Телекоммуникация жүйелердің құрылымы мен қызметі

Телекоммуникация, телеқатысым (латынша тele-қатынасу, байланысу, грекше-қашық және ағылшынша communіcatіon-байланыс)-ғылым мен техниканың халықты ақпараттық қызметтің барлық түрімен қамтамасыз ететін саласы; қашықтықтан ақпарат алмасуды жүзеге асыратын технологиялар жиынтығы. Телекоммуникация саласы Қазақстанға 20 ғасырдың 90-жылдарынан ене бастады. Телекоммуникация электрбайланыс және компьютердің көмегімен ақпараттың барлық түрлерін (дыбыс, дерек, қозғалмалы және қозғалмайтын бейне, мультимедиа) талшықты оптикалық байланыс кабелі, радио, Жердің жасанды серігі, т.б. байланыс түрлері арқылы таратады. Электр сигналдарын таратып-қабылдауды телекоммуникация жүйесі атқарады. Бұл жүйе ақпаратты пайдаланушыларға дыбыс немесе бейне-көрініс түрінде тарататын жабдықтар жиынтығынан тұрады. Телекоммуникация жүйелері жиынтығының аумақтық орналасу принципіне, жұмыс істеуі мен бір-біріне тәуелділігіне қарай біріктірілуін телекоммуникация желісі деп атайды. Барлық мемлекеттегі құрастырылатын, өндірілетін және пайдаланылатын телекоммуникация жабдықтарының параметрлерін үйлестіру және телекоммуникация саласының даму сатысын анықтау мәселесімен Халықаралық Электрбайланыс Одағы (ХЭО) айналысады. ХЭО-ның мақсаты ақпараттық құрылым жасау және соның нәтижесінде Телекоммуникацияны дербестендіру. Телекоммуникация желісіне радио, теледидар, телефон желілері және компьютерлік желі жатады. Радио және теледидар желілері тұтынушыларға ақпаратты бір жақты, кеңінен (желіден абоненттерге) тарату қызметін атқарады. Телекоммуникацияның ең алғаш құрылған желісі-телеграф желісі. Қазіргі телекоммуникация саласындағы ғылыми-техникалық жетістіктер аналогты сигналдарды (дыбыс пен бейне) цифрлап, ал цифрланған сигналдарды таратудың мүмкіншіліктерін іске асырды. Телекоммуникация (Telecommunications)-компьютерлік жүйелер мен қазіргі заманғы техникалық электрондық байланыс құралдары негізінде телефон желілері, спутниктік байланыс және т.б. арқылы мәліметтерді қашықтан жеткізуге қатысты жалпы ұғым; жалпы немесе арнаулы байланыс желілері (телеграф, телефон, радио арқылы мәліметтер алмастыруға арналған қатынас). Телефон жүйесі арқылы ақпарат жеткізу; ара қашықтық байланыс; мәліметтерді ара қашықтыққа жіберу болып табылады.

Тапсырма 1.Мәтінді оқып, аударыңыздар

Тапсырма 2. Мәтін бойынша сұрақтар құрастырыңыздар

Тапсырма 3.Берілген сөздерді талдаңыз

Қашықтық, тұтынушыларға, қызметін атқарады, саласындағы, пайдаланушыларға, цифрланған, мүмкіншіліктерін, желісіне, жүзеге асыратын,жиынтығының, тәуелділігіне, көріністерінде, құрылған.

Тапсырма №4. Тест жұмысы.

1.«Қызметін» деген сөз қандай сұраққа жауап береді?

а) нені?

ә) қандай?

б) не істеу?

2.«Тұтынушы» сөзінің аудармасы:

а) потребитель

ә) предложение

б) успех

3.Біріккен сөзді табыңыз.

а) телекоммуникация

ә) ақпараттық

б) ғаламдық

4.«Ақпаратты өңдеу» тіркесінің аудармасы:

а) дать информацию

ә) обрабатывать информацию

б) получить информацию