Полезное:
Как сделать разговор полезным и приятным
Как сделать объемную звезду своими руками
Как сделать то, что делать не хочется?
Как сделать погремушку
Как сделать так чтобы женщины сами знакомились с вами
Как сделать идею коммерческой
Как сделать хорошую растяжку ног?
Как сделать наш разум здоровым?
Как сделать, чтобы люди обманывали меньше
Вопрос 4. Как сделать так, чтобы вас уважали и ценили?
Как сделать лучше себе и другим людям
Как сделать свидание интересным?
Категории:
АрхитектураАстрономияБиологияГеографияГеологияИнформатикаИскусствоИсторияКулинарияКультураМаркетингМатематикаМедицинаМенеджментОхрана трудаПравоПроизводствоПсихологияРелигияСоциологияСпортТехникаФизикаФилософияХимияЭкологияЭкономикаЭлектроника
|
Тэма 22. Езус узышоў на неба
Дыдактычная мэта: пазнаёміць вучняў з біблійнай гісторыяй пра ўнебаўшэсце Езуса Хрыста; дапамагчы вучням зразумець, што пакліканнем кожнага чалавека з’яўляецца Нябеснае Валадарства. Выхаваўчая мэта: фарміраваць у вучняў імкненне дасягнуць Нябеснага Валадарства. Матэрыялы: Біблія: Ян 14, 1–3, Мк 16, 19–20, Дз 1, 9–11. Ілюстрацыя: «Унебаўшэсце Езуса Хрыста», надпісы да ілюстрацыі: «Іду падрыхтаваць месца для вас» (Ян 14, 2); «Я з вамі ва ўсе дні аж да сканчэння веку» (Мц 28, 20). Фрагмент з фільма пра ўнебаўшэсце Езуса Хрыста. Метады катэхезы: малітва, аналіз біблійнага тэксту, медытацыя над абразом, завучванне ключавога верша на памяць, слуханне аўдыёзапісу Бібліі, прагляд фрагмента з фільма, дыялог, праца ў парах, праца ў групах, пісьмовая праца на аснове тэксту, творчая майстэрня — маляванне ўсёй групай, спеў. Ход занятку Малітва Песня «Езус — наш Пан» Праверка хатняга задання Катэхет прапаноўвае вучням падзяліцца аргументамі, якія яны напісалі свайму няверуючаму сябру. Вучні паказваюць свае малюнкі. Пры паўтарэнні хатняга задання можна карыстацца крыжаванкамі, змешчанымі ў канцы сшытка (крыжаванка № 21). Катэхет уводзіць вучняў у новую тэму. Чалавек пытаецца Сёння я хачу расказаць вам гісторыю пра аднаго чалавека, які пасля смерці трапіў у рай. Яго з радасцю сустрэў святы Пётр. Дом у раі Памёр чалавек. На зямлі яго лічылі добрым католікам: ён хадзіў па нядзелях у касцёл, часам спавядаўся, нічога дрэннага, здаецца, не рабіў: не забіваў, не краў, не гаварыў няпраўды. Так, прынамсі, лічылі родныя і знаёмыя, ды і ён сам. Пасля смерці ён трапіў у рай. Задаволены, набліжаецца да ўваходу, дзе яго сустракае святы Пётр з таўшчэзнаю кнігаю ў руках. — Каткоўскі Іван? — перапытвае святы, гартаючы кнігу. — Так, ёсць тут такі. Хадзем са мной, я пакажу табе твой дом. Ідуць яны па раі. Наперадзе бачыць Іван вялізны палац такой прыгажосці, якую на зямлі нават уявіць сабе немагчыма. Іван радасны бяжыць да яго. — Затрымайся, — кажа Пётр, — гэта яшчэ не твой дом. Засумаваў Іван. Ідуць яны далей. Неўзабаве паказаўся шыкоўны катэдж, у якім марыў бы жыць любы чалавек. Іван памкнуўся звярнуць да яго, але Апостал зноў папярэдзіў: — І гэта не твой дом. Яшчэ больш засумаваў Іван. Ды бачыць: наперадзе стаіць ужо аднапавярховы дом, але дастаткова вялікі і прыгожы. «Нічога, — думае Іван, — і гэта яшчэ няблага». Толькі ірвануўся пайсці, як зноў чуе: — Пачакай, твой дом будзе наступны. Прайшлі яны яшчэ крыху, і перад імі паўстаў маленькі бедны домік, нават сцены ў ім былі не пафарбаваныя. Іван ледзь не заплакаў ад крыўды: — Чаму такая несправядлівасць у раі? Хтосьці жыве ў палацы, хтосьці ў катэджы, а мне дасталася гэтая халупа. Пётр уздыхнуў і адказаў: — Таго матэрыялу, які я атрымліваў ад цябе падчас твайго жыцця, хапіла толькі на такі дом…
Апавяданне катэхета можа суправаджацца паказам дамоў на праектары. Катэхет задае вучням пытанні (у сшытку заданне № 1): — Які матэрыял выкарыстоўваецца для будаўніцтва нябесных палацаў? — Што вы зразумелі з гэтай гісторыі? Вучні дзеляцца сваімі адказамі. Бог адказвае Катэхет вешае на дошку ілюстрацыю: «Унебаўшэсце Езуса Хрыста», а таксама надпісы да ілюстрацыі: «Іду падрыхтаваць месца для вас» (Ян 14, 2); «Я з вамі ва ўсе дні аж да сканчэння веку» (Мц 28, 20).
Катэхет: На саракавы дзень пасля ўваскрасення Езус узышоў на неба.
Катэхет прапануе вучням праслухаць аўдыёзапіс фрагментаў Бібліі: Ян 14, 1–3, Мк 16, 19–20, Дз 1, 9–11. Можна паказаць фрагмент з фільма пра ўнебаўшэсце Езуса Хрыста.
Катэхет: Цяпер давайце раздзелімся на тры групы і папрацуем з біблійнымі тэкстамі, каб глыбей акунуцца ў збаўчыя падзеі і бліжэй пазнаёміцца з абставінамі ўнебаўшэсця Езуса Хрыста (у сшытку заданне № 2).
І група
1. Прачытайце фрагмент са Святога Евангелля паводле Яна (14, 1–3).
«Няхай не трывожыцца сэрца вашае. Верыце ў Бога і ў Мяне верце. У доме Айца Майго шмат святліц. А калі б так не было, ці сказаў бы вам, што іду падрыхтаваць месца для вас. І калі пайду і падрыхтую вам месца, прыйду зноў і забяру вас да сябе, каб і вы былі там, дзе Я».
2. Адкажыце на пытанні: — Як вы разумееце выраз «Удоме Айца Майго шмат святліц»? — Што Езус хацеў сказаць Апосталам словамі: «Іду падрыхтаваць месца для вас»? — Што вы адчуваеце, чытаючы словы: «І калі пайду і падрыхтую вам месца, прыйду зноў і забяру вас да сябе, каб і вы былі там, дзе Я»? Чаму?
ІІ група:
1. Прачытайце фрагмент са Святога Евангелля паводле Марка (16, 19–20).
«І пасля размовы з імі Пан Езус узнёсся ў неба і сеў праваруч Бога. А яны пайшлі і паўсюль прапаведавалі. Пан садзейнічаў ім і пацвярджаў слова знакамі, што яму спадарожнічалі».
2. Выканайце заданні: — Вызначце месца апісанай падзеі. — Вызначце час дзеяння. — Пералічыце сведкаў унебаўшэсця Пана і апішыце дзеянні, якімі суправаджалася гэтая падзея. — Апішыце ўзаемныя спадзяванні біблійных персанажаў.
ІІІ група:
1. Прачытайце фрагмент з кнігі Дзеяў Апосталаў (1, 9–11).
«Калі сказаў гэта, яны ўбачылі, як Ён узнёсся, і воблака забрала Яго з іхніх вачэй. Калі яны пільна ўзіраліся ў неба, як Ён узыходзіў, вось два мужы сталі перад імі ў белым адзенні і сказалі: „Галілейцы, чаго стаіце і ўглядаецеся ў неба? Гэты Езус, забраны ад вас на неба, прыйдзе таксама, як вы бачылі Яго, калі Ён узыходзіў на неба“».
2. Выканайце заданні: — Вызначце месца апісанай падзеі. — Вызначце час дзеяння. — Пералічыце сведкаў унебаўшэсця Пана і апішыце дзеянні, якімі суправаджалася гэтая падзея. — Апішыце ўзаемныя спадзяванні біблійных персанажаў.
Вучні прадстаўляюць працу ў групах (чытанне біблійных тэкстаў абавязковае).
Факт унебаўшэсця Езуса Хрыста адкрывае нам праўду пра ўзвышэнне Хрыста над усім стварэннем. Езус застаўся з намі ў шматлікіх знаках. Ён прысутны ў Касцёле, які сам заснаваў, у святых сакрамэнтах, якія Ён устанавіў, у сваім Слове, на святой Імшы, на катэхезе. Гэта шматлікія знакі Яго прысутнасці сярод нас. І хоць мы Яго не бачым, Ён вядзе нас у дом Нябеснага Айца.
— Напішыце, як вы разумееце выраз: «Езус Хрыстус — мой Пан!» (у сшытку заданне № 4). — Якія думкі, словы, учынкі і дзеянні чалавека сведчаць пра тое, што Езус з’яўляецца для яго Панам?
|