Тэма 23. Езус пасылае нам Святога Духа

Дыдактычная мэта:

пазнаёміць вучняў з біблійнай гісторыяй пра спасланне Святога Духа; дапамагчы вучням зразумець, што чалавеку патрэбна пастаянная дапамога Святога Духа і малітвы аб Яго дарах.

Выхаваўчая мэта:

фарміраваць у вучняў імкненне быць адкрытымі на дзеянне Святога Духа і супрацоўніцтва з Яго дарамі.

Матэрыялы:

Біблія: Ян 14, 26; Ян 16, 13–15, Дз 2, 1–4; Дз 1, 8.

Ілюстрацыя: «Спасланне Святога Духа», надпісы да ілюстрацыі: «І напоўніліся ўсе Духам Святым, і пачалі гаварыць на іншых мовах, як Дух даваў ім прамаўляць» (Дз 2, 4); «А Суцяшыцель, Дух Святы, якога Айцец пашле ў імя Маё, навучыць вас усяму і нагадае вам пра ўсё, што Я сказаў вам» (Ян 14, 26).

Фрагменты з фільма, прысвечаныя гісторыі пра спасланне Святога Духа.

Метады катэхезы:

малітва, аналіз біблійнага тэксту, медытацыя над абразом, завучванне ключавога верша на памяць, слуханне аўдыёзапісу Бібліі, прагляд фрагмента з фільма, дыялог, праца ў парах, пісьмовая праца на аснове тэксту, творчая майстэрня — інсцэніроўка, спеў.

Ход занятку

Малітва

Песня да Святога Духа

Праверка хатняга задання

Катэхет прапаноўвае вучням падзяліцца тым, што ім удалося на працягу мінулага тыдня зрабіць для таго, каб дасягнуць Валадарства Нябеснага.

Пры паўтарэнні хатняга задання можна карыстацца крыжаванкамі, змешчанымі ў канцы сшытка (крыжаванка № 22).

Катэхет уводзіць вучняў у новую тэму.

Чалавек пытаецца

Катэхет задае вучням пытанне:

— Хто нам дапамагае?

Вучні дзеляцца сваімі адказамі.

Бог адказвае

Пасля ўзнясення на неба Езус абяцаў сваім вучням паслаць памочніка — Святога Духа. Сёння мы з вамі даведаемся, што ў Святым Пісанні гаворыцца пра падзею спаслання Святога Духа і Яго дзеянні ў жыцці хрысціянаў.

Катэхет вешае на дошку ілюстрацыю: «Спасланне Святога Духа», і надпісы да ілюстрацыі: «І напоўніліся ўсе Духам Святым, і пачалі гаварыць на іншых мовах, як Дух даваў ім прамаўляць» (Дз 2, 4); «А Суцяшыцель, Дух Святы, якога Айцец пашле ў імя Маё, навучыць вас усяму і нагадае вам пра ўсё, што Я сказаў вам» (Ян 14, 26).

Катэхет прапануе вучням праслухаць аўдыёзапіс урыўкаў з Бібліі: Ян 14, 26; Ян 16, 13–15, Дз 2, 1–4; Дз 1, 8.

Катэхет прапануе прагледзець фрагменты з фільма пра спасланне Святога Духа.

Катэхет задае вучням пытанні (у сшытку заданне № 1):

— Калі на Апосталаў сышоў Святы Дух?

— Якія знакі суправаджалі гэтую падзею?

— Якія плады спаслання Святога Духа?

Катэхет прапануе вучням на аснове біблійных тэкстаў напісаць, кім з’яўляецца Дух Святы і якую ролю Ён іграе ў жыцці хрысціяніна (у сшытку заданне № 2 — можна выконвацца вусна). Тэксты для падрыхтоўкі:

1. Ян 14, 26

2. Ян 16, 13–15

3. Дз 1, 8

У дыяграме схаваныя назвы дароў Святога Духа.

Катэхет прапануе вучням знайсці назвы ўсіх сямі дароў (у сшытку заданне № 3):

Катэхет тлумачыць вучням сэнс дароў Святога Духа. Пасля тлумачэння катэхет прапануе вучням упісаць у табліцу назвы дароў Святога Духа адпаведна іх значэнню (заданне ў сшытку № 4):