Полезное:
Как сделать разговор полезным и приятным
Как сделать объемную звезду своими руками
Как сделать то, что делать не хочется?
Как сделать погремушку
Как сделать так чтобы женщины сами знакомились с вами
Как сделать идею коммерческой
Как сделать хорошую растяжку ног?
Как сделать наш разум здоровым?
Как сделать, чтобы люди обманывали меньше
Вопрос 4. Как сделать так, чтобы вас уважали и ценили?
Как сделать лучше себе и другим людям
Как сделать свидание интересным?
Категории:
АрхитектураАстрономияБиологияГеографияГеологияИнформатикаИскусствоИсторияКулинарияКультураМаркетингМатематикаМедицинаМенеджментОхрана трудаПравоПроизводствоПсихологияРелигияСоциологияСпортТехникаФизикаФилософияХимияЭкологияЭкономикаЭлектроника
|
Тэма 19. Езус дае нам сваё ЦелаДыдактычная мэта: пазнаёміць вучня з біблійнымі гісторыямі пра памнажэнне хлябоў і пра ўстанаўленне сакрамэнту Эўхарыстыі; дапамагчы вучням зразумець, што сакрамэнт Эўхарыстыі з’яўляецца крыніцаю і вяршыняю нашай веры. Выхаваўчая мэта: выхоўваць у вучнях пачуццё ўдзячнасці Богу за сакрамэнт Эўхарыстыі і заахвоціць вучняў, каб яны прымалі поўны ўдзел у святой Імшы. Матэрыялы: Біблія: Мц 14, 14–21; Лк 14, 17–19; Ян 6, 47–59. Ілюстрацыі: 1) малюнак (фотаздымак) з дзецьмі, якія галадаюць; 2) «Памнажэнне хлябоў», надпісы да ілюстрацыі: «І, загадаўшы народу сесці на траву, Ён узяў пяць хлябоў і дзве рыбіны, паглядзеў на неба, благаславіў і, разламаўшы, даў хлеб вучням, а вучні — людзям» (Мц 14, 19); «Гэта чыніце на Маю памяць» (Лк 22, 19); «Бо Цела Маё — праўдзівы спажытак, а Кроў Мая — праўдзівы напой» (Ян 6, 55). Фрагменты з фільма, прысвечаныя біблійным гісторыям пра памнажэнне хлябоў і пра ўстанаўленне сакрамэнту Эўхарыстыі. Метады катэхезы: малітва, аналіз біблійнага тэксту, медытацыя над абразом, завучванне ключавога верша на памяць, слуханне аўдыёзапісу Бібліі, прагляд фрагмента з фільма, дыялог, праца ў групах, пісьмовая праца на аснове тэксту, творчая майстэрня — біблійны рэпартаж. Ход занятку Малітва Эўхарыстычная песня. Праверка хатняга задання Катэхет прапануе вучням падзяліцца тым, як у іх атрымалася на працягу мінулага тыдня быць бліжнімі для тых людзей, якіх яны сустрэлі. Пры паўтарэнні хатняга задання можна карыстацца крыжаванкамі, змешчанымі ў канцы сшытка (крыжаванка № 18). Катэхет уводзіць вучняў у новую тэму. Чалавек пытаецца На дошцы прымацаваная ілюстрацыя дзяцей, якія галадаюць. Катэхет прыносіць на занятак хлеб, паказвае яго вучням і задае пытанні: — Што гэта? — Навошта людзям хлеб? — Чаму мы яго ядзім? — Што адбудзецца, калі людзям не хопіць хлеба? Бог адказвае Ствараючы свет, Пан Бог паклапаціўся пра чалавека і даў яму хлеб. Кожны дзень Пан клапоціцца пра нас, каб мы мелі хлеб штодзённы. Сёння мы з вамі пагаворым пра Хлеб Нябесны, які дае нам нябесны Айцец. Катэхет вешае на дошку ілюстрацыю «Памнажэнне хлябоў», надпісы да ілюстрацыі: «І, загадаўшы народу сесці на траву, Ён узяў пяць хлябоў і дзве рыбіны, паглядзеў на неба, благаславіў і, разламаўшы, даў хлеб вучням, а вучні — людзям» (Мц 14, 19); «Гэта чыніце на Маю памяць» (Лк 22, 19); «Бо Цела Маё — праўдзівы спажытак, а Кроў Мая — праўдзівы напой» (Ян 6, 55). Катэхет дае вучням магчымасць праслухаць аўдыёзапіс трох урыўкаў з Бібліі: Мц 14, 14–21; Лк 14, 17–19; Ян 6, 47–59. Катэхет паказвае вучням фрагменты з фільма, прысвечаныя біблійным гісторыям пра памнажэнне хлябоў і пра ўстанаўленне сакрамэнту Эўхарыстыі. Катэхет дзеліць вучняў на тры групы і прапануе напісаць рэпартаж з месцаў біблійных падзей (у сшытку заданне № 1).
I група: Мц 14, 14–21. II група: Лк 14, 17–19. III група: Ян 6, 47–59.
Вучні павінны стварыць рэпартаж, у якім апісваецца: 1. Месца здарэння. 2. Удзельнікі здарэння. 3. Сама падзея. 4. Уражанні ўдзельнікаў падзеі. 5. Уражанне самога карэспандэнта ад пачутых слоў і дзеянняў Езуса.
Вучні прадстаўляюць сваю творчасць.
Катэхет задае вучням пытанні: — Што ёсць агульнага паміж гэтымі падзеямі? — Пра які хлеб Езус гаварыў у сінагозе ў Кафарнаўме? — Што з’яўляецца сапраўдным хлебам і напоем для хрысціянаў? — Што нам дае сапраўднае Цела і Кроў Езуса Хрыста пад выглядам хлеба і віна? — Што адбудзецца з людзьмі, якія не прымаюць святую Камунію? — Кім жыве чалавек, які прымае святую Камунію? — Хто жыве ў нас, калі мы прымаем святую Камунію? Карыстаючыся фрагментам са Святога Евангелля паводле Лукі (14, 17–19), выпішы словы, якімі Езус устанавіў сакрамэнт Эўхарыстыі (у сшытку заданне № 3).
|