Жағдайлық есеп №5

Медицикалық -профилактикалық іс» мамандығының 2 курс студенттеріне микробиология, вирусология және иммунология пәніне арналған емтихандық жағдайлық есептер

Жағдайлық есеп №1

Сіз оқу үстеліңізде бактериологиялық жұмысты аяқтадыңыз. Спирт шамды қақпақпен жауып, алдымен бактериялық ілмекті отта қыздырып стақанға салдыңыз. Заттарды орнына қойдыңыз. Қалпағыңызды, халатыңызды, жұмыс аяқ киіміңізді шешіп, туфлиіңізді кидіңіз. Сөмкеңізді алып, зертханадан шықтыңыз.

1. Бактериологиялық зертханада санитарлық-эпидемиологиялық режимге қатысты қандай дөрекі қателік жасадыңыз?

Жағдайлық есеп №2

Студент боялған жағындыдағы микробтың морфологиясын бақылау туралы тапсырма алды. Бұл үшін ол препаратты зат үстелшесіне қойып, объективті х100 үлкейтуге туралады. Көру аймағын жарықтандырып бейнені тапты. Бірақ бірнеше көру аймағын көрген соң препаратта микроорганизмдерді бақылау қиын деген шешім қабылдады.

1. Студент неліктен препараттағы микроорганизмнің формасын анық бақылай алмады?

Жағдайлық есеп №3

Дифтерия деп күманданған науқас баланың таңдайының зақымдалған шырышты қабатының бөліндісі зерттеуге алынды. Микроскоппен бақылағанда екі шетінде қою-көк түсті, жуандаған бөлігі бар көгілдір таяқшалар көрінді.

1.Бұл қандай микроб және бактерияларда қандай құрылымдық компонент анықталды?

2. Жағынды қандай әдіспен боялды?

3. Осы бактерияларды анықтау үшін тағы қандай бояу әдісті қолдануға болады?

Жағдайлық есеп №4

Өкпесі қабынған науқастың қақырығынан жағынды жасап бояғанда, онда түссіз жиегі бар ланцет тәрізді формада жұптасып орналасқан көгілдір түсті коктар көрінді.

1. Микроорганизм қалай аталады?

2. Түссіз жиектің не екенін ата?

Жағдайлық есеп №5

Боялған жағындыда көгілдір фонда қысқа тізбек түрінде орналасқан, түссіз жиекпен қоршалған, екі шеті кесілген, көгілдір түсті таяқшалар табылды.

1. Олар қандай әдіспен боялған?

2. Морфологиясы бойынша қандай микроорганизмдер көрінді?