Tekst 1

BABANNO

Kezal minä ajoin babannoks, kudamb eli penikaižes küläižes Ojat’-jogen randal. Tämbei johtutan ozakast kezaaigad hüviš meliš. Babanno om hüvä eläda! Elo om tün’ i holitoi... Nouzed homendesel, joksed jogennoks, sen tahonnoks, kus oma čomad valdmad. Sid’ joksed vedhe – teravas, lujas teravas, ujud lühüdašti, sikš miše vezi om völ vilu. Tuled tagaze, jogelpäi – a murgin om jo sömlaudal. Mö murginoičem hätken, baboi ei tahtoi lähtta laudannopäi: hän nägeb mindai harvas, i minä starinoičen hänele ičein polhe, vanhembiden i heimoilaižiden elon polhe.

Sid’ minä abutan babale linmas, tehlen toižid radoid, kävelen laukha.

Jäl’ges longid mö babanke astum mecha kerata senid, poimda marjoid. Ehtannoks mö lujas väzum – se aig om jo mända tagaze, kodihe.

Minai ei ole tahtod ajada baboinnopäi, da midä-k teged? Lidnas mindai varastab kogo azjoid.

heimola|ine (-ižen, -št, -ižid) – родственник

holito|i (-man, -nt, -mid) – беззаботный

hüviš meliš – в хорошем настроении; в добром расположении духа

ičein polhe – о себе

keza||aig (-an) – летняя пора

kirjutaden – письменно

kävelen – форма 3 л. ед. ч. презенса от kävelta ʽходить многократно’

kävutami|ne (-žen, -št, -žid) – использование

lin||ma – огород (букв. ʽконопляное поле’)

lühüdašti (lühüdas) – коротко

ozuta|i (-jan, -jid) – показатель

ozute|z (-sen, -st, -sid) – пример

penika|ine (-ižen, -št, -ižid) – маленький

poim|da – (-ib, -i) – собирать

statj (-an, -oid) – случай

tehlen – форма 3 л. ед. ч. презенса от tegelta ʽделать многократно’

valdm|ad (-oid) только мн. ч. – мостки

Harjoitused.

1. Löukat tekstaspäi kaik approksimatividen da egressivan kävutamižen statjad. Jonoštagat kändoiden ozutajad.

2. Käkat tekst venäkel’he kirjutaden.

Tekst 2