Документ Домострой

(Извлечения)

Како детей учити и страхом спасати. Казни сына своего от юно­сти его, и даст красоту душе твоей. И не ослабляй, бия младенца: аще то жезлом биеши его, не умрет, но здравее будет. Ты бо, бия его по телу, душу его избавляешь от смерти. Дщерь ли имаши: положи на них грозу свою... да в послушании ходит... аще бо отдали дщерь твою (замуж) без порока, то яко велико дело совершиши и посреди собора похвалишася...

Любя же сына своего, учащай ему раны, да последи о нем возве-селишася. Казни сына своего измлада и порадуешися о нем в муже­стве: и посреди злых похвалишася, и зависть примут враги твои... И не даждь ему власти в юности, но сокруши ему ребра, донележе растет. А, ожесточав, не повинет ти ся; и будет ти досаждение и бо-

лезнь души и тщета домови, погибель имению и укоризна от сусед, посмех пред враги, пред властию платеж и досада зла...

Чада, послушайте заповеди Господни: любите отца своего и ма­терь свою, и послушайте их, и повинуйтесь им, по Бозе, во всем. И старость их чтите, и немощь их, и скорбь всякую, от всея души... Аще ли кто злословит, или оскорбляет родителя своя,., сий перед Бо­гом грешен, от народа проклят. Аще ли кто биет отца и матерь от церкви, и ото всякия святыни да отлучится и лютою смертию и грац-кою казнью да умрет. Писано бо есть: отцова клятва (проклятие) ис­сушит, а материя искоренит... Отчее благословение дом утвердит, и материя от напасти избавит. Аще ли оскудеют разумом в старости отец и мать, не безчевствуйте их, не укоряйте, да от своих чад почте-ни будете...

Како поучати мужу своя жена. Подобает поучити мужем жен своих с любовью и благорассудным наказанием. Жены мужей своих вопроша­ют о всяком благочинии: како душа спасти, Богу и мужу угодити и дом свой добре строити, и во всем ему покорятися. И что муж накажет, то с любовью приимати и со страхом внимати, и творити по его на­казанию... А сама бы государыня отнюдь никакоже... опричь немощи, или по мужниной воле, или по нужде, николи без дела не была, ино и служкам, на нее смотря, неповадно было. Муж ли придет, гостья ли обычная придет, всегда бы за рукодельем сидела. То ей честь и слава, и мужу похвала...