любо, 3 гривны продажи, а самому гривна кун.

А придеть кровав муж

23. Аже придеть кровав муж на двор, или синь, то видока ему не искати, но платити ему продажю 3 гривны; аще ли не будеть на нем знамения, то привести ему видок слово противу слова, а кто будеть почал, тому платити 60 кун; аче же и кровав придеть, или будеть сам почал, а вылезуть послуси, то то ему за платежь, оже и били.

24.Аще ударить мечемь, а не утнеть на смерть, то 3 грив­ны, а самому гривна, за рану же лечебное; потнеть ли на смерть, а вира.

25.Аче попъхнеть мужь мужа любо к собе ли от собе, любо по лицю ударить, ли жердью ударить, а видока два выведуть, то 3 гривны продажи; аже будеть варяг или колбяг, то полная видо­ка вывести и идета на роту.

О челяде.

26. Ачелядин скрыется, азакличють и наторгу, аза 3 дня не выведуть его, а познаеть и третий день, то свои челядин няти, а оному платити 3 гривны продажи.

Аже кто всядеть на чужь конь.

27. Аже кто сядеть на чужь конь, не прошав, 3 гривны.

28. Аче кто конь погубить, или оружие, или порт, а заповесть на торгу, а после познаеть в своем городе, свое ему лицемь взяти, а за обиду платити ему 3 гривны.

29. Аже кто познаеть свое, что будеть погубил или украдено у него что и, или конь, или порт, или скотина, то не рци и: се мое, но поиде на свод, кде есть взял; сведитися, кто будеть виновать, на того татьба снидеть, тогда он свое возьметь, а что погибло будеть с нимь, то же ему начнеть платити.

30. Аще будеть коневый тать, выдати князю на поток; паки ли будеть клетый тать, то 3 гривны платити ему.

О своде.

31. Аже будеть в одиномь городе, то ити истцю до конця того свода; будеть ли свод по землям, то яти ему до третьяго свода; а что будеть лице, то тому платити третьему кунами за лице; а с лицем ити до конця своду, а истцю ждати проказ; а кде свидеть на конечняго, то тому все платити в продажю.

О татьбе.

32. Паки ли будеть что татебно купил в торгу, или конь, или порт, или скотину, то выведеть свободна мужа два или мытника; аже начнеть не знати, у кого купил, то ити по немь тем видоком на роту, а истцю свое лице взяти; а что с ним погибло, а того ему жалети8, а оному желети своих кун, зане не знаеть у кого купит; познает ли на долзе9 у кого то купил, то свои куны возметь, и сему платити, что у него погибло, а князю продажю.

Аще познаешь кто челядь.

33. Аще познаеть кто челядин свои украден, а поиметь и, то оному вести и по кунам до 3-го свода; пояти же челядина в челя­дин место, а оному дати лице, ать идеть до конечняго свода, а то есть не скот, нелзи рчи: у кого есмь купил, но по языку ити до конца; а кде будеть конечнии тать, то опять воротять челядина, а свои поиметь и протор тому же платити.

34. А князю продаже 12 гривен в челядине или украдше.

О своде же.

35. А и своего города в чюжю землю свода нетуть, но тако же
вывести ему послухи, любо мытника, перед кимь же купивше, то истьцю лице взяти, а прока ему желети, что с нимь по­гибло, а оному своих кун желети.

О татбе.

36. Аже убиють кого у клети или у которое татбы, то убиють во пса место; аже ли и додержать света, то вести на княжь двор; оже ли убиють и, а уже будуть людие связана видели, то лпати-ти в томь 12 гривен.

37. Аже крадеть кто скот в хлеве или клеть, то же будеть один, то платити ему 3 гривны и 30 кун, будеть ли их много, всем по 3 гривны и по 30 кун платит.

О татбе же.

38. Аще крадеть скот на поли, или овци, или козы, ли сви­ньи, 60 скот; будет ли их много, то всем по 60 кун.

39. Аже крадеть гумно или жито в яме, то колико их будеть крало, то всем по 3 гривны и по 30 кун; а у него же погибло, то оже будеть лице, лице поиметь; а за лето возметь по полугрив­не, паки же лиця не будеть.

40. А будеть был княжь конь, то платити за нь 3 гривны, а за инех по 2гривны.

А се уроци скоту.

41. Аже за кобылу 7 кун, а за вола гривна, а за корову 40 кун,
а за третьяку 30 кун, за лоныцину полгривны, за теля 5 кун, а за свинью 5 кун, а за порося ногата, за овцу 5 кун, за боран ногата, а за жеребець, аже не вседано за нь, гривна кун, за жеребя 6 ногат, а за коровие молоко 6 ногат; то ти уроци смердом, оже платять князю продажю.

Аже будутъ холопи татье, суд

42. Аже будуть холопи татие любо княжи, любо боярстии,
любо чернечь, их же князь продажею не казнить, зане суть не­
свобод нии, то двоиче платить ко истьцю за обиду.

Оже кто скота взищеть.

43. Аже кто взищеть кун на друзе, а он ся начнеть запирати, то оже на нь выведеть послуси, то ти поидуть на роту, а он воз-меть свои куны; зане же не дал ему за много лет, то платити ему за обиду 3 гривны.

44. Аже кто купець купцю дасть в куплю куны или в гостьбу, то купцю пред послухи кун не имати, послуси ему не над обе, но ити ему самому на роте, аже ся почнеть запирати.

О поклажаи.

45. Аще кто поклажаи кладеть у кого любо, то ту послуха
нетуть; но оже начнеть болышимь клепати, тому ити роте у кого
то лежал товар; а толко еси у мене положил зане же ему в болого-
дел и хоронил товар того^.

Орезе.

46. Аже кто даеть куны в рез, или настав в мед, или жито в
просоп, то послухи ему ставити, како ся будеть рядил, тако же
ему имати.

О месячном резе.

47. О месячный рез, оже за мало, то имати ему; заидуть ли ся куны до того же года, то дадять ему куны в треть, а месяч­ный рез погренути. Послухов ли не будеть, а будеть кун 3 грив­ны, то ити ему про свои куны роте, будеть ли боле кун, то речи ему тако: промиловался еси, оже еси не ставил послухов.

Устав Володимерь Всеволодича.

48. Володимерь Всеволодичь, по Святополце, созва дружину свою на Берестовемь: Ратибора Киевьского тысячьского, Про-копью Белогородьского тысчьского, Станислава Переяславльс-кого тысячьского, Нажира, Мирослава, Иванка Чюдиновича Олгова мужа, и уставили до третьего реза, оже емлеть в треть куны; аже кто возметь два раза, то то ему исто; паки ли возметь три резы, то иста ему не взяти.

49. Аже кто емлеть по 10 кун от лета на гривну, то того не отметати.

Аже который купецъ истопиться.

50. Аже который купець, кде любо шед с чюжими кунами,
истопиться любо рать возметь, ли огнь, то не насилити ему, ни
продати его; но како начнеть от лета платити, тако же платить,
зане же пагуба от Бога есть, а не виновать есть; аже ли пропиеть-ся или пробиеться, а в безумьи чужь товар испортить, то како
любо тем, чии то товар, ждуть ли ему, а своя им воля, продадять
ли, а своя им воля.

О долзе.

51. Аже кто многим должен будеть, а пришел гость из иного
города или чюжеземець, а не ведая запустить за нь товар, а опять
начнет не дати гости кун, а первии должебити начнуть ему за-пинати, не дадуче ему кун, то вести и на торг, продати же и
отдати же первое гостины куны, а домашним, что ся останеть
кун, тем же ся поделять; паки ли будуть княжи куны, то княжи
куны первое взяти, а прок в дел; аже кто много раз имал, не
имати тому.

закуп бежать.

52. Аже закуп бежить от господы, от обель; идеть ли искать
кун, а явлено ходить, или ко князю или к судиям бежить обиды деля своего господина, то про то не робять его, но дати ему правду.

О закупе же.

53. Аже у господина ролеиный закуп, а погубить воискии²
конь, то не платити ему; но еже дал ему господин плуг и борону,
от него же куплю емлеть, то то погубивше платити; аже ли гос­
подин его отослеть на свое орудье, а погибнеть без него, то того
ему не платити.

О закупе же.

54. Аже из хлева выведуть, то закупу того не платити; но оже погубить на поли, и в двор не вженеть и не затворить, кде ему господин велить, или орудья своего дея, а того погубить, то то ему платити.

55. Аже господин переобидить закупа, а увидить купу его или отарицю, то то ему все воротити, а за обиду платити ему 60 кун. Паки ли прииметь на нем кун, то опять ему воротити куны, что будеть принял, а за обиду платити ему 3 гривны продажи. Продасть ди господин закупа обель, то наймиту свобода во всех кунах, а господину за обиду платити 12 гривен продажи. Аже господин бьеть закупа про дело, то без вины есть; бьеть ли не смысля пьян, а без вины, то яко же в свободнем платежь, тако же и в закупе.

О холопе.

56. Аже холоп обелный выведеть конь чии любо, то платити
за нь 2 гривны.

О закупе.

57. Аже закуп выведеть что, то господин в немь; но оже кде
и налезуть, то преди заплатить господин его конь или что бу­
деть ино взял, ему холоп обелный; и паки ли господин не хотети
начнеть платити за нь, а продасть и, отдасть же переди или за

самому взяти себе.

А се аже холоп ударить.

58. А се аже холоп ударить свободна мужа, а убежить в хором,
а господин его не выдасть, то платити за нь господину 12 гри­
вен; а затем аче и кде налезеть ударенный ть своего истьця¹, кто
его ударил, то Ярослав был уставил убити и², но сынове его по
отци уставиша на куны, любо бити и розвязавше³, любо ли взя­
ти гривна кун за сором.

О послушъстве.

59. А послушьства на холопа не складають, но оже не будеть
свободнаго, но по нужи сложити на боярьска тивуна, а на инех
не складывати. А в мале тяже по нуже възложити на закупа.

О бороде.

60. А кто порветь бороду, а въньметь знамение, а вылезуть
людие, то 12 гривен продажи; а без людии, а в поклепе, то нету
продажи.

О зубе.

61. Аже выбыоть зуб, а крови видять у него во рте, а людие вылезуть, то 12 гривен продажи, а за зуб гривна.

62. Аже украдеть кто бобр, то 12 гривен.

63. Аже будеть росечена земля или знамение, им же ловлено, или сеть, то по верви искати татя ли платити продажю.

Аже кто борть разнаменаетъ.

64. Аже разнаменаеть борть, то 12 гривен.

65. Аже межю перетнеть бортьную, или ролеиную разореть, или дворную тыномь перегородить межю, то 12 гривен продажи.

66. Аже дуб подотнеть знаменъный или межьныи, то 12 гри­вен продажи.

А се наклад.

67. А се наклады: 12 гривен — отроку 2 гривны и 20 кун, а
самому ехати со отроком на дву коню; сути же на рот овес, а мясо
дати овен любо полоть, а инемь кормомь, что има черево возмет, писцю 10 кун, перекладнаго 5 кун, на мех две ногаты.

Асе о борти.

68. Аже борть подътнеть, то 3 гривны продажи, а за дерево пол гривны.

69. Аже пчелы выдереть, то 3 гривны продажи, а за мед, аже будеть пчелы не лажены, то 10 кун, будеть ли олек, то 5 кун.

70. Не будеть ли татя, кто по следу женуть, аже не будеть следа ли к селу или к товару, а не отсочать от собе следа, ни идут наслед или отбьются, то темь платити татбу и продажю; а след гнати с чюжими людми, а с послухи; аже погубять след на гостиньце на велице, а села не будеть, или на пусте, кде же не будеть ни села, ни людии, то не платити ни продажи, ни татбы.

О смерде.

71. Аже смерд мучить смерда без княжа слова, то 3 гривны продажи, а за муку гривна кун.

72. Аже огнищанина мучить, то 12 гривен продажи, а за муку гривна.

73. Аже лодью украдеть, то 60 кун продажи, а лодию лицемь воротити; а морьскую лодью 3 гривны, а за набоиную ло­дью 2 гривны, за челн 20 кун, а за струг гривна.

О перевесех.

74. Аже кто подотнеть вервь в перевесе, то 3 гривны прода­жи, а господину за вервь гривна кун.

75. Аже кто украдеть в чьемь перевесе ястреб или сокол, то продажи 3 гривны, а господину гривна.

76. А за голубь 9 кун, а за куря 9 кун, за утов 30 кун.

77. А за гусь 30 кун, а за лебедь 30 кун, а за жеравль 30 кун.

78. А в сене и в дровех 9 кун, а господину колико будеть воз
украдено, то имати ему за воз по 2 ногате.

О гумне.

79. Аже зажгуть гумно, то на поток, на грабежь дом его, переди пагубу исплатившю, а в проце князю поточити и; такое же, аже кто двор зажьжеть.

80. А кто пакошами конь порежеть или скотину, продажи 12 гривен, а пагубу господину урок платити.

81. Ты тяже все судять послухи свободными, будеть ли по­слух холоп, то холопу на правду не вылазити; но оже хощеть истець, или иметь и, а река тако: по сего речи емлю тя, но аз емлю тя, а не холоп, и емети и на железо; аже обинит и, то емлеть на немь свое; не обинить ли его, платити ему гривну за муку, зане по холопьи речи ял и.

82. А железного платити 40 кун, а мечнику 5 кун, а пол гривны детьскому; то ти железный урок, кто си в чемь емлетъ. Аже иметь на железо по свободных людии речи, либо ли запа на нь будеть, любо прохожение нощное, или кимь любо образом аже не ожьжеться, то про муки не платити ему, но одино железное, кто и будеть ял.

О жене.

83. Аже кто убиеть жену, то темь же судом судити, яко же и мужа; аже будеть виновате, то пол виры 20 гривен.

84. А в холопе и в робе виры нетуть; но оже будеть без вины убиен, то за холопа укор платити и за робу, а князю 12 гривен продажи.

Аже умреть смерд.

85. Аже смерд умреть, то задницю князю; аже будуть дще­ри у него дома, то даяти часть на не; аже будуть за мужем, то не
даяти части им.

О заднице боярьстеи и о дружинеи.

86. Аже в боярех любо в дружине, то за князя задниця не
идеть; но оже не будеть сынов, а дщери возмуть.

87. Аже кто умирая разделить дом свои детем, на том же стояти; паки ли без ряду умреть, то всем детем, а на самого часть дати души.

87. Аже жена сядеть по мужи, то на ню часть дати; а что на ню мужь възложить, тому же есть госпожа, а задниця ей мужия не над обе. Будуть ли дети, то что первое жены, то то возмуть дети матере своея; любо си на жену будеть возложил, обаче ма­тери своей возмуть.

88. Аще будеть сестра в дому, то той заднице не имати, но отдадять ю за мужь братия, како си могут.

А се закладаюче город.

90. А се уроци городнику: закладаюче гороню⁴, куну взяти,
а кончавше ногата; а за корм, и за вологу⁵, и за мяса, и за рыбы
7 кун на неделю, 8 хлебов, 7 уборков пшена, 7 лукон⁶ овса за
кони: имати же ему, донеле город срубять, а солоду одину да-
дять 10 лукон.

О мостницех.

91. А се мостнику уроци: помостивше мост, взяти от 10 локот по ногате; аже починить моста ветхого, то колико городни
починить, то взяти ему по куне от городни; а мостнику самому
ехати со отроком на дву коню, 4 лукна овса на неделю, а есть,
чтоможеть.

Асе о заднице.

92. Аже будуть робьи дети у мужа, то задници им не имати, но свободна им смертию.

93. Аже будуть в дому дети мали, а не джи ся будуть сами собою печаловати, а мати им поидеть за мужь, то кто им ближ­ний будеть, тому же дати на руце и с добытком, и с домом, доне­ле же возмогуть. А товар дати перед людми; а что срезить товаром темь ли пригостить, то то ему собе, а истый товар воротить им, а прикуп ему собе, зане кормил и печаловался ими; яже от челяди плод или от скота, то то все поимати лицем; что ли будеть ростерял, то то все ему платити детем тем.

94. Аче же и отчим прииметь дети с задницею, то тако же есть ряд. А двор без дела отень всяк меншему сынови.

О жене, аже ворчетъся сидети.

95. Аже жена ворчеться се дети по мужи, а растеряеть добыток и поидеть за мужь, то платити ей все детем. Не хотети ли начнуть дети ей ни на дворе4, а она начнеть всяко хотети и седе-ти, то творити всяко волю, а детем не дати воли; но что ей дал мужь, с тем же ей и се дети, или, свою часть взмеше, седети же.

96. А материя часть не надобе детем, но кому мати дасть, тому же взяти; дасть ли всем, а вси разделать; без языка ли умреть, то у кого будеть на дворе была и кто ю кормил, то тому и взяти.

97. Аже будуть двою мужю дети, а одной матери, то онем своего отця задниця, а онем своего. Будеть ли потерял своего иночима что, а онех отця, а умреть, то възворотить брату, на не же и людье вылезуть, что будеть отець его истерял иночимля; а что ему своего отця, то держить.

98. А матери который сын добр, перваго ли, другаго ли, тому же дасть свое; аче и вси сынове ей будуть лиси, а дочери можеть дати, кто ю кормить.

А се уроци судебный.

99. А се уроци судебнии: от виры 9 кун, а метелнику 9 векошь, а от бортной земли 30 кун, а о инех о всех тяжь, кому помогуть, по 4 куны, а метелнику 6 векошь.

О заднице.

100. Аже братья ростяжються12 перед княземь о задницю, который детьскии и деть их делить, то тому гривна кун.

Уроци ротнии.

101. Асеуроциротнии: от головы 30 кун, а от борьтной зем­ли 30 кун бес трии кун, тако же и от ролеинои земли, а от свобо­ды 9 кун.

О холопьстве.

102. Холопьство обелное трое: оже кто хотя купить до полу гривны, а послухи поставить, а ногату дасть перед самем холопемь.

103. А второе холопьство: поиметь робу без ряду, поиметь ли с рядомь, то како ся будеть рядил, на том же и стоить.

104. А се третьее холопьство: тиунство без ряду или прилежеть ключь к собе без ряду, с рядомь ли, то како ся будеть ря­дил, на том же стоить.

105. А в даче не холоп, ни по хлебе роботать, ни по придать це; но оже не доходять года, то ворочати ему милость; отходить ли, то не виновать есть.

106. Аже холоп бежить, а заповесть господин, аже слы­шав кто или зная и ведая, оже есть холоп, а дасть ему хлеба или укажет ему путь, то платити ему за холоп 5 гривен, а за робу 6 гривен.

107. Аже кто переиметь чюжь холоп и дасть весть господи­ну его, то имати ему переем гривна; не ублюдеть ли, то платити ему 4 гривны, а пятая переемная ему; а будеть роба, то 5 гривен, а шестая на переем отходить.

108. Аже кто своего холопа сам досочиться в чьемь любо горо­де, а будеть посадник не ведал его, то, поведавше ему, пояти же ему отрок и шедше увязати и, и дати ему вязебную 10 кун, а переима нетуть; аче упустить и гоня, а собе ему пагуба, а пла­тить в то никто же, тем же и переима нетуть.

109. Аже кто не ведая чюжь холоп усрячеть и1, или повесть дееть2, любо держить и у сбое, а идеть от него, то ити ему роте, яко не ведал есмь, еже есть холоп, а платежа в томь нетуть.

110. Аче же холоп кде куны вложить, а он будеть не ведая вдал, то господину выкупати ал и лишитися его4; ведая ли будеть дал, а кун ему лишитися.

111. Аже пустить холоп в торг, а одолжаеть, то выкупати его господину и не лишитися его5.

112. Аже кто кренеть6 чюжь холоп не ведая, то первому господину холоп пояти, а оному куны имати7 роте ходивше, яко не ведая есмь купил, ведая ли будеть купил, то кун ему лиху быти.

113. Аже холоп бегая будеть добудеть товара, то господину долг, господину же и товар, а не лишатися его.

114. Аже кто бежа, а поиметь суседнее что или товар, то господину платити за нь урок, кто будеть взял.

115. Аже холоп крадеть кого любо, то господину выкупати и любо выдати и, с кимь будеть крал, а жене и детем не над обе, но оже будуть с ним крали и хоронили, то всех выдати, паки ли выкупаеть господин; аже будуть свободнии с ним крали или хоронили, то князю в продаже.

Источник: Источник: Хрестоматия по истории СССР с древнейших вре­мен до конца XV в. М., 1960. С. 202—205. Перевод М.Н. Тихомирова; Хрестоматия по истории России с древнейших времен до 1618 г. / под ред. А.Г. Кузьмина М., 2004. С. 244-259.