Күрделі даму бұзылыстарын анықтау және түзету

Анық көрініс табатын психикалық дамуында бұзылыстары бар баланы тексеру дегеніміз: көру және есту қалпын тексеру; жүйелі психологиялық-педагогикалық тексерістер; барлық жанұяларды генетикалық экспертизаға жіберу.

Медициналық диагнозды қоюға түрлі маман-дәрігерлер шақырылуы тиіс. Нейрофизиологиялық қорытынды - электроэнцефалография мен баланың көру, естуін объективті тексеру нәтижелеріне негізделеді. Нейрофизиологиялық зерттеу нәтижелері сенсорлық бұзылыстардың анықтылығы, орталық жүйке жүйесі бұзылысының тереңдігі мен таралуы, ми процестерінің жетілгендігі жайлы қорытындыға әсер етуі мүмкін.

Психолог және дәрігер алынған мәліметтерді біріктіріп баланың даму тарихын толықтырады. Ортамен байланыс бұзылыстарының мінездемесі және қайта құрылу жылдамдығы негізінде жүре пайда болған көру мен есту бұзылыстары бар жағдайында баланың даму мүмкіндіктерін болжауға болады. Бұл үшін баланың ауруға дейінгі психикалық даму ерекшеліктері жайлы мәліметтерді жинақтап, соңынан сезім ағзаларының сақталған қасиеттерін қолдана отырып жоғалтқан байланыстарды қайта қалыптастыра бастау қажет.

Психологиялық-педагогикалық тексеріс - баланың қозғалыс, танымдық және жекетұлғалық сфераларының ерекшеліктерін зерттеу. Баланың дамуында көптеген күрделі бұзылыстар орын алған жағдайда оның іс-әрекет ерекшеліктері мен үйренген жағдайында қоршағандармен қарым-қатынасқа түсуін бақылау қажет. Анықтау орталығында зерттеу жұмысын жүргізгенде баланың жаңа ортаға, бөлмеге, үлкендермен /таныс, бейтаныс/ қарым-қатынасқа түсу ерекшеліктерін бақылау, заттық және ойын әрекеттерінің қалыптасу деңгейін анықтау, анықтау тапсырмаларын қабылдау мүмкіндіктерін қадағалау қажет. Күрделі немесе көптеген бұзылыстары бар баланы тексерудегі міндеттер - баланың физикалық, соматикалық және психикалық қалпын тексеріс уақытына сипаттау.