Заслужаны аматарскі калектыў Рэспублікі Беларусь ансамбль танца «Крыжачок» БДУ

Быў заснаваны ў 1945 годзе. Рэпертуар ансамбля складаецца з беларускіх народных танцаў, а таксама танцаў народаў свету. «Крыжачок» з'яўляўся актыўным удзельнікам шматлікіх фестываляў і конкурсаў народнай творчасці як у Беларусі, так і за мяжой.

Мастацкі кіраўнік - Заслужаны дзеяч мастацтваў Рэспублікі Беларусь Ігар Музалеўскі.

Заслужаны аматарскі калектывам Рэспублікі Беларусь фальклорна-этнаграфічны ансамбль «Неруш»

Быў заснаваны ў 1980 годзе. Калектыў збірае нацыянальную музыку, песні, абрады ў фальклорных экспедыцыях па Беларусі. У 1985 годзе ансамбль атрымаў званне «Народнага», а ў 2009 годзе - ганаровае званне «Заслужаны аматарскі калектыў Рэспублікі Беларусь».

Мастацкі кіраўнік - Заслужаны дзеяч мастацтваў Рэспублікі Беларусь Валянціна Гладкая.

Народная харавая капэла БДУ

Адзін з найстарэйшых калектываў БДУ, заснаваны ў 1946 годзе. У рэпертуары калекктыва музыка розных перыядаў: старажытная беларуская, руская і замежная музыка. Калектыву прысвоена званне народнага, а з 2006 года капэла БДУ з'яўляецца адным з заснавальнікаў міжнароднага форуму студэнцкіх хароў «Папараць-кветка БДУ».

Мастацкія кіраўнікі і дырыжоры - Вольга і Аляксандр Міненковы.

Народны студэнцкі музычна-драматычны тэатр-студыя БДУ «На філфаку»

Быў заснаваны 19 кастрычніка 1996 года. Стваральнікамі тэатра і яго першымі рэжысёрамі былі Людміла Іосіфаўна Ярмак і Сяргей Яўгенавіч Глебаў. Тэатр ставіць музычна-драматычныя спектаклі па п'есах беларускіх і замежных драматургаў.

Рэжысёр - Кацярына Тананайка.

Народны студэнцкі драматычны тэатр БДУ "На балконе"

Тэатр «На балконе» адзін з найстарэйшых студэнцкіх калектываў краіны. Яго існаванне пачынаецца з 1946 года. Калектыў тэатра з'яўляецца нязменным удзельнікам і арганізатарам Міжнароднага фестывалю студэнцкіх тэатраў «Тэатральны куфар».