Полезное:
Как сделать разговор полезным и приятным
Как сделать объемную звезду своими руками
Как сделать то, что делать не хочется?
Как сделать погремушку
Как сделать так чтобы женщины сами знакомились с вами
Как сделать идею коммерческой
Как сделать хорошую растяжку ног?
Как сделать наш разум здоровым?
Как сделать, чтобы люди обманывали меньше
Вопрос 4. Как сделать так, чтобы вас уважали и ценили?
Как сделать лучше себе и другим людям
Как сделать свидание интересным?
Категории:
АрхитектураАстрономияБиологияГеографияГеологияИнформатикаИскусствоИсторияКулинарияКультураМаркетингМатематикаМедицинаМенеджментОхрана трудаПравоПроизводствоПсихологияРелигияСоциологияСпортТехникаФизикаФилософияХимияЭкологияЭкономикаЭлектроника
|
Чалавек адказвае Богу. Дапаможных матэрыялаўСтр 1 из 133Следующая ⇒ Канспекты Дапаможных матэрыялаў Для катэхезаў
Х кл.
Катэхетычная секцыя пры ККББ 2008 г. Тэма № 1, X кл. СВЕТ, У ЯКІМ Я ЖЫВУ
Дыдактычная мэта: перадаць вучням праўду пра стварэнне свету і чалавека, якія паўсталі з Божай любові. Выхаваўчая мэта: выхоўваць у вучняў пачуццё ўдзячнасці да Бога і бацькоў за дар жыцця, а таксама гатоўнасць несці адказнасць за парадак у свеце, за сябе і іншых. Асноўныя і дапаможныя матэрыялы: Святое Пісанне: Быц 1; 2, 7; каляровыя карткі і алоўкі для кожнага вучня, мазаіка для кожнага вучня, падрыхтаваныя з лістоў А4, прылады для малявання, аўдыёзапіс тэксту пра стварэнне свету, дыск з прыгожай мелодыяй. Метады катэхезы: складанне мазаікі, праца ў групах.
Ход заняткаў
Малітва: Апостальскі сімвал веры.
Чалавек пытае Усё, што існуе, мае свой пачатак. Чалавек як разумная істота задае пытанне пра пачатак існавання свету. Углядаючыся ў навакольны свет, немагчыма не заўважыць, што ён мае свайго аўтара. Святое Пісанне, у якім ёсць апісанне стварэння свету, кажа нам, што гэты Аўтар — Пан Бог.
Бог адказвае Вучні атрымліваюць мазаіку і прылады для малявання. Заданне для груп: намаляваць тое, што ўзнікне ў іх уяўленні падчас праслухоўвання аўдыёзапісу. Пасля раздачы матэрыялаў катэхет (К.) уключае запіс тэксту з кнігі Быцця ў суправаджэнні прыгожай мелодыі (напр. «Стварэнне свету» Ф. Гайдна, «Чатыры пары года» А. Вівальдзі). Праца працягваецца 15 хвілін. Затым усе аркушы паперы К. складае ў форме сэрца.
Як вы ўжо заўважылі, у нашым сэрцы не хапае яшчэ адной дэталі. К. уключае спакойную музыку і чытае ўрывак з Кнігі Быцця. Затым бярэ дэталь з надпісам Ты, паказвае яе асобна кожнаму вучню і кладзе ў цэнтр мазаікі. Ствараючы свет, Пан Бог ведаў, што ў ім будзе жыць кожны з нас. Кожнага з нас Ён паклікаў да жыцця, кожны з нас — Ягонае стварэнне. Кожны з нас мае сваё заданне ў створаным Богам свеце. Працуючы далей над тэкстам, мы даведаемся, якое заданне Бог даручыў кожнаму з нас. К. дзеліць клас на 3 групы, кожнай дае асобнае пытанне і тэкст Кнігі Быцця. Кожная група пэўным колерам павінна падкрэсліць адказ, які знойдзе ў тэксце: — Што тэкст Кнігі Быцця кажа пра Бога? — Што тэкст Кнігі Быцця кажа пра чалавека? — Што тэкст Кнігі Быцця кажа пра іншыя стварэнні?
(Вынікі працы вучні запісваюць у падручнік) . • Бог Усемагутны, Ён стварае свет з нічога — сваёю моцаю. Бог робіць гэта з любові. • Бог стварае чалавека на свой вобраз (розум і воля). • Бог стварае мужчыну і жанчыну (рознасць полу), іх сувязь манагамная. • Чалавек мае душу і цела. Для Бога чалавек мае вялікае значэнне і вартасць. • Чалавек атрымлівае ад Бога заданне — працаваць над уласнай дасканаласцю і сваёю працаю ўдасканальваць свет. • Паміж чалавекам і іншымі стварэннямі існуе вялікая розніца. • Свет быў створаны дасканалым, у ім не было месца для зла. Кожнае стварэнне добрае. • У Божай справе стварэння існуе парадак і гармонія. • Бог падрыхтаваў для чалавека рай — месца шчасця і дабрабыту.
Параўноўваючы свет сучасны і свет, які быў напачатку, мы не можам не заўважыць розніцы. Чаму свет так змяніўся? (Адказы вучняў). Праца над уласнай дасканаласцю і над удасканальваннем свету набліжае нас да мэты, якою ёсць вечнае жыццё, прабыванне з Богам — Паўнатою Шчасця. Таму за свае ўчынкі мы нясём вялікую адказнасць — як перад нашым Стварыцелем, так і перад іншымі людзьмі, а таксама перад самімі сабою. Хрысціянін — гэта чалавек, які павінен быць мужным і адказным за сваё жыццё, а таксама ўдзячным Богу і сваім бацькам за гэты цудоўны дар.
Чалавек адказвае Богу К. раздае вучням каляровыя карткі і алоўкі. Вучні павінны запісаць словы падзякі і праслаўлення Пана Бога за створаны свет і за ўласнае жыццё. Карткі вучні прыклейваюць да плаката з сэрцам. Падчас працы можа гучаць «What a wonderful life» («Які прыгожы сусвет») Л. Амстронг. Прыгажосць створанага свету — гэта шлях, па якім чалавек можа прыйсці да Бога. Разважанне: — Як часта я дзякую Пану Богу за прыгажосць створанага Ім свету? — Што я магу зрабіць дзеля таго, каб зберагчы гэту прыгажосць? — Як я магу паўплываць на тое, каб у свеце было менш зла? — Як я аказваю ўдзячнасць Пану Богу за Яго бязмежную любоў да мяне? — Як я клапачуся аб развіцці дароў і талентаў, якімі мяне адарыў Стварыцель? — Як выглядае мае вучоба, праца? Ці можна яе назваць сумленнай і дасканалаю? Пастанова. Хатняе заданне:
Заключная малітва: падручнік вучня
Тэма № 2, Х кл РЭЛІГІІ СВЕТУ. Дыдактычная мэта: Распавядаем вучням аб тым, што чалавек ад моманту свайго існавання імкнецца да Творцы. Праз малітву, рэлігійныя абрады, чалавек шукае дыялогу з Богам, бо толькі Ён можа заспакоіць прагенні сэрца чалавека, а таксама знаёмім вучняў з асноўнымі рэлігіямі свету. Выхаваўчая мэта: Выхоўваем у вучнях прагненне ўзрастаць у веры, пазнаючы сэнс і мэту ўласнага хрысціянства. Асноўныя і дапаможныя матэрыялы: Дэкларацыя пра адносіны Касцёла да нехрысціянскіх рэлігій, Дэкларацыя аб рэлігійнай свабодзе, ККК. Метады катэхезы: прэзентацыя, аналіз тэкстаў.
Ход заняткаў Малітва: Ойча наш Чалавек пытае У кожнай краіне свету, у вялікіх мегаполісах і ў маленькіх, мала каму вядомых мясцінах, мы можам ўбачыць святыню, якую пабудавалі людзі, каб праз малітву і розныя абрады аддаваць хвалу і пашану Богу. Багацце рэлігійных сімвалаў, абрадаў, малітваў, святаў, мастацкіх твораў на рэлігійную тэматыку, якія мы атрымалі ў спадчыну ад нашых прадзедаў, з’яўляецца яскравым пацвяржэннем таго, што на працягу ўсёй гісторыі чалавецтва людзі шукалі Бога, праслаўлялі Яго, аддавалі Яму хвалу. У старажытнасці і сярэднявеччы людзі спрабавалі акрэсліць, што азначае слова “рэлігія”, звяртаючыся да першапачатковага слова, ад якога яно можа паходзіць. Адказы былі розныя: адныя выказвалі думку, што слова “рэлігія” паходзіць ад лацінскага слова "relegere", што азначае "прачытаць наноў"; другія бралі за аснову слова "religere" (злучаць, звязваць), характарызуючы рэлігію як сувязь чалавека з Богам; св. Аугустын прытрымліваўся думкі, што слова “рэлігія” паходзіць ад слова "reeligare" — што азначае “выбіраць наноў”. Як бачым, людзі на працягу вякоў стараліся зразумець сутнасць рэлігіі, шукалі крыніцу яе паходжання. ІІ Ватыканскі Сабор кажа так: «Людзі чакаюць ад розных рэлігій адказу на запаветныя таямніцы чалавечай экзістэнцыі, якія сёння, як і ў папярэднія часы, глыбока ўзрушваюць сэрцы людзей: кім ёсць чалавек, які сэнс і мэта нашага жыцця, што такое маральнае дабро і грэх, адкуль і дзеля чаго ўзнікае цярпенне, які шлях вядзе да сапраўднага шчасця, што такое смерць, суд і адплата пасля смерці, і ўрэшце, чым ёсць апошняя і невымоўная таямніца, што ахоплівае нашае існаванне, з якой мы бяром пачатак і да якой імкнемся» (Nostra aetate, 1). Сэнс жыцця, шчасце, цярпенне, смерць — гэтыя пытанні заўсёды турбавалі чалавека. Узнікненне рэлігіі — гэта старанне чалавека знайсці адказ на гэтыя пытанні. Хатнім заданем вучняў было падрыхтаваць невялікую прэзентацыю аб такіх рэлігіях як: хрысціянства, іслам, будызм, іудаізм, індуізм. Вучні прэзентуюць сваю працу. Затым, К. запрашае вучняў прачытаць у сваіх падручніках матэрыял, які адлюстроўвае лічбу вызнаўцаў асноўных рэлігій свету.
|