Кәрден (фарфор) ыдыстар

Шыны ыдыстармен қатар зертханада фарфордан, отқа төзімді және мөлдір немесе жартылай мөлдір пластикалық массадан жасалған ыдыстарды қолданады.

Зертханада қолданылатын фарфор ыдыстар саны шыны ыдыстардын әлдеқайда аз. Шыны ыдыстармен салыстырғанда фарфор ыдыстар берік және қатты қыздыруға төзімді, ыстық ерітінділерді ешбір қауіпсіз құя беруге болады және т.б. артықшылықтары бар. Дегенмен фарфор ыдыстардың кемшілігі сол, олар ауырлау, мөлдір емес және шыны ыдыстардан қымбаттау.

Фарфор стақандардың (25-сурет) түрлері және сыйымдылығы шыны стақандар секілді.

25-сурет. Фарфор стақандар жабдығымен

Буландырғыш тостағаншалар (26-сурет) зертханада кеңінен қолданылады. Әртүрлі сыйымдылықты, 3- см-ден 50 см-ге дейін және одан да көп диаметрлі болады. Тостағаншалар әртекті ерітінділерді буландыруға арналады, буландырғанда асбест торын немесе су моншаларын қолданған жөн, бұл жағдайда қыздыру процесі біртекті өтеді. Фарфор тостағаншаларды жалаң жалында да қыздыруға болады.

26-сурет. Фарфор буландырғыш жабдығымен

Тигельдер (27-28 суреттер) -әртүрлі сыйымдылықты, фарфор қақпағы бар фарфор ыдыстар. Әртекті қоспаларды балқытуға, күлдерін анықтау үшін органикалық заттарды өртеуге және т.б. үшін қолданады. Көпшілік жағдайда тигельдерді асбест торысыз, ешбір моншасыз тікелей жалында қыздырады.

Тигельді қыздыру үшін оны фарфор үшбұрышына (29-сурет) орнатады. Оны сыммен байланысқан үш фарфор түтікшегден жасайды. Фарфор үшбұрышын жұмыс істеуге таңдағанда, тигелдің ¹/3 бөлігі үшбұрыштан биік болып тұратындай етіп таңдау керек.

Фарфорлы тигель 1200⁰ дейін шыдамды, бұндай температурадағы балқытуды муфель пешінде жүргізгенде алуға болады.

27-сурет. Фарфор тигелі 28-сурет. Розе тигелі 29-сурет. Фарфор үшбұрышы

Бюхнер құйғышы (30-сурет) қарапайым шыны құйғыштардан айырмашылығы, олардың тік қабырғалары және ұсақ тесіктері болады. Оны көбіне фильтрлеуге арналған Бунзен колбасымен бірге қолданады.

Бюхнер құйғышынан басқа фильтрлеу үшін арнайы фарфор торын қолданады. Оларды қарапайым шыны құйғыштармен қолданады.

Фарфор-шпатель қасығы зертханада қоспаларда алып-салуға, фильтрден қалған тұнбаны алуға және т.б. қолданады.

30-сурет. Фарфордан жасалған 31-сурет.

Бюхнер құйғышы Фарфор келі мен түйгіш